5 - فـاقـد الــشـئ يـعــطـيـه و بـقـوة

صلوا على خير الأنام 🤎

هبطت من غرفتها و هي تفرك عيناها بنعاس و صُدمت عندما وجدت والدتها و خالاتها و زوجة عمها و جدتها يبكون و شهقاتهم تملأ القصر فإقتربت منهن سريعاً وهي تقول بقلق :

- ايه اللي حصل، بتعيطوا ليه، حد حصله حاجة

اجابتها والدتها وصوتها يملأه البكاء :

- جوزك و ابن عمك لسة خارجين من العمليات و في العناية و مسك وفارس هم كمان عملوا حادثة و في العناية

شهقت بقوة و امتلأتا عيناها بالدموع و ثوانٍ و بكت بقوة و جثت علي ركبتيها و هي تقول ببكاء :

- جاسر، جاسر كويس صح، يا ماما بالله عليكي قوليلي أنه كويس

اقتربت منها والدتها و احتضنتها بقوة تحاول تهدئتها فقالت ملاك ببكاء اكبر :

- ليه محدش صحاني و قالي لـــــيـــــه

انهت كلماتها ببكاء و صراخ فقالت والدتها بخوف عليها :

- خوفنا نصيحكي و نقولك يحصلك حاجة وانتي تعبانة أصلاً

- يعني تستغل أن اوضتي في آخر الدور التاني و مش هسمع حاجة، حرام عليكم اقسم بالله حرام

- اهدي يبنتي عشان خاطري هتتعبي

ابتعدت ملاك عنها بسرعة و هي تقول ببكاء و إصرار :

- عايزة اروحله دلوقتي حالاً

اقتربت منها سارة قائلة و هي تحاول أن تهدأ كي تطمئن ابنة شقيقتها و زوجة ابنها :

- اهدي يبنتي، هو كويس بس عشان الإصابات كتيرة دخل العناية و هيخرج لما يفوق متقلقيش

هزت رأسها بالرفض و هي تقول بإصرار :

- مليش دعوة انا عايزة اروحله دلوقتي حالاً، حالاً يا خالتو

ـ يبنتي حرام عليكي نفسك اهدي شوية هو كويس والله

هذا ما قالته سارة فقالت ملاك لعند و بكاء :

- انا قولت هروح يعني هروح، حتي لو هاخد عشق و نروح منغيركم

اسراء بهدوء :

