1 - قِــرَدَه تـَلَـبَـسـَهَـاَ جِـنِـيِ

صلوا على خير الأنام 🤎

في قصر قمة في الجمال و العراقة يقع في

إحدى الأحياء الفخمة ...

هو ليس قصراً بالمعنى الحرفي، بل هو فقط منزل ضخم مكون من عِدة طوابق به الكثير من الغرف لهذا أختصر كُل هذا بكلمة "قصر"

كان القصر من يراه من بعيد يظنه ينعم بالهدوء لكن

عندما نقترب منه نسمع جميع انواع الصراخ

و الضحكات العاليه فهو قصر " آل صياد

داخل هذا القصر :-

كان هنالك فتى صغير في عمر السادسة تقريبًا يركض بسرعة في البهو و خلفهُ سيدة في أوائل عقدها الثالت تركض خلفه وهي تقول بضيق :

- يا تيم أقف بقى تعبتني.

اختبأ الصغير المدعو تيم أسفل الطاولة وهو يقول بضيق طفولي :

- يا ماما مش عايز البس التيشيرت الجو حر.

تنهدت وهي تنحني لتجلس على ركبتيها ثم قالت :

- يا حبيبي مينفعش أطلع البس.

أطلق صوتًا معترضًا من حنجرته ثم خرج من أسفل الطاولة و ركض نحو واحدة من الأرائك و اختبأ خلفها

وفي هذا الوقت كان هنالك طفلٌ آخر يركض على السلم يشبه تيم بشدة

كان يقول وهو يركض :

- مش لابس يا ستي هو بالعافية!.

- أقف يا فهد عشان مزعلكش.

هذا ما قالته والدته بحدة وهي تركض خلفه ...

بينما هو ركض حتى وازى تيم الذي ضحك عندما رأى هيئة رفيقه التي تشبه هيئته وبشدة ...

بينما في زاوية هادئة بعيدة عن هذا الضجيج نجد فتاتين تجلسان على الأرض وفي يد كل واحدة دميتها الحبيبة ...

- بصي يا فجر فستان لولو الجديد.

قالتها الفتاة التي تدعى تاج لشبيهتها التي تدعى فجر وهي تريها فستان دميتها الجديد، بينما قالت فجر بحماس هي الأخرى :

- بصي عملت لتوتي ضفيرة حلوة أوي.

وحطم هذا الهدوء تيم وفهد اللذان ركضا نحوهما و احتميا بهما ورائهم ...

اقتربت يارا وهي والدة تيم وتاج وخلفها لارا والدة فهد و فجر ...

تحدثت لارا بضيق :

- فكركم يعني هتهربوا ..

اخلصوا البسوا مش ناقصين قرفكم على الصبح.

ذهبا لها مكرهين لكن هذا أفضل من أن يتم الركض ورائهما بالأحزمة الجلدية ...

في هذا الوقت اقتربت عاملة من عاملات المنزل تحمل بين يديها طفلان فتى و فتاة في العمر نفسه يبكيان

تركنا يارا و لارا الطفلان و ركضتا بسرعة إلى فارس و مسك

صغيريهما ..

اخدت لارا فارس و صمته لها وهي تقول بمرح كأنها لم تكن تلك الحادة منذ ثوانٍ :

- مالَك يا قلب ماما

مين زعلك بس؟.

بينما أخذت يارا ابنتها مسك و قبلت رأسها ثم قالت بحنان :

- قلب ماما يا ناس

بلاش عياط يا روحي.

انتهى هذا المشهد العائلي الذي عرض على الحاسوب و مع انتهاءه انهمرت دموعهما ...

هذا آخر موقف جمعهما بفرحتهما الأولى.

كل منهما تحترق داخلها على طفليها.

- وحشتوني اوي.

قالتها لارا بحرقة و شوقٍ كبيرٍ لأولادها

فهتفت شقيقتها الجالسه بجوارها بندم و حرقة :

- لو كُنَّا صدقناهم كان زمانهم في حضننا دلوقتي.

