2 - ألــم اثــر الــمــاضـــي

بقلمي : حبيبة المصري

~•~•~•~•~•~•~•~•~•~•~•~

صلوا على خير الأنام 🤎

في صباح اليوم التالي تحديداً قصر

آل صياد :-

كان نائماً في فراشه بعمق فهو أخيراً استطاع أن

ينام براحه بعد اسبوعين من العمل الشاق في

مهمته

أما أمام باب غرفته نجد شاباً و فتاه يبتسمان

بخبث وكل منهما يحمل في يديه زجاجه مياه

بارده بشده

- جاهزه يا مسك

أجابت مسك عليه بخبث :

- جاهزه طبعا يا بلبل .. انت جاهز للعلقه اللي

هناخدها بعد اللي هنعمله دا

ابتلع بلال ما في جوفه بتوتر لكنه أردف بشجاعه زائفه :

- طبعا جاهز و مش خايف كمان

هتفت هي بسخريه :

- واضح يخويا .. يلا افتح الباب

- لا وانا مالي يختي افتحي انتي

اردفت مسك بسخريه و ضجر :

- لا واضح اوي انك مش خايف

- بت اخلصي و افتحي ام الباب خلينا نخلص

تأفأفت مسك بغيظ و قامت بفتح الباب و دلف كلاهما بخبث

اقتربا من الفراش و نظرا لهذا النائم بعمق كأنه لم ينم منذ اشهر

ارفت مسك بشقفه :

- ولا ابلبل الواد فارس صعب عليا بلاش نغرقه

- لا يختي مفيش تراجع

- تصدق معاك حق الحيوان مرضيش يجيبلي

شوكولاته يلا سمي الله و قول الشهادتين و

ادلق المايه فوقه

أومأ بلال لها و قاموا بسكب المياه البارده فوقه

انتفض فارس من نومه و هو يشهق بفزع من

تلك المياه البارده التي سُكبَتْ عليه :

- هااااااااااااااااا بــــــــغــــــــرق الحقووووووني

ظل ينظر حوله بفزع و تجمدت ملامحه عندما

رأي مسك و بلال يناظران و يضحكان بقوه

سلط نظره عليهما بشر و هتف بتوعد :

- بقي انتو يا جزم تغرقوني ميه .. ماااااشي

تعالولي بقييييي

و قفز من فوق فِراشِه كالـ نينجا و ما أن رآه هذان الابلهان يقفز هكذا و يستعد للانقضاض عليهما حتي ابتسما ببلاهه و ركضا خارج الغرفه بخوف وهما ينطقان الشهادتين لأنهما بالتأكيد سيلقيان حدفهما علي يد الصياد

أما في الاسفل حيث تجتمع العائله بأكملها

سمع الجميع صراخ فارس الغاصب باسم مسك و بلال :

- مــــــــســــــــك بــــــــلاااااااااال وربنا لعلقكم انهارده يكلااااااااب

و ما لبثوا ثوانٍ لاستيعاب صراخ فارس حتي وجدوا مسك و بلال يهبطان علي السُلم

بسرعه كبيرة و ورائهما فارس و هو مبلل بالمياه من رأسه الي قدميه :

- وربنا منا سايبكم .. بقي الرائد فارس صياد المخابرات يتعمل في كدا

اختبآ بلال و مسك خلف هلال بخوف و اردفت مسك بخوف :

- بقولك اي يا جدو يا قمر انت ابعد الطور دا عنا

- والله لو استخبيتوا ورا الجن الازرق زات نفسه هجيبكم

و نط علي الكنبه و من علي الكنبه للأرض فاصبح أمام مسك و بلال و ابتسم بشر

هتف بلال ببلاهه و خوف :

- جالك الموت يا تارك الصلاه

هتف فارس بشر و هو يمسكهما من ملابسها كالارانب :