- عشق راحت توديلهم أكل و جاية اهدي يبنتي الصباح رباح و هنروح كُلنا و يكون اخوكي جه من شغله يودينا

~~~~~~~~~~~~~~~

و في المشفي التي بها صقر و جاسر

ولجت عشق الي الطابق الذي به عائلتها و رأتهم يجلسون علي المقاعد و الهم كان ردائاً لهم و الحزن قد كسي وجوههم

رآها جاسم تقترب منهم و هي تحمل بعض الحقائب فذهب لها سريعاً وهو يقول :

- ايه اللي جابك دلوقتي يا عشق

أجابته و هي تبتسم ابتسامة ذابلة :

- جيبالكم اكل عشان اكيد مكلتوش حاجة من الصبح، وسع كدت خليني اروح لجدو و الباقي

ذهبت أجدها و اعمامها و جلست علي الارض أمامهم دون التحدث و أخرجت صحون بلاستيكيه مغلفة و بها طعام و أعطت لكل منهم صحنه و قالت :

- كلوا و محدش يقولي لا عشان انتو مش قادرين تصلبوا طولكم أصلاً، فين عهد و دارين

أشار لها هلال علي الغرفة فنهضت ة اخذت صحنين و ولجت الي الغرفة

فوجدتهن نائمتين فوضعت الصحون

جانباً و خرجت بهدوء و اخذت صحن جاسم و ذهبت له و سحبته معها الي أحدي الغرف الفارغة و اغلقت الباب بعد دخولهما و وضعت الصحن علي الطاولة و مِن ثمَّ احتضنته بقوة فبادلها العناق و هو يقول بألم :

- كنت محتاج الحضن دا من بدري اوي

ربنا علي ظهره و هي تقول بحنان :

- اديك في حضني اهو فضفض و عيط و طلع اللي جواك

وأخيراً سمح لنفسه بالانهيار داخل أحضانها و هو يقول بألم :

- مش قادر اتحمل، حاسس ان ظهري مكسور ، واحد احتمال يفقد الذاكرة

و التاني احتمال يتشل و يتعمي

إصابتها صدمة فهي لم تكن تعرف كل هذا لكنها تماسكت و ربنا فوق ظهره و هي تقول بحنان :

- خير إن شاء الله يا حبيبي، انت بتقول احتمال يعني مش اكيد، ربنا

مش بيعمل حاجة وحشة اكيد دا خير

ليهم

بدأ يهدأ قليلاً لكنه ظل متشبثاً بها كالطفل الصغير المتشبث بوالدته يخشي ذهابها

ربتت عشق علي ظهره بحنان قبل أن تبعده عنها بهدوء و تسحبه خلفها نحو الفراش

جلس علي الفراش و جلست هي أمامه وأخذت العُلبة البلاستيكية التي بها طعامه و فتحتها فقال جاسم بصوتٍ مرهق :

- مش جعان يا عشق

- مفيش حاجة اسمها مش جعان في حاجة اسمها حاضر يا زوجتي العزيزة هاكل من ايديكي

ابتسم ابتسامة تكاد تظهر و ملأت عشق المعلقة بالطعام و اقتربت بها من فمه و قالت :

- توت توت افتح بقك يا كتكوت

ضحك رغماً عنه فأستغلت الاخري هذا و وضعت المعلقة في فمه سريعاً وهي تقول بتحذير :

- إياك الاقي رُزاية خارجة من بقك يا جاسم، هيجيبك من شعرك المسبسب الحلو دا

ضحك بملئ صوته حتي أن الطعام وقف في حلقه و ظل يسعل بقوة و هو يضحك فمدت له عشق قنينة المياه و هي تقول :

- أشرب يا حبيبي أشرب تلاقي واحدة من الممرضات اللي عنيها تندب فيها رصاصة قَرْت علي شعرك المسبسب

شَرب القليل من المياه و هو يطالعها و عيناه تضحكان بدلاً مِن شفتاه، حمد ربه علي تلك الزوجة التي تسانده في حزنه و تحاول اضحاكه و هي تريد البُكاء

ابتلع ما في فمه و حاول التحدث فوضعت المعلقة الأخري في فمه و هي تقول بجدية :

- مفيش كلام قبل ما تخلص الطبق دا كله

ضحك علي جديتها التي لا تليق بها مطلقاً فهي عفوية مرحة لا جدية عابسة

~~~~~~~~~~~~~~~

و في منزل آل كيلاني :-

جلست فوق فراشها و هي تُمسك هاتفها تقرأ احدي الروايات الإلكترونية و تأكل جزرة

و قالت بغيظ و هو تأكل الجزرة :

- يا مفترية موتّي الواد أول ما اعترف للبت بـ حُبه

وفي هذا الوقت أنارت شاشة هاتفها معلنة عن اتصال من زوجها فإبتسمت ابتسامة واسعة و عيناها تخرجان قلوباً حمراء و سريعاً أجابت علي

اتصاله و هي تقول بشوق :

- جادو

أتاها صوته من الجهة الأخري يقول بلهفة و حُب :

- قلب وعقل جادو، وحشتيني يا جوجو

- وحشتني اوي يا جاد، مش ناوي تيجي بقي آخر مرة شفتك فيها من شهرين

- حقك عليا يا حبيبتي هحاول انزل إجازة قريب، و لو مخدتش هاخد معاش مبكر اصل حرام والله افضل بعيد عن مراتي كل دا

ضحكت فهتف هو بحنق و غيظ :

- انتي فكرتني بهزر، لا يما دا انا مش باقي علي الدنيا ولا هي باقية عليا، دا انا عندي استعداد أولع في المعسكر عشان اشوف عيون القمر بتاعي

و فجأة شعر جاد بيد علي كتفه يتبعها صوت خشن يقول بخشونة :

- تولع فـ مين يا حضرة الظابط

ابتسم ببلاهة و هو يلتف ببطئ حتي رأي الرجل الذي خلفه فقال بتوتر و بلاهة :

- ايه دا سيادة اللواء بنفسه هنا، وانا اقول المكتب منور ليه و صوت العصافير قرب يخرم طبلة وداني و ..