أقترب كل من ادم و ادهم منهن و أحتضن

كلٌ منهم زوجته في محاولة منهما للتخفيف عنهم الحزن فقد مرت ثمانيه

عشر عاماً على موت أطفالهم الصغار و فرحتهم الاولى ...

~~~~~~~~~~~~~~~~~~~~

في شركه الصياد تحديدا مكتب جاسر :-

كان مندمجاً في عمله الي أن قاطعه ارتطام

باب مكتبه بقوه في الحائط و دخول تلك

صاحبة الشعر البني و العيون الخضراء هي تقول بصوتٍ عالٍ :

- جـــاســــر

وضع كفه على وجهه بقلة حيلة منها :

- تعالي يا ملاك تعالي يا حبيبتي

أغلقت الباب ثم أقتربت منه و جلست فوق

المكتب مقابلة له :

- عامل ايه يا كوتي؟

- كوتي !! في واحده عاقلة تقول

لجوزها كوني؟!

قالتها بتعجب وزهول، فأنكرت هي مدعية البراءة :

- ايه ده، مين اللي ضحك عليك و قالك اني عاقلة؟

أجابها ساخراً :

- أبوكِ و المأذون بيقول البكر العاقل.

- الأتنين ضحكوا عليك و أنت

يا عيني عشان دايب في دباديبي وافقت.

وضع جاسر يده على وجهه بقله حيلة ثم هتف قائلاً بتساؤل :

- يعني أنتِ مش عاقلة؟

- ايه يا عم ما تظبط كده،

على أساس إنك اللي عاقل اوي يعني ... الله يرحم أيام ما كنت بتجري ورا الدبان عشان تحبسه في كوباية و تشوف شكله

صاحت الآخر بغيظ و هو يتذكر ذاك اليوم الذي

رأته به تلك المجنونة يطارد الذباب :

- كان يوم ما يعلم بيه إلا ربنا اليوم اللي شوفتيني فيه بجري

ورا الدبانه و بعدين انا كان عندي عشر سنين

وقتها ... بت انا هرجعك لأبوكِ

- البضاعه المباعه لا ترد ولا تستبدل و لو فكرت فيها بس يابن كرم أنا اللي هرجعك لأبوك في اكياس ســوداء، معايا يابن عمي؟

قالتها بتحذير وهي تنظر له بتهديد، فنفى هو بخوف مصطنع :

- لا و على ايه يا روحي، مالها البضاعه قمر و عيونها خضراء

- أتلم بقى، و بعدين انا جعانة، اتفضل هاتلي اكل عشان جعانة

- تصدقي انا كمان جعان تيجي نخرج ناكل شاورما؟

نهضت هي الأخرى وهي تصفق بحماس وتقول :

- هو ده الكلام ولا بلاش

~~~~~~~~~~~~~~~

وفي مكتب آخر تحديداً المكتب الخاص بـ جاسم :

ولجت بعدما طرقت الباب، وهي تبتسم بهدوء ثم قالت :

- أنا جيت.

نهض ورحب بها قائلاً :

- نورتي المكتب والشركة كلها يا حرم جاسم.

ابتسمت واقتربت من المكتب وجلست أمامه ثم قالت بحماس :

- هات بقى الملفات اللي قولتلي عليها امبارح.

ضحك ثم قال :

- خدي نفسك يا عشق الاول الملفات من هتطير.

- هات بس و ملكش دعوة.

