المصير المكتوب مرتين 🕰️✍️💔

البارت الثامن ✨

عمر رجع البيت اللي محدش يعرف عنه حاجه غير كريم وحبيبه بعد ما وافق يكمل الشغل، لكنه كان عارف إن ده آخر نفس له في السكة دي. لقى كريم مستنيه في الصالة، باين عليه التوتر.

​كريم: "رجعت ليه؟"

​عمر (بحدة وغضب): "رجعت علشان انهي اللعبة دي بنفسي. أنا مش هسيبهم يتحكموا في مصيري أكتر من كده."

​عمر جلس وهو يتنهد.

​عمر: "اسمعني يا كريم. أنا عملت اللي عليا في الـ 14 يوم اللي فاتوا. الملف ده، اللي أمي خبيته ، ده ملخص كل صفقات رامي وتفاصيله."

​كريم (بصوت مخنوق وخوف): "يا لهوي يا عمر! أنت عارف الملف ده فيه إيه؟ ده لو رامي شم خبر بيه، هيولع في البلد كلها عشان يلاقيك! الملف ده ممكن يوديك في ستين داهية!"

​عمر (ببرود): "ممكن يوديني، وممكن يوديه هو الأول. أنا دلوقتي عايزك تتابع أمي، وتتأكد إن الملف متخبي في مكان ميعرفوش غيرها. أوعى تدي الملف ده لأي حد غير لو أنا طلبت منك مباشرة."

​كريم: "أنت بتلعب بالنار يا عمر. ده الملف اللي كنا متفقين نستناه عشان ما تتعرضش للخطر."

​عمر: "الوقت انتهى يا كريم. أنا لازم أعمل الخطوة دي قبل ما هما اللي يعملوها."

​-----

في نفس الليلة، كان سامي بيشرب شاي في مخزن قديم مع أحد رجالة رامي الكبار اسمه "منصور".

​سامي: "الواد عمر رجع الشغل، بس شكله مش عاجبني. كان بيتجنب الرد علينا طول الـ 14 يوم اللي فاتوا."

​منصور (بلامبالاة): "سيبه يشتغل، طالما البضاعة بتوصل."

​سامي: "بس أنا شفته من كام يوم بيتسحب وهو خارج من مكان مشبوه، وكنت حاسس إنه خايف... ده عمر مش بتاع خوف."

​بعدها بساعة، رامي كان قاعد في مكتبه، وصلته مكالمة من منصور.

​منصور (بخوف): "رامي بيه، في كلام منتشر إن عمر كان بيجهز لحاجة. أنا متأكد إن عمر معاه حاجة ممكن تودينا في ستين داهية! لازم نلحقه قبل ما يتحرك."

​رامي (بهدوء مخيف): "عمر؟ يخونني؟... طيب. خليه يكمل شغله عادي. أنا عايز عيونكم تكون عليه وعلى كل خطوة بيعملها. والأهم... خليك ورا كريم صاحبه."

------

في الصباح التالي، عمر كان بيحاول يتصل بحبيبه لكنها لم ترد. فجأة، وصلته رسالة نصية قصيرة وحازمة:

​"بكرة في الكفتريا، الساعة 10 بليل. لازم تختار: يا أنا، يا السكة دي. قدامك 24 ساعة بس يا عمر تفكر فيهم كويس."

​عمر اتصدم. رسالة حبيبه كانت قاسية ومباشرة جداً. هي مش بتسأله، هي بتدي له قرار نهائي.

​عمر كلم كريم في الحال:

​عمر: "حبيبه بعتتلي إنذار... بكرة في ميعادنا. هي عرفت إن مفيش تغيير."

​كريم: "وأنت هتقولها إيه؟"

​عمر: "هأحاول أقنعها إني هسيب الشغل في الحال."

​كريم (بإحباط): "يا عمر، أنت عارف إنك مش هتقدر تسيبهم في الحال. الملف ده هو اللي هيخليك تعيش، بس لو رامي عرف مكانه، الملف هيقتلنا كلنا!"

​عمر: "مش هيعرف. دلوقتي أنا لازم أركز إزاي أقول لحبيبه إني فشلت في الوعد."

​عمر أغلق الهاتف بعد مكالمته مع كريم. 24 ساعة فقط. 24 ساعة تفصل بينه وبين نهاية كل شيء: إما نهاية علاقته بحبيبه، أو نهايته هو في السكة دي.

​قام يمشي بعصبية في الغرفة، يمرر يده على شعره.

​عمر لنفسه: هي مش هترجع. خلاص، دي المرة الأخيرة اللي هتسمعني. لو كذبت، هخسرها للأبد. ولو قلت الحقيقة عن الملف، هعرّضها للخطر.