- حــــــــلال الله أكبر

~~~~~~~~~~~~~~

بعد نص ساعه :-

نجد كلا من مسك و بلال مُعَلقان علي الحائط

و فارس يجلس بجوار لارا ياكل ساندويتش مربي ببرود

- ولا افارس نزلنا بقي احنا مش بقر معلقهم عشان تسلخهم

اجاب فارس ببرود :

- اخرسي يا مسك الكلب

هتف بلال بترجي و أعين جرو بريئ :

- طب افارس يا قمر ياللي مفيش منك اتنين

يا اجمد ظابط مخابرات .. نزلني انا و سيبك من البت دي

- اخرس يا بلال الكلب عشان انا عارف انك صاحب الفكره دي

~~~~~~~~~~~~~~

أما في موسكو تحديدا قصر الهلاك :-

في الساعه الثامنه صباحاً تحديدا المطبخ :-

نجد هؤلاء الشياطين الاربعه الصغار يقفون في

منتصف المطبخ و يحكون رأسهم بتفكير

ادرفت دانا و هي تحك راسها بتفكير :

- طب دلوقتي احنا صحينا بدري لي معرفش

اكمل دامر علي كلامها قائلا :

- واحنا خلصنا امتحانات و خدنا اجازه

هتف داغر بابتسامه واسعه :

- يبقي نعمل الفطار بنفسنا

اردفت دانا بتفكير :

- بس نعمل اي

- احنا نعمل بطاطس محمره و بيض بالبسطره و

اومليت و توست مربي و توست نوتيلا و يا سلام

لو عملنا بانيه

أردف داغر بتعجب :

- معلش يا اخت دانا باينه و بطاطس و توست مع بانيه ازاي !!

أجابت دانا عليه بحنق :

- شغل دماغك يسطا اكيد هنحلي بالتوست إنما

إنما البيض هنتسلي بيه علي ما نسلق المعكرونة

امال هناكل البانيه لوحده ولا اي

صفق لها الثلاثه بحراره كأنها قالت خطاباً هاماً مع رئيس الجمهوريه

- الله عليكي يا توأمتي الغاليه الله الله

انحنت دانا تحييهم و هي تقول :

- حبيبتي يا دولي يا قمر انتي والله

- انا بقول يلا نعمل الوليمه اللي دانا قالت عليها

اجاب دامر عليه بابتسامه واسعه :