هز رأسه بقلة حيلة ثم أخرج لها الملفات والتقطتها منه بحماس وبدأت تقرأها بتركيز..

~~~~~~~~~~~~~~~

أما في مكان آخر في احدي غابات روسيا :-

نجد هناك اربعه اشخاص ملثمون بالاسود

بركضون بسرعة عالية، و خلفهم الكثير و

الكثير من الرجال ذو البنيه الضخمة

و سرعان ما اختفوا عن أنظار هؤلاء الأشخاص

الذين من هيأتهم و ملابسهم يدلون على أنهم

حراس

تساءل الملثم الاول بتوتر :

- ماذا سنفعل الآن؟

هم بعد بضعه ثوانٍ سيصبحون خلفنا مباشرة لا نستطيع التقدم أكثر من هذا

بسبب تلك البحيرة المتجمدة

أجابه الملثم الثالث بحيرة :

- لا اعلم ماذا نفعل لكن يجب أن نجد حلاً سريعا

لكي لا نصبح بعد موتنا على يد هؤلاك الحمقى

طعاماً للذئاب.

تدخل الملثم الثاني في الحديث قائلاً بدهاء :

- هيا اسرعوا لنختبئ فوق الاشجار فـ الأشجار هنا عملاقه و كثيفه و لن يرونا عندما

يصلوا

صاح بها الملثم الرابع بحنق :

- ماذا يا فتاه أتريننا قردة امامكِ ام ماذا!

هتفت تلك الملثمة ببرود هي ترفع أحدي حاجبيها :

- هل لديك حل آخر يا رجل؟

إذا لديك اسرع و أخبرنا به قبل أن يصل هؤلاء الحمقي الينا و يجعلوننا جثثاً تأكلها الذئاب!.

زفر هذا الملثم بضيق و غيظ لأن ليس أمامهم

أيه حلول أخرى.

و سرعان ما قفزوا فوق أربعة أشجار و اختبأوا

جديداً و جهزوا أسلحتهم و فور أن جهزوها وجدوا الحراس قد عادوا مره اخرى

" ما هذا أين اختبأ هؤلاء الاوغاد؟ "

" لا اعلم لكن يجب أن نجدهم"

" لكن أين سنجدهم؟ "

" هل من الممكن أن يكونوا قد عبروا تلك

البحيره؟ "

" هل انت احمق يا رجل كيف سيعبروها وهُم

اذا أخطوا خطوة واحدة فقط سوف يتحطم ذلك

الجليد و يسقطون في المياه "

أشار ملثم 2 للبقية و اخرج من الحقيبه التي كان

يضعها على ظهره و اخرج منها زجاجة بها سائل أخضر لزج، يقال أنه سائل تنظيف الاطباق فابتسم الآخرون ابتسامه خبيثه و فعلوا مثله

أعلم أنكم الان تفتحون أفواهكم ببلاهة، لا تفهمون ماذا سيفعل هذا السائل في هؤلاء الحراس انتظروا قليلاً فقط.

قام الملثمين بسكب السائل على الجليد حتي

بدا الجليد الذوبان بسبب سكب الصابون عليه

قام ملثم 4 بإطلاق رصاصه تجاه الصابون المسكوب تحت ابتساماتهم الخبيثه

ما أن سمع الحراس صوت إطلاق النيران

ركضوا سريعاً تجاه الصوت و لم ينتبهوا

لذلك السائل المسكوب

و ما أن لامست أقدامهم السائل المسكوب، حتى

سقطوا واحداً تلو الآخر تحت ضحكات هؤلاء

الاربعه الخبيثة و المنتصرة و هم يرونهم يحاولون النهوض لكنهم لم يستطيعوا، وكلما حاولوا سقطوا مجدداً ينزلقون تجاه البحرية.

جلس ملثم 4 على هذا الغصن العريض و الغليظ

براحة و مدد قدميه و هو يري سقوط الرجال

فوق بعضهم و بعضهم ينزلق تجاه البحيرة

و أخرج بعض حبات الموز من حقيبته

وبدأ يأكلها بلإستمتاع و تسلية و هو يرى إنزلاق الحراس بطريقه مضحكة و أصبح يقذف الحبات للملثمون الآخرون

بعدما أنهى حبته ألقى بقشرتها فوق الجليد

و كان أحد هؤلاء الحراس المساكين قد وقف

اخيراً و لم يلبث إلا ثوانٍ و انزلق سريعاً تجاه البحيره و لقي حتفه.

شعر الرجال الباقين بالخوف عندما وجدوا ثلاثة قشرات اخريات يسقطون على الارض و ثلاثه رجال

ينزلقون أثرها تجاه البحيره و يلقون حتفهم

و كل عشره ثواني يجدون قشر الموز يلقى

عليهم و على أثره يلقي الرجال حدفهم في

البحيرة

" م . ماذا يحدث هل هناك قرده تاكل الموز و

تلقي ما تبقي علىنا ام ماذا "

ملثم 4 بحنق و سخط و هو يقطف واحده من الصنوبر من الشجره الذي يجلس عليها و يلقيه

على هذا الاحمق و بقول في تلك السماعه التي

بإذنه و يتواصل بها مع الملثمون الآخرون :

- ارأيتِ يا فتاه ها قد ظننا هذا الاحمق قِرَدة!

هتفت الفتاه بحنق :

- ما بك يا رجل ما دخلي انا؟!،

أنت من تأكل الموز و تلقيه عليهم

نظر الرجال الاعلى برعب و هم يحاولون النهوض

للفرار فهم قد ظنوا أن القرده تتحدث :

- يـ . يا الهِ ماذا حدث هل تَلَبَس القرده جِني

ام ماذا ؟!

- كفَّ عن الثرثرة يا رجل و حاول النهوض فَـلم

يتبقى منا سوا اربعه فقط، الاخرون قد لقوا

مصيرهم في البحيرة

تحدث الملثم الأول بملل :

- يا رفاق دعونا ننتهي منهم لننهي تلك

المهمة و نعود للمنزل فأنا أريد النوم بشدة.

- حسناً

تلك إجابة إجتمعوا جميعهم عليها،

و أطلق كل منهم رصاصة على الأربعة رجال

الباقين من هؤلاء البُلَهاء

قال ملثم الثالث بسعادة :

- حسنًا هكذا أنهينا على جميع الحرس إذًا لنتجه للزعيم .

ابتسموا أربعتهم بخبث و ثوانٍ لـ نجدهم يركدون أسرع من الأعيرة النارية في الجو حتى

وصلوا أمام الزعيم و على ثغرهم ابتسامة

خبيثه مختبئة أسفل القناع .

قال الملثم الثاني بخبث :

- أخيراً امسكنا بك طوني.

أردف هذا المدعو طوني برعب :

- كـ . كيف لازلتم احياء لقد ارسلت خالفكم

الكثير من الرجال!

تحدث الملثم الثالث بملل :

- لا داعي للكثير من الثرثره يا رجل.

وفجأة كبلة الملثم الأول بإحكام و الملثم الثالث حقنه بإبرة مخدرة وهاتف القوات التي انضمت لهم سريعاً وأخذوا هذا المجرم.

و هنا صاحوا اربعتهم بفرحة و حماس :

- تمت المهمة بنجـــاح.