قطع حديثه صوت اللواء و هو يقول بسخرية :

- عصافير بليل، تلاقيها عصافير الفترة المسائية

- شوفت اهو، حضرتك يا فندم ظلمتني وانا مرضاش بالظلم

سحب منه اللواء الهاتف و وضعه علي أذنه فسمع صوت ضحكات جود فقال :

- ربنا يعينك يا بنتي خدتي واحد نص عقله طاير و النص التاني عايش في بطيخة بيشرب من الماية بتاعتها

ضحكت جود أكثر فهتف اللواء بمزاح :

- لا الصراحة الواد ليه حق أنه يولع في المعسكر عشان عيون صاحبة الضحكة دي

و هنا قال جاد بغيرة و غيظ :

- لا يا فندم معلش كدا كتير، حضرتك بتشقط مراتي قدامي

ضحك اللواء و أعطاه الهاتف و هو يقول بتحذير :

- ولا اوعي تجيب سيرة التوليع في المعسكر دي تاني ليفتكروك ارهابي

اومأ له جاد و هو يحاول عدم الضحك و انتظر خروج اللواء و بالفعل انصرف اللواء فقال الآخر بغيظ :

- عاجبك كدا يا ست حلويات كنت هتسوح بسبب

اتاه صوتها الرقيق يقول بدلال :

- فدايا يا روحي، مش كدا؟

ابتسم بهيام قبل أن يقول بنبرة هائمة :

- فداكي مصر كلها يا روحي مش المعسكر بس

- جـــــــــــــــاد

كان هذا صوت صراخ اللواء فإلتفت جاد بسرعة ليري اللواء يقف خلف النافذة المفتوحة يطالعه

بضجر :

- هو انا مش قولتلك ياض ملكش دعوة بالمعسكر، تقوم تجيب سيرة مصر و المعسكر

- احم اسمعني بس يا عمي

صاح اللواء في وجهه و هو يقول بغيظ :

- جاك عمي الدبب يا ظابط علي ما تفرج، اتلم ياض بدل مقول لحماك يمنع عندك البت و هو

ما هيصدق اصلاً

رفع جاد الهاتف علي أذنه مرة أخري و قال :