- يلا يا داغر يخويا

~~~~~~~~~~~~~~

أما بعد ساعه عند هؤلاء النائمون بهدوء في غرفهم :-

لم يدم هذا الهدوء طويلا حتي

استيقظوا جميعاً بفزع عندما استمعوا

لصوت جهاز انزار الحريق الموضوع

بكل الغرف تحسباً لأي شيئ

خرجوا جميعهم من غرفهم فزعين و

تقابلوا في ممر الغرف

هتف ليث بفزع :

- في أي .. اي اللي حصل

اجاب عليه فهد و هو يهبط علي السلالم بسرعه :

- مش عارف بس تقريباً التوأم الرباعي الشيطاني عمل مصيبه و نهارهم معايا

فحلقي أن شاء الله

تحدثت فيروز بغيظ و زعر :

- فهد يبني لو طلعوا هما قولي عشان

اجهزلك الحبال

نزل تيم و تاج و فجر بسرعه ورا

فهد و اول ما دخلوا المطبخ لقوا

النار واصله للسقف و داغر و دامر

و دانا و دالا متبهدلين بيض و دقيق

و يمسكون بـ مطفأة الحريق

هتف تيم بصراخ :

- ولعتوا في المـ ااا

لم يكمل كلمته حتي وحد رغوه بيضاء

تندفع في وجهه هو و الثلاثه الآخرون

اردفت تاج بصراخ و هي تحاول وضع

يدها علي وجهها :

- يا متخلفين النار في البوتاجاز مش

فينا احنا

صرخت فيروز من خلفهم بعدما اصابتها

الرغوه هي و ليث و رهف :

- يولاد الـ اظبطوا الزوايا

ابتعدت تاج بسرعه و أزاحت الرغوه عن

وجهها و خرجت الي الحديقه بسرعه

فائقه و دخلت الي المطبخ من الباب

الخلفي و اخدت مطفأة الحريق من

هؤلاء الحمقي الصغار و أطفأت الحريق

نظرت فيروز لمطبخها العزيز بصدمه

فهو كان باللون الابيض الان اصبح

محترقاً و لونه اسود .. لذا هتفت بجنون و صراخ :

- يولااااد الـ .. ولعتولي في المطبخ  وربنا منا سيباكم انهارده

هتف تيم بشر و هو يضغط علي اصابعه و يحرك عنقه تارة لليمين و تارة اخري لليسار :

- عنك انتي يا امي خليكي انتي مرتاحه

و نظر كل من تيم و تاج و فجر و فهد

لهؤلاء البلهاء المساكين نظره الصياد

لفريسته

نظرت لهم رهف بشقفه قائلة :

- حافظين الشهاده ولا اقولهالكم

ضحكوا ببلاهه قائلين و هم يركضون

بسرعه

- حفظينها يختي متقلقيش المهم انتي

احفظي الفاتحه عشان تقرأيها على روحنا

انهوا كلماتهم و ركضوا هاربين الي الحديقه

و في الوقت ذاته هتفا فهد و تيم بابتسامه خبيثه :

- استعنا بالله .. هاتي الحبال يا روزه

- امسك يا قلب روزه

و أعطتهم فيروز الحبال ... أخذوها منها بابتسامه ماكره لا تليق الا بالفهد

و الكابوس

و ركضا سريعاً الي الحديقه

تاج : انتي مستغنية عن عيالك يا روز

- يختي خليهم يتربوا تعالوا نطلع نغير

هدومنا اللي ولاد الجزمه دول بهدلوها

~~~~~~~~~~~~~~~

اما بعد قليل في الحديقه :-

نجد دامر و داغر و دانا و دالا كل منهم

مُعَلَقْ في شجره بمفرده و أمامهم البقيه

يأكلون طعامهم باستمتاع غير مباليين

لهؤلاء الحمقي المساكين

- يا تيم نزلنا بقي

- اخرس يا دامر الكلب

- طب يا فهود يا قمر أنت مش انا دالا

حبيبتك نزلني بقي

- بس يا بت

- طب تاج حبيبتي نزلينا و هجيبلك

شوكولاته

- والله يا داغر يخويا لو دامر اللي قالها

كنت صدقته إنما أنت لا و اخرس بقي

هتفت دانا بأعين قطه بريئه :

- ليثو يا حبيبي يبن عمي و قلبي و روحي

رد ليث ببرود و هو منشغل في اكل

الطعام :

- انسي يا روحي مش هنزلكم برضو

- يعني دي جزاتنا عشان مرضيناش

نصحيكم و قولنا نعتمد علي نفسما

أجابت فجر عليها :

- بالله يا دامر يخويا انت بالذات تسكت لانك يا غبي يا اغبي اخواتك انت اللي غرقتنا بالرغوه اللي

كانت في طفايه الحريق

- الله ما دا اثر الصدمه يختي

قاطع هذا الشجار رنين هاتف فهد معلناً

عن اتصال من اللواء ارثر

أشار لهم فهد بأن يصمتوا و اجاب :

- ازيك يا ارثر

- ولا اتلم اسمي سياده اللواء

أردف فهد و هو يقلب عيناه بملل :

- الو يا سياده اللواء

- فهد هات تيم و تعالولي علي المبني

بسرعه

- لي حصل حاجه

- تعالوا بس و انتو تفهموا و متجيبوش

تاج و فجر معاكم

- تمام يا فندم

اغلق معه فقالت فيروز بقلق : اي يا فهد ارثر كويس

- متقلقيش يا روزه صحته تهد جبال ..