~~~~~~~~~~~~~~

في مبني الإستخبارات الروسية :-

ولجوا هم الأربعة برؤوس مرفوعة و خطوات واثقة

ولا يظهر منهم سوى أعينهم الرمادية الحادة.

فكان كل من يراهم يؤدي التحيه العسكريه بخوف منهم فلما لا يخافوا و هم فريق الهلاك

اشهر و اقوي فرقه في جهاز الاستخبارات العالمية

اتجهوا لطوابق الاستخبارات الروسيه و دلفوا

داخل المصعد بعدما ادخلوا كلمه السر

أردف الملثم الرابع بتمني و نعاس :

- كم أود الآن أن أستلقي على

فراشي و اغط في نوم عميق دون إزعاج ولا

ضوضاء

ضحك الملثم الأول بسخريه فهو يعلم ما ينتظرهم في المنزل :

- حقاً يا رجل كيف يأتي الهدوء و يوجد لدينا

أربعة شياطين في المنزل

تحدث الملثم الثالث بهدوء عندما وصل المصعد للطابق المطلوب :

- يا رفاق لقد وصلنا

أومأ البقيه بهدوء و دلفوا خارج المصعد و اتجهوا

لمكتب اللواء

فتح الملثم الثاني باب المكتب بقوه حتى ارتطم بالحائط

أما عن هذا المسكين الجالس على كرسيه سقط

أرضاً بزعر قائلاً بغيظ :

- ما بكم يا فتيان لماذا تصرون على أن تقتلوني

بسكتة قلبيه ... لقد أصبحت خصلات شعري

بيضاء نتيجة لما تفعلونه بي.