- بت انتي ، غوري مش وشي أنا من ساعة ما كلمتك وانا بتهزق

~~~~~~~~~~~~~~~

النيران تملأ الإرجاء، تلتهم الاثاث بشراهة و السنتها تزداد كِبراً و الدخان الأسود يملأ المكان

و في وسط كل هذا أربعة أطفال يحاولون النجاة

كل طفل منهم يمسك بيد شقيقته يحاول الخروج بها من وسط تلك النيران و اصوات سعالهم تكاد تهُز الجدران من قوتها

طفلة سقطت أرضاً أثناء ركضهم فركض نحوها شقيقها يحاول إسنادها للنهوض رصاصة يعُم صداها في الأرجاء يليها سقوط الثُّريَّا الضخمة أرضاً متهشمة الي مئات القطع يسبقها صراخ عالٍ

- فـــــهـــــــد فــــــجــــــر

ركضا اليهما من بين الهشيم فوجداه يحتضن شقيقته بقوة علي مسافة قليلة من هُشام الثُّريَّا

و ظهره مُغطي بالدماء !!

- فهد قوم معايا، قوم معايا عشان خاطري

حاول الآخر الوقوم و بالفعل نجع و ساعده تيم علي حمل فجر التي تبكي بهستيرية و واتجه الي شقيقته و امسك يدها و قال بتعب و اختناق :

- في باب ورا البيت تعالوا بسرعة نخرج منه ادعوا النار متكنش وصلت ليه

و بالفعل وصلوا الي هذا الباب و امسك تيم تحفة حديدية و ألقاها علي مقبض الباب فا كُسر الباب و المقبض و فتح الباب و خرج اربعتهم سريعاً و ركضوا بسرعة الي الباب الرئيسي فوجدوا رجلاً يقف و يمسك سلاحاً و قبل أن يعطي أحدهم أية ردة فعل وجدوا ....

و فجأة فتح عيناه بقوة و هو يشهق كما الغريق الذي حالفه الحظ و خرج من المياه فنظر حوله مراراً و تكراراً ليري اين هو فوجد نفسه في غرفة مكتبه نائماً علي الأريكة فتنفس بعمق وهو يعتدل و يقوم بمسح قطرات المياه المالحة التي ملأت وجهه ثم قال بسخرية و ألم :

- مش عيب عليا أكون دكتور نفسي و مش عارف أعالج نفسي

استدار برأسه تجاه الباب عندما استمع الي صوت فتحه بالمفتاح يتبع هذا الصوت ولوج

ألد أعدائه و اعز اصدقائه في الوقت ذاته، كيف هذا لا يدري لكن علي أية حال هذا "سارق شقيقته" لن يتركه يسبح مع افكاره دقيقة واحدة أخري، و بالفعل هذا ما حدث جاء "سارق شقيقته" و جلس بجواره و هو يقول بعبوس :

- بقولك ايه ياض انت إن شالله لو وكر السفاحين بنفسه جه يقتلك ملاقيش جثة

تترمي فوق عربيتي تاني و برضو هتصلحلي

العربية اللي اتدشدشت دي يعني هتصلحها

يإما تجيبلي غيرها وانا أرجح الحل دا لأنها

مش هتتصلح، دي وقع عليها سفاح يابا، و

بعدين انا مال اهلي ترمي السفاح بتاعك

فوق عربيتي لــيــــه هــــا لــــيــــه

انهي حديثه بصراخ يشبه صراخ طفل صغير ألقت والدته لعبته المفضلة في القمامة دون عمدٍ منها فضحك الآخر وهو يقول :

- الله، مش انا قولتلك هعالجك نفسياً ببلاش

وبعدين انا اعرف منين يخويا أن عربيتك

راكنة تحت، كنت بشوف من العامود ولا

بشوف من العامود يعني

- ماهو مش عشان انت اسمك فهد هسكت واقول عيل صغير ولا يخويا مهو لو انت فهد فأنا أسد

نظر لها فهد بغيظ قبل أن يقول بخبث مُغيراً مجري الحديث بقوله المستفز :

- بلا أسد بلا فهد، المهم اختك فين ها، اصل بعيد عنك الواحد سقعان و متلج و محتاج حضن دافي يدفيه في الليالي التلج دي

عضّ أسد علي شفتيه بغيظ و غيرة علي شقيقته قبل أن يصفعه علي عنقه و يقول

بضيق :

- ولا مش يعني عشان اختي مراتك هتستظرف، لا يخويا متنساش أن اختك

مراتي فا هتستفزني هكيدك وانا ما بصدق

صفعه فهد هو الآخر قبل أن يقول بغيظ :

- اتلم ياض، و بعدين ما الجو تلج فعلاً و الواحد محتاج حضن مراته يدفيه، احضن مين يعني

- امك

هكذا اجابه أسد بسماجة فنظر له فهد بعدم فهم فأكمل موضحاً بنفس السماجة :

- احضن امك يا حبيبي

ابتسم الآخر بسخرية قبل أن يقول بحسرة :

- والله يخويا شكل امي نسيت أنها خلفتني انا و فجر و بلال و ماسكة في فارس و امي التانية في روسيا و مش عارف اسافرلها و تاج آسر الكلب خلع بيها و فجر و محتاسة في الكشوفات

تيم و دا مصدق يستفرض بمراته وانت

و الحمد لله مش بطيقك، كدا مش فاضلي

غير مراتي حبيبتي

- تصدق اقنعتني

هذا ما قاله أسد بإقتناع فـ هندم الآخر ملابسه بتعالي مصطنع قبل أن يقول :

- اومال يا جوز اختي انت فاكر اني دكتور نفسي علي ما تفرج ولا ايه

- لا يبو نسب انت دكتور نفسي محتاج علاج عشان ليفل الجنان عندك عالي اوي

- أسم الله عليك ياخويا انت اللي عاقل أوي يعني