المهم .. قوم يا تيم يخويا شكل في حد

نبرلنا في ام الاجازه دي

~~~~~~~~~~~~~~~

في مبني المخابرات تحديدا مكتب ارثر :-

كانا يجلسان أمام ارثر و يناظرانه بضيق و ملل

أما عن ارثر .. فكان يبتلع ما في جوفه

بتوتر و خوف من رده فعل كليهما مما

سيقوله و فجأة صرخ به تيم فقد نفذ صبره :

- مــــــا تخلص بـــــقـــــا يا ارثر و قـــــول جايبنا من اجازتنا لــــــــي انـــــطـــــق

انتفض ارثر بفزع اثر صراخ تيم عليه

قائلا بفزع :

- يخربيتك خضيتني

أردف فهد بضيق و ملل :

- ما تخلص بقا يا ارثر خلينا نروح ننام

ابتلع ارثر لعابه بتوتر هاتفاً :

- انتو الاربعه عندكم مهمه جديده

أردف تيم باستغراب من توتر ارثر :

- اي الجديد يعني ما احنا طول عمرنا

بنطلع مهمات

- المهمه المرادي غير

هتف فهد بغضب :

- ما تخلص يا ارثر احنا هنسحب الكلام

منك ولا اي

أردف ارثر دفعة واحدة دون توقف أو يمهد لهما :

- انتو مهمتكم الجديده في مصر هتحموا عيله هناك

انصدموا هم الاتنين فل حقا بعد كل

تلك السنوات سيعودون الي مصر مقيمين فترة ليس سياحة أو عمل

أردف تيم و هو يحاول المحافظه علي

ثباته :

- مين العيله اللي هنحميها

اجاب ارثر بتوتر و تلجلج :

- عـ عـ عيله الصياد .. عيلتكم

ذكرايات كثيره تصارعت داخل عقولهم

... ذكريات لا ترحمهم ... هذا

القصر الذي كانت اخر ذكري لهم به

أشبه بالكابوس ... عذراً هي حقاً

كابوس ... تلك الذكري هي الكابوس الذي يراودهم في أحلامهم ... كان هذا الكابوس بدايه عذاب استمر لسنوات عديدة

نظر ارثر لملامح الصدمه الباديه علي

وجهيهما بحزن و الم عليهما فهو يعلم

أن هذه المهمه ستكون جحيماً لهم و

لـ العائله أيضاً ... هذه المهمه التي لن

ترحم اربعوهم من الذكريات السعيده

و أيضاً التعيسه و أيضاً المؤلمه

نظر تيم لارثر بجمود و أردف ببرود :

- احنا بنعتزر عن المهمه دي يا سياده

اللواء شوف فريق تاني يقوم بيها

- دي أوامر من فوق اوي يا تيم و للاسف هم اختاروكم انتو المهمه دي

بسبب كفائتكم و كمان لانكم مفشلتوش

في ولا مهمه لحد دلوقتي ... اي يا حضرات الظباط هتعتزروا عن المهمه

اللي هتخليكم تخدوا حقكم من السبب

في اللي حصل زمان

نظر له كلاهما بتوهان و أعين يحتضنها

الالم

- روحوا البيت دلوقتي و بكره تعالوا و

معاكم الشبح المارد

حاولت استجماع أنفسهما و اومآ له

بهدوء و خرجا من المكتب بعدما ارتديا

قناعيهما

~~~~~~~~~~~~~~~

أما في مصرنا الحبيبه تحديدا مبني

المخابرات :-

دخل فارس مكتب اللواء إبراهيم بكل

احترام بعدما ادي التحيه العسكريه و نزع قناعه و ظهرت ابتسامته

اللواء إبراهيم بمرح :