جلسوا هم الأربعة على الأرائك بإهمال و هم ينزعون

الأقنعه و ظهرت هوياتهم ليتضح أنهم شابان

بأعين رماديه و بشره بيضاء و انف حاده و شعر لا يستطيع احد تحديد إن بُنِي ام اسود

و فتاتان بأعين رماديه تشبه القطط و انف صغير

و بشره بيضاء صافيه و خصلات نارية لكليهما

قالت الملثمة الأولى بملل فهذه في جملته المعتادن التي يقولها عندما يراهم :

- ما بك ارثر انت الذي ذو قلب رقيق

ارثر بغيظ و تحدث بالعربيه فوالده مصري مسلم و والدته روسيه قد أسلمت بعدما تزوجت

محمد زوجها والد ارثر :

- لا يا بت انا برضو اللي قلبي رقيق ولا انتو اللي

حالفين تموتوني بسكته قلبيه

الملثم الثاني أو لنقل المارد ببرود :

- مالك بس يا راجل اهدي كده

تحدث ارثر بغيظ فهذه الفتاة تستطيع استفزازه بسهوله :

- بت يا تاج مش ناقصه ام بروك دا

تحدث الملثم الثالث و لنقل الكابوس بهدوء أو تيم :

- المهمه خلصت و الزعيم زمانه متعلق دلوقتي

الملثم الاول و لنقل الشبح أو فجر :

- و الحراس طلعوا هبل و خلصنا عليهم بالموز

الملثم الرابع و لنقل الفهد أو فهد

و هو يأكل بعض الموز :

- اه والله يا ارثر يخويا دلقنا صابون سائل علي

التلح و ضربنا رصاصه ناحيته و هما زي الهبل

جريوا عليه و كنت جعان و كلت موز و رميت

القشر عليهم و هم اتزحلقوا

هتف ارثر باستغراب فكيف كانوا يرمون قشرات

الموز علي الحراس دون أن يلاحظونهم :

- انتم كنتم فين بالظبط؟

هتفت تاج بابتسامه واسعه :

- فوق شجر صنوبر

- يولاد المجانين مين المجنون اللي

قال تطلعوا قوق الشجر

أردف فهد بحنق و هو يشير علي تاج :

- المجنونه دي و الحراس ولاد العبيطه افتكرونا

قرود ملبوسه بجن

صاحت تاج بغيظ و هي تشيح بيدها :

- لا والله دا لولا أني قولتلكم تطلعوا فوق الشجر

كان زمان جثثتا الديابا بتاكل فيها

قال ارثر ليقطع هذا العراك الذي سيبدأ :

- طب مين الاهبل اللي اقترح فكره سائل الصابون

اشار الكل علي فجر التي ابتسمت ببلاهة ثم قالت ط :

- الله مش بوفر عليهم مجهود و رصاص

ارثر بضحك فهولاء المجانين الاربعه

في الخامسة و العشرون من عمرهم من

يستمع إلي حلولهم المجنونه يظنهم أطفالاً

في العاشره من عمرهم يقومون بعمل أحد

المقالب في اطفال يقومون بازعاجهم ليسوا

يفعلونها في رجال اكبر العصابات :

- قوموا يا ولاد المجانين روحوا عشان هتلاقوا

المجانين التانيين ولاد اختي ماسكين في شعور بعض دلوقتي و البت فيروز في المطبخ ولا كان