~~~~~~~~~~~~~~~

في منزل روز تلك الخرقاء :-

كان نفسي صوتها يصل الي آخر منزل في الحارة فكانت تسير في المنزل و هي تصرخ

و تقول :

- يــــــــا مـــــــــامـــــــــا الـــــــحـــــــقـــــــــي

يــــــمـــــــا

خرجت والدتها من المطبخ بسرعة و هي تمسك معلقة خشبية طويلة و بقول بتوتر

و خوف من صراخ ابنتها البلهاء :

- ايه يا بت بتصوتي زي المجانين كدت ليه

اجابتها روز بإبتسامة واسعة جداً :

- لقيت شغل يا فوفه انما ايه في شركة بنت ناس اوي

لوت وفاء شفتيها بسخرية قبل أن تقول يتهكم :

- و دا مين ده اللي يا عين امك اللي أمة لا إله الا الله دعت عليه ليلة القدر و هيوافق يشغلك عنده

ابتسمت ابتسامة واسعة قبل أن تقول بثقة :

- آيان ظهران

- اللا مؤاخذة

خرجت الكلمة بتلقائية من والدتها فأومأت لها ابنتها دليلاً علي صحة حديثها قبل أن تقول ببلاهة :

- هو اللا مؤاخذة بعينه

- هو دا اللي هيوافق يشغلك، دا لو شافك في الشارع هيخليكي انتي و الاسفلت واحد يا قلب امك

- لا مهو مش هيعرف إن أنا روز

- و دا ازاي يا ازكي اخواتك ؟

- الباشا طالب سكرتير مش سكرتيرة

تعجبت والدتها لما تريد ابنتها التقديم و المطلوب رجل :

- برضو مش فاهمة انتي هتروحي ازاي وهو طالب راجل

اجابتها روز بإجابة جعلت الشلل يتمكن من الآخري :