- مالك يخويا مسالم لي انهارده

- الله مالك احاج هو مزعج مش عاجبك

هادئ و عامل فيها عاقل مش عاجبك اقابلك قرد يعني

- لمض زي ابوك و عمامك

- الله ما انت ابن عم ابويا يبقي انت

كمان لمض

- يختاااااي نسخه فهد الله يرحمه المصغره

- الله يرحمه هو كان لمض برده ؟

- يااااااه هو و تيم كانوا بنص لسان بس

الراجل يغلبهم في الكلام

ضحك فارس فهو تمني بشده رؤيه تيم

و فهد لكن كان للقدر رأي آخر :

- المهم جايبني لي و انا لسه راجع من

المهمه امبارح

- بص يا فارس يبني انت من اكفأ الظباط عندي كنت في الاول مخابرات

عامه بس بسبب كفاءتك و ذكائك اتعرفت بالصياد و اكتر شغلك مع المخابرات السريه

... انت هتمسك قضيه سعد الشافعي .... و طبعا سعد الشافعي رجل اعمال كبير ... شركاته دي ستار علي

اعماله الغير شرعيه ... هو زعيم مافيا

و تاجر مخدرات و اثار و اعضاء و كل اللي يجي في بالك بيتاجر فيه ...

- حضرتك دي مهمه كبيره جدا

قاطعه إبراهيم بثقه قائلاً :

- انت قدها و قدود ولا انت خايف و مش هتقدر عليها يا سياده الرائد ولا

نقول الصياد

ابتسم فارس ابتسامه واسعه و أردف

بثقه :

- لا يا فندم مش خايف و مش بخاف غير من اللي خلقني

ابتسم ابراهيم و اخرج ملف القضيه و

اعطاه لفارس مردفاً بثقه :

- واثق انك هترفع راسي يا صياد

- أن شاء الله هكون عند حسن ظن

حضرتك و طبعا العفريت معايا

- طبعا انتو الاتنين عاملين زي الحله

و غطاها

ضحك فارس بقوه فـ إبراهيم دائما

يشبهما بهذا التشبيه

" حله و لقت غطاها "

~~~~~~~~~~~~~~

حريق ... نيران ... خذلان .... صوت صراخ ... دموع ... عذاب ... حرق ...

و اشياء عديده أتت في ذهن هذا النائم علي فراشه و عيناه مسلطتان علي سقف

غرفته بشرود قائلاً في نفسه :

- انتو السبب انتو اللي خليتونا نعيش

اللي عشناه انتو السبب

قاطع شروده يد حنونه توضع علي

خصلاته الناعمه و تمسح عليها بحنان ... نظر لصاحب تلك اليد

فوجدها تشقته و توامته التي اردفت

بابتسامه حنونه و هي تجلس بجواره

علي الفراش :

- مالك يا تيمي فيك اي ... من وقت ما

جيت انت و فهد من عند ارثر و انتو

متغيرين

تنهد تيم بثقل و أردف بشرود :

- الماضي رجع يا تاج

- رجع ازاي يعني مش فاهمه

- الماضي اللي أدفن تحت التراب لازم يطلع تاني يا تاج

انصدمت تاج من كلامه فهذا الكلام يعني شيئاً واحداً فقط هو ... :

- تيم مش اللي في بالي صح قول أن اللي اتوقعته دا غلط

اعتدل تيم في جلسته و هتف قائلاً :

- لازم نرجع مصر عندنا مهمه و هي حماية عيله الصياد

شعرت تاج بأن هناك كوبً من الماء البارد قد سُكب فوقها لذا قالت بعدم استيعاب :

- يعني اي يا تيم ... هنرجع برجلينا لـ

اللي اذونا و اتسببوا في عذابنا لا لا

اكيد انت بتهزر صح انت بتعمل فيا

مقلب ... أنا مستحيل ارجع هناك

تاني مستحيل يا تيم مستحيل اروحلهم برجليا ... مستحيييييل

و بدأت دموعها في الهبوط علي وجنتيها بألم و تعب

جذبها شقيقها بالم الي أحضانه و هو

يملس علي خصلاتها الناعمه بحنان

اردفت تاج ببكاء مرير :

- مستحيل ... مستحيل الماضي يرجع

مستحيييييل .... احنا بالنسبالهم ميتين ... بسببهم موتنا بالحيا ... كل

حاجه حصلتلنا بسببهم ... هم مصدقوناش ... انا بكرهم اوي اوي يا تيم

و ظلت تبكي حتي أغرقت ملابسه بدموعها و هو يزداد كرهه أكثر فأكثر لتلك العائله

لأنها السبب في نزول دموع شقيقته

الغاليه و أيضاً يزداد حزناً بسبب هذا الالم الذي

اثره الماضي فهذا ألم اثر الماضي