في حرب عالمية بره

~~~~~~~~~~~~

وقفت سيارتهم الفخمه أمام هذا القصر العملاق

و ما هو هذا القصر سوا قصر "الهلاك"

الذي يقع في موسكو عاصمه روسيا

هذا القصر كل من يراه من بعيد يظنه ينعم بالهدوء

لكن كيف يكون هادئاً و يسكن به هؤلاء العشرة

مجانين

دلفوا الي الداخل ليجدوا شجاراً بين شابين

يبدوان في الخامسه عشر من عمرهما و

هنام فتاتين آخرين يشبهانهم بشده تجلسان

و تشجعان كأنهما تريان جوله في أحدي حلبات

المصارعة

صاحت إحدى الفتاتان و اسمها دالا بحماس :

- ايوا يا داغر ي جــامـــد اديله المقشف ده

الفتاه الاخري و اسمها دانا بشمانه :

- ايوا يا دودو يا جامد كسره عشان مرضيش

يديني الشوكولاته

لاحظت دالا وجود تيم و فهد و فجر و تاج

لذا قالت بابتسامه واسعه :

- فهد و تيم انتو جيتو .. طب كويس

تعالوا ابعدوا الطورين دول عن بعض عشان ليث

في الشركه و رهف في الجامعه و الوليه امي

قالت جملتها المعتاده

"عوض عليا عوض الصابرين يارب"

و دخلت المطبخ

قال تيم بصوت عالي لكي يفض هذا النزاع

لانه يريد النوم بشده :

- دامـــر داغـــــر

انتفضوا هم الاتنين من فوق بعض بسرعه و هما

يؤديان التحيه العسكريه و يقولان كلاماً غريباً

ليس علاقه له ببعضه :

- افندم و سهلا يا جزيلاً افندم

ضحك فهد عليهم بقله حيله فهم الاربعه حقاً

مجانيييين فهتف قائلاً :

- بتتخانقوا لي يا آخره صبري؟

صمتا هما الاثنين لبرهه ليتذكرا سبب عراكهما

نظر دامر الي داغر هاتفاً باستغراب :

- ولا اداغر احنا كنا بنتخانق ليه؟

اجاب داغر و هو يحك رأسه يحاول التذكر :

- تصدق مش فاكر

هتف دامر بمرح :

- شكله كدا شيطان و دخل بينا

- ليه هو انتم متجوزين

نظر دامر بشر لـ دالا التي نطقت بتلك الجملة

فاردف و هو يتذكر :

- اه صح، بقى بتحرضوا

توأمي حبيبي يضربني ... تعالولي بقى

و ركض تجاههم وما أن رأتاه دالا و دانا حتي

فرتا هاربتين منه و هن يستنجدان بـ تيم :

- تــــــــيــــــــم بالله عليك يا شيخ ابعد

الطور الهايج دا عــــــــنــــــــا

أردف تيم و هو يتجه للمطبخ و ورائه فهد

و فجر و تاج :

- انا مليش دعوه حلو مشاكلكم سوا

دلفوا داخل المطبخ و وجدت سيده في الاربعين

من عمرها تقف و هي تقلب الطعام علي النار و

تدندن باستمتاع غير عابئه لتلك المصارعه القائمه

بالخارج

اقتربوا منها و ضموها بنفس الوقت

ضمتهم هي بفرحةوكأن روحها الذاهبه قد عادت

لها هاتفه بفرحةو طمانينه :

- اخيرا جيتو وحشتوني اوي

تاج بحب فتلك السيده هي امهم التي اعتنت

بهم و عاملتهم كابنائها :

- و أنتِوحشتينا اوي اوي يا فيروزتي

- عملتوا ايهفي المهمه

فجر بحماس و هي تجلس فوق الطاوله الموضوعه في منتصف المطبخ :

- انا هحكيلك يا روزه

فيروز و هي تقوم بتقطيع الخضراوات

- احكي يا قلب روزه

جلس تيم و فهد و تاج كل منهم علي رخامه

بعدما بالتأكيد أخذ كل منهم جزره

هتفت فيروز بخنق و غيظ :

- انت يا جزمه منك ليه ليها سيبوا الجزر

و هاتوا من التلاجه

تاج بمرح و هي تقطم من الجزره :

- يا روزه هو حلاوته كدا لما تسرقه من امك و هي بتقطع السلطه

فيروز بفقدان امل و ضحكه :

- يااارب عوض عليا عوض الصابرين .. بقي دا

منظر ظباط مخابرات ليهم كلمه

انا كان نفسي المجرمين و القاده اللي بيترعبوا منكم يجوا يشوفوكوا وانا قفشاكم بالصاجات

الاسبوع اللي فات

~~~~~~~~~~~~~~

في قصر آل صياد :

ولج شابٌ بأعين زرقاء تسير بجواره فتاة تشبهه لحدٍ كبير، يبدو أنها شقيقته، بينما سألها هو متعجباً عندما لم يجد أحداً في المنزل :

- ايه ده، هم أهل القصر اتخطفوا ولا ايه؟

أجابته مفسرة إختفائهم :

- لأ موجودين، هتلاقي ماما و خالتو لارا و خالتو سارة

و خالتو اسراء في المطبخ و معاهم تيته

جاكلين و بابا و اعمامي في الشركه و يامن

في القسم و صقر راح مأمورية