- هنتكر، و هتبقي بدل روز امين، رزروز امين

~~~~~~~~~~~~~~~

مرَّ يومين عصيبين مرور العامين، مروا ببطئ علي الجميع فالجميع في حالة قلق كبيرة علي هؤلاء الأربعة، و قاموا بنقل صقر و جاسر و الأطباء المسؤولين عنهم الي مشفي النور ليكونوا مع فارس و مسك في مكان واحد

و مع شروق شمس يومٍ جديد ستولد به احداث تجعل حكايتنا تأخذ مجراً آخر :-

" ها يبني طمني هيفوقوا أمتي "

خرج هذا السؤال بتلهف من الجد "هلال" فأجابه الطبيب بعملية :

- خلاص يا هلال بيه مفعول المخدر ربع ساعة و هيروح

تنهد هلال و القلق لازال يغمره، يخشى أن يصاب أحد احفاده بمكروه و في هذا الوقت

اقتربت منهم سيف وهو يقول بهدوء و ابتسامة بشوفة :

- الآنسة مسك و فارس فاقوا و انتقلوا سوا غرفة عادية لحد ما يتجهز غرفة كمان الآنسة مسك تقدروا تيجو تشوفوهم و تطمنوا عليهم

نهضوا سريعاً وقلوبهم بدأت تُغمر بالسعادة و ساروا خلف سيف ليصلوا اليهم و بعد قليل وصلوا أمام الغرفة و ولجوا داخلها فوجدوا تيم و تاج و فهد و فجر جالسون بجوارهم

يطمئنون علي حالتيها و يمازحانهما حتي

ينسي كل منها ألمه، حمحم الجد هلال لينتبهوا لـ وجودهم وبالفعل انتبهوا لهم و نهضوا من جوار فارس و مسك ليتيحوا لهم فرصة الإطمئنان عليهم و بالفعل قبل أن ينقضوا عليهم بالعناق و القبلات اوقفتهم فجر وهي تقول :

- براحة عليهم فارس بطنه مفتوحة و متخبطة 10 غرز و مسك رجلها متخيطة 14 غرزة و راسها 6 غرز دا غير الكسور و الكدمات

فا سملوا من بعيد لبعيد

ايستمعون لها ؟! ، بالطبع لا و انقضتَ كلٌ من يارا و لارا علي المسكينين في وقت واحد بالعناق فتعالت صرخات متألمة من كليها

- آاااه بطني

- آاااه رجلي

ابتعدت يارا عن مسك سريعاً و هي خائفة و كذلك لارا فقالت فجر بغيظ :

- هو مينفعش تسمعوا الكلام من غير عناد، زمان الجروح انفتحت

- و انتي مالك

هذا ما قالته لارا بقسوة غريبة أثارت تعجب الجميع أليس تلك التي كانت تبكي منذ شهورٍ تريد ابنائها أم اخري غيرها

هزت فجر كتفيها بلا مبالاة مصطنعة تخفي بها

جرح قلبها الذي عاد للنزيف مرة أخري فهي لا تعلم لما تُصر تلك السيدة و التي للأسف هي والدتها علي جعلها بتغضها و تكرهها :

- والله انا مالي علي الله كل الموضوع اني خايفة عليهم ليحصلهم حاجة و تقعدي انتي و اختك اللي هي خالتي طبعاً تعيطوا عليهم 19 سنة ولا حاجة

دون قصد منها ذكرتها بقولها هذا بكائها هي و شقيقتها عليهم و تمنيهم رجوعهم ولو دقيقة واحدة و الآن عندما عادوا باتوا يجرحونهم في كل مرة يتحدثون معهم، هذا عجيب حقاً فا صدق من قال :

"لا يشعر الإنسان بقيمة الشيئ إلا عندما يزول من بين يديه" و إذا عاد "يسعد قليلاً ثم ينساه كأنه لم يأتي"

شعر الجميع بتوتر الأجواء فقال تيم بهدوئه المعتاد :

- بم أننا اطمنا عليكم و أنكم الحمد لله بخير هروح نكمل شغلنا، بعد اذنكم