~~~~~~~~~~~~~~~

أما في الجناح المقابل لجناح تيم :-

كان يجلس علي فراشه مرجعاً رأسه

الخلف و هو مُغمَضُ العينين و اصوات

كثيره تتردد في عقله ... اصوات ضحكات ... أصوات صراخ ... اصوات

ضرب بالسوط ... اصوات ضحكات

خبيثه و شريره ... أصبح يري جسد رجل ضخم البنية امامه

جسده مليئ بالعضلات و وجهه عليه معالم الشر و الإجرام و يمسك في يده

سوط رفيع و ينظر لطفل في التاسعه

من عمره و يقول بشر :

- انت خرع اوي ياض و احنا شغلنا

مفهوش عيال خرعه لازم تسترحل يا

حيله امك

و رفع هذا السوط للاعلي و هبط به

علي جسد هذا الطفل المسكين

و فجأة انتفض جسد فهد و فتح عيناه اللتان اصبحتا قاتمتين بشدة علي وسعيهما اثر شعوره بأحد يضع يده علي كتفه

نظر أمامه و الذعر ظاهر علي وجهه

فوجد صاحبه تلك اليد هي فيروز

التي اردفت بخوف و قلق عليه :

- مالك يبني انت كويس تعبان فيك

حاجه اجيبلك دكتور

تنهد براحه و هو يغمض عينيه ليسترجع شُتات نفسه و بعد دقيقه

فتح عينيه بعدما عادت الي طبيعتها

و امسك يدا فيروز و قبلهما بحب :

- انا كويس يا امي حقك عليا عشان

قلقتك

- كويس ازاي بس انت مش شايف وشك الاصفر دا ولا تيم اللي وشه مش

باينه ملامح و اصفر خالص ... هو ارثر

عملكم اي قول بس وانا هخلي جميلة

تبيته في الجنينه

ضحك فهد بشده فهو يعلم مدي الحب التي تحبه جميله زوجه ارثر لهما :

- لا يا ماما متقلقيش هم بس إدانا

مهمه جديده

شعرت فيروز بقبضة في قلبها لذا

قالت بخوف :

- اي المهمه دي بالظبط

- مهمه في مصر ... الماضي هيرجع يا

ماما ... هنحمي عيله الصياد

صدمه شديده حلت علي فيروز جلعتها

تتصنم مكانها دون أن ترمش أو حتي

تنطق بحرف واحد فهي تعلم مدي الجرح التي ستسببه تلك المهمه لأولادها :

- يعني اي هترجعوا مصر تاني

- للاسف يا أمي اه ... حتي مش هينفع

نعتزر عن المهمه لأن القياده العليا هي

اللي اختارتنا

ضمته فيروز بحنان ام و قالت :

- هتعدي يبني والله هتعدي انتو قدها

و انا ولادي اقويا مش ضعاف ولاد

فيروز الهاشمي و جاسر الرفاعي مش

ضعاف بالعكس اقويه اوي لأنهم استحملوا كتير اوي يبني

- معاكي حق ي امي جه الوقت عشان

ناخد حقنا و نقفل كابوس الماضي

و بدون سابق انذار انفتح الباب بقوه

و اذا بـ فجر تركض داخل الجناح

بسرعه فائقه و قفزت علي فهد مُوقِعَة

اياه أرضاً و هي فوقه و هتفت بمرح :