​تذكر نظرة الخوف في عينيها آخر مرة تقابلا فيها، واليأس اللي كان في صوتها. شعر بالخجل من نفسه.

كان بيتمنى يقدر يرجع بالزمن ويختار طريق تاني.

​أخرج سيجارة، نظر إليها طويلاً، ثم كسرها بعصبية وألقاها في السلة .

​عمر لنفسه: "أنا مش هكذب تاني... بس هقول إيه؟"

​قضى عمر الساعات القليلة التالية في محاولة ترتيب الكلمات. يحاول بناء جسر من الكذب الأبيض يوصله لبر الأمان المؤقت. كان يحفظ خطة وهمية للخروج من الشغل، يعرض فيها تضحيات وإجراءات وهمية لإقناعها بأن الأمر يستدعي مزيداً من الوقت.

------

​في بيت حبيبه، كانت سارة تحاول تهدئة اختها التي كانت تبكي بصمت، دموع جافة لكنها حارقة.

​سارة (بحزن): "أنتِ عملتي اللي عليكِ يا حبيبه. أنتِ سبتي له كل الفرص."

​حبيبه (بصوت مبوح): "أنا مش عايزة أخسره يا سارة، بس خايفة عليه أوي... وخايفة على نفسي. كل مرة بيرجع أسوأ من اللي قبلها. أنا اديته فرصة أسبوعين، رجع للشغل في أول يوم منهم."

​سارة: "المرادي القرار قرارك. لو رجعتي، يبقى ده هيستمر. أنتِ بتدي له الأمان اللي بيخليه يتمادى في الخطر.

​حبيبه: "بس يمكن المرة دي تكون مختلفة؟ يمكن لو شاف إن أنا ببعد بجد، يخاف ويقرر يرجع."

​سارة: "ولو مرجعش؟"

​صمتت حبيبه. مدت سارة يدها ومسكت يدها.

​سارة: "أنتِ قوية يا حبيبه. بكره هو لازم يشوف إنك مش لعبة في إيده. لازم يشوف إنك بتبعيه بجد، يمكن ده يكون آخر أمل لإنقاذه."

​حبيبه: "يا رب... نفسي يكون آخر أمل مش نهاية."

​سارة: "محدش هينقذه غير نفسه. بكره هتقوليله قرارك، ومفيش رجوع."

​حبيبه (تنظر إلى رسالتها التي أرسلتها لعمر): "هو هيقول إيه؟ يا ترى هيقولي قررت أسيب كل حاجة عشانك؟"

​سارة: "جهزي نفسك للأسوأ، عشان لو حصل الأفضل، تفرحي بجد."

------

​الساعة كانت تقترب من منتصف الليل. عمر لم يستطع الجلوس. كان يمشي في الشقة، يتخيل حوار الغد. يتخيل نظرة حبيبه القاسية، ويتخيل نفسه وهو ينهار أمامها.

​قرر يتصل بـ أمه، ليطمئن عليها، لكن المكالمة كانت قصيرة وبها توتر.

​عمر: "ألو يا أمي، عاملة إيه؟"

​الأم (بصوت منخفض): "الحمد لله يا حبيبي... أنت كويس؟"

​عمر: "أنا كويس... عايزك تقولي لكريم إن الأمانة في مكانها، ومحدش يقرب منها أبداً."

​الأم: "يا ابني إيه الأمانة اللي بتخوفني دي؟"

​عمر: "متقلقيش يا أمي... أنا بحبك أوي." (أنهى المكالمة قبل أن تزيد أسئلتها).

​الكلمات الأخيرة كانت أشبه بالوداع. شعر عمر بالوحدة المطلقة. كل شيء في حياته ينهار. الحماية اللي كان بيسعى ليها بقت خطر، والحب اللي بيحارب عشانه أصبح سيف على رقبته.

​تذكر عمر كلام كريم: "الملف ده هو اللي هيخليك تعيش، بس لو رامي عرف مكانه، الملف هيقتلنا كلنا!"

​نظر عمر إلى الساعه

​قام وارتدى ملابسه. اتجه إلى دولابه، وأخرج منه شيئاً صغيراً وخافياً. كان مسدساً. نظر إليه بتردد، ثم وضعه في جيب الجاكت الداخلي.

​عمر لنفسه: "أنا مش هستنى لما يقتلوني... أنا لازم أكون مستعد لكل حاجة."

​خرج عمر من البيت، ضوء الفجر كان قد بدأ يظهر. لم يكن ذاهباً لرامي، ولم يكن ذاهباً لحبيبه. كان ذاهباً لـ كريم، للمرة الأخيرة.

​نهاية البارت الثامن...

..... يتبع🦋

بـقـلـم الكاتبة: حـبـيـبـه مـحـمـد✍🏻♥