انهي حديثه و انسحب و يليه إخوته حتي خرجوا و أغلقوا الباب خلفهم فقال فارس بعتاب و إرهاق :

- ليه يا ماما تكسري بخاطرهم كدا، علفكرة انا كنت كل ما تفوق الاقيهم جنبنا مفيش مرة فقت فيها و ملقتهمش

- هو انتو نسيتوا أنهم ولادكم زينا برضو؟

هذا ما قالته مسك بشك فلم تجد إجابة فتنهدت بتعب و أدارت وجهها للجهة الأخري

بينما اقتربت بلال من فارس و جلس بجواره و قال بهمس و حزن :

- وحشتني اوي، كنت حاسس اني غريب من غيرك محدش كان مهتم بيا ولا كأني موجود، بس الصراحة فجر كانت علطول جنبي هي و تاج و كل شوية واحدة فيهم تجيبلي عصير

و أكل و طلعوا عارفين كل الاكلات اللي بحبها معرفش ازاي

ربت فارس علي يده و هو يقول بهمس مثله :

- مستغرب ليه، هما حنينين اوي، مش عشان

عاشوا بعيد عننا يبقوا قاسيين، بالعكس أحن خلق الله هما اللي اتحرموا من حنان الأهل في

الطفولة

- بس بيقولوا فاقد الشيئ لا يعطيه

- بالعكس، فاقد الشيئ يعطيه و بقوة كمان

هز بلال رأسه بإقتناع و مرت دقائق قليلة مالت عهد علي دارين وهي تقول بهمس :

- زمان جاسر و صقر فاقوا تعالي نروح نطمن عليهم

اومأت لها دارين بموافقة و نهضت وهي تقول :

- انا و عهد رايحين نطمن علي صقر و جاسر ، تيجي معانا يا ماما؟

اومأت شهيرة لها بموافقة و هي تنهض و نهضا معهما جاسم ومعه يامن و ملاك التي قالت بلهفة :

- انا جاية معاكم

و وقفت سارة وهي تقول :

- وانا هروح اطمن علي ابني

ونهض كرم هو الآخر وهو يقول :

- وانا جاي معاكم

نهض البقية و قال كريم :

- واحنا جايين معاكم استنوا

- لا خليكم انتو واحنا هنطمن و نطمنكم

ظهر الرفض علي وجوههم فقال جاسم بهدوء :

- خليكم احنا عددنا كبير، هنطمن و نطمنكم

انصاعوا لرغبته و خرج كرم و البقية خلفة متجهين الي غرفة جاسر و صقر

فُتح الباب و ولجوا جميعاً فوجدوا طبيبين يفحصان المؤشرات الحيوية خاصتهما ينتظران افاقتهما

اقتربت ملاك و جلست بجوار جاسر وامسكت يده وهي تقول بهمس :

- وحشتني اوي، فوق يلا بسرعة عشان ننزل نجيب الطُرح سوا

وأخيراً مرت تلك الدقائق التي صُحبت بـ غيمة من التوتر و الأعصاب المشدودة بدآ جفني جاسر يتراقصان في محاولة منه لفتح عيناه و بالفعل فتحهما تدريجياً ليعتاد علي اشعة الضوء و بدت الرؤية أمامه مشوشة و أتاه صوت الطبيب يقول :

- جاسر، سامعني ؟

هز رأسه بموافقة فقال الطبيب مرة أخري :

- طب شايف ايه ؟

حاول التحدث حتي نجح و أردف بصوتٍ خافت :

- شايف ضوء ابيض فوق دماغي معرفش مين الحمار اللي حطُه فوقي و شايف واحدة ماسكة ايدي وبصالي و مبرقة زي العفريتة

تشنج وجه ملاك أهي تشبه العفريتة!؟ و قبل أن تسبه سأله الطبيب للمرة الثالثة :

- ايه آخر حاجة فاكرها ؟

- وأنا عندي عشر سنين، لما ملاك شافتني وانا بجري ورا الدبان عشان اصطاده

~~~~~~~~~~~~~~~

و في القسم عند الياس :-

كان يجلس فوق مقعده كالعادة في حالة من الملل لا مصائب لا كوارث لا شئ فقط ملل

و فجأة وجد باب مكتبه ملتصق بالحائط بطريقة مفزعة حتي أنه سقط من فوق مقعده و وجد تلك الفتاة صاحبة الشعر المجعد تولج الي المكتب و علي وجهها معالم الغيظ و أغلقت الباب خلفها بقوة و هي تقول بعتاب :

- ينفع كدا يا باشا تخلي مدير الجريدة يهزقني و يقول عليا عبيطة بسبب المعلومات اللي ادتهالي و قال إن حضرتك عبيط ابن عبيطة

عشان تديني المعلومات دي

ضيق الياس عيناه بعدم استيعاب وهو يقول :

- هو قال اني عبيط ابن عبيطة ؟!

هزت نارين رأسها بالإيجاب وهي تُعدَّل من وضع نظارتها الطبية، ثم أكملت بجدية :

- ايوا و قال كمان أن دي اخبار مثيرة للضحك مش للجدل، وانا دلوقتي جاية و عايزة اخبار تثير الجدل و بقوة و توديني في داهية كمان

و بغيظ و شر تساءل الياس :

- مين مدير الجريدة دي ؟

ابتسمت نارين ابتسامة غبية قبل أن تقول بثقة :

-ابويا

- نعم

- ايوا والله ابويا اللي قال عليك عبيط ابن عبيطة و شوح كدا هو

و شوحت بإيدها زي العبيطة تحت زهول الياس اللي قال :

- انتي مجنونة يا بت انتي، بتسلميلي ابوكي تسليم أهالي

اومأت له و هي تقول بشماتة :

- ايوا طبعاً، عشان يبقي يقول عليا عبيطة تاني

ثم أكملت بجدية :

- دلوقتي عايزة منك اخبار خطيرة تكسر الدنيا و توديني في داهية

ابتسم بمكر و قال :

- انتي قد اللي انتي عايزاه دا؟

- ايوا طبعاً

جلس الياس علي مقعده وهو يقول بغموض و ابتسامة خبيثة تزين ثغره :

- حيث كدا بقي اكتبي عندك ....

~~~~~~~~~~~~~~~

و أمام شركة آل ظهران :-

وقفت سيارة الاُجري أمام المبني و هبط منه رجل بـ شاربٍ كبير و بنطاله واسع بشدة و كل ثانيتين يقوم برفعه و يرتدي قميص واسع جداً جداً عليه و قال بصوت

غريب وهو يولج الي الشركة :

- جيالك يا لامؤاخذة، اقصد جايلك يا لامؤاخذة

و امسكت عصير القصب خاصتها و صعدت الي الاعلي

و بعد قليل في آيان

ولج آيان الي مكتبه و سمع صوت غريب، لحظة هو يعلم هذا الصوت جيداً هذا صوت

كيس القصب الخاص بالصحيفة الغبية "روز" !!

رفع عيناه فوجد شخصاً يرتدي ملابس غير مهندمة يجلس علي مقعد مكتبه و بقول بصوت خشن مضحك :

- انا ايان لامراخذة باشا كاره الستات و عدو الرجال ساحق الخواطر ذو الشارب الخارق لا ادري لما هو خارق لكنه شنبي الرائع و

خارق لأنني انا آيان باشا اللا مؤاخذة الخارق

فتح ايان فمه بصدمة و عدم تصديق لما اتت تلك الخرقاء الي هنا ولما ترتدي تلك

الملابس التي تجعلها أشبه بالمهرج و هذه العبوة المسكينة التي تكاد تسبُها بأفظع السِباب

و بحدة و غضب قال ايان :

- ايه اللي بيحصل هنا دا؟!

نهضت بسرعة و لم تمسك البنطال فسقط منها فظهر بطال ميكي ماوس الذي ترتديه

فصُدم آيان أكثر و بسرعة رفعت الاخري البنطال و هي تقول بتوتر :

- اللا مؤاخذة ، اقصد ايان باشا، نورت يا باشا اتفضل اتفضل المكتب مكتبك

قرر مجاراتها ليري نهاية ما تفعله و قال و تو يتجه الي كرسيه و يجلس عليه :

- انت خليت فيها باشا ، ما تقولي يا واد يا آيان أحسن

- لا العفو يا باشا الحاجب ميعلاش علي العين

- نعم !!

هذا ما قاله آيان بتشنج فقالت الاخري ببلاهة و توتر :

- المناخية طيب

رقمها بحدة فقالت بإستسلام :

- مش فاكرة خلاص

- فاكرة و صوت ناعم

هذا ما قاله آيان بخبث فقالت هي بصوت خشن :

- اقصد مش فاكر

ضحك ايان داخله وهو يقول في نفسه :

"عبيطة بس دمها خفيف"

ثم نظر لها و قال بجدية مصطنعة و صوت مسموع :

- اسمك ايه و معاك ايه

- اسمي ايمن باشا و معايا دعوات أمي هي آه هتولع فيا بس اهي بتدعيلي لعل وعسى انفع

~~~~~~~~~~~~~~~

متنسوش الفوت



بــحــبـــكــم ♥️🦋

دُمـتـم سـالـمـيـن 🫶🏻💜