- ااااااااه بتخوني يا فووووزييييييي

و مع مين ... مع فيروووووووووووز

لاااااااااااا امي و توأمي في اوضه واحده و علي سرير واحد لاااااااا

مستحيل و أكملت بلكنه صعيديه

مضحكه :

- لازم نغسل عارنا بيدنا .... هرييييدييييي جيب البندقيه يا ولد

مشان نغسل عارنا بيدنا و ننقذ الباجي

من شرفنــــــا

انفجرا كل من فهد و فيروز في الضحك بشكل هستيري حتي أن فيروز قد

سقطت أرضاً من كثرة الضحك علي

طريقه فجر المضحكه :

- ااااااه يا بطني يخربيتك يا مجنونه

- اااااه ياني يما قومي من فوقي يا بت

- اه صح متاسفين يسطا

و وقفت و ساعدت فيروز في النهوض

هتفت فيروز و هي تضحك :

- هروح اطمن علي المجانين التانيين

و اعمل الغدا

و خرجت من الجناح

جلس فهد علي الفراش و جلست فجر

أمامه قائلة بجديه :

- ها مالك بقي من وقت ما جيب انت و

تيم من عند ارثر و انتو مش كويسين

اي اللي حصل

تنهد فهد بتعب و امسك يداها قائلا

بعدما وهذا نفساً عميقاً :

- بصي يا فجري احنا ظباط صح

- صح بس

قاطعها فهد مكملاً حديثه :

- يعني لازم نفصل بين حياتنا الشخصيه و شغلنا صح

- فهد قول علطول من غير مقدمات و

لف و دوران

- عندنا مهمه في مصر هنحمي عيله

الصياد يا فجر

نظرت له فجر بزهول و قالت و هي

تضحك بعدم تصديق :

- هزارك بقي بايخ اوي يا فهد اخلص بقي و قول زعلان لي

امسكها فهد جيدا و ضمها له بقوه و

بدأت هي بالبكاء بشكل هستيري :

- لا لا لا لا انت بتهزر صح احنا

مستحيل نرجعلهم تاني مستحيل يا

فهد انت فاهم مستحيييييل

مستحيييييل

و ظلت تبكي بقوه حتي غفت بين

احضان شقيقها و دموعها سائله علي

وجنتيها

استلقي فهد علي الفراش و بين أحضانه شقيقته و نظر للفراع بحزن

علي حالهم هم

الاربعه لما أصر القدر أن يجرحهم مره

اخري لما كلم القدر قاسياً تلك المره

ظل بفكر قليلا و ذهب في نوم عميق

~~~~~~~~~~~~~~~

دخلت فيروز الي جناح تيم بعدما

طرقت الباب و لم تستمع الي اجابه

و شعرت بالخوف عليه فهي قد علمت

سبب حزنه

دلفت الي الداخل بسرعه و تنهدت

براحه عندما وجدته نائماً و تاج بين

أحضانه

اقتربت منهما و دثرتهما جيداً بالغطاء و

خرجت من الغرفه و كذلك فعلت عند

فهد و فجر

~~~~~~~~~~~~~~~

احم احم كام ملاحظه حلوين كدا

« ليث و رهف ولاد عم دامر و دانا و دالا و

ولاد اخت فيروز يعني اخت فيروز اتجوزت

اخو جاسر و جاسر دا جوز فيروز / ليث ٢٥ سنه

و رهف ١٩ سنه »

« ارثر و فيروز اخوات من اب مصري مسلم و

ام روسيه أسلمت بعد زواجها مع محمد والد

ارثر و فيروز »

~~~~~~~~~~~~~~~

يتبع💫💫

#ابواب_الجحيم_الخمسة

Habiba Al-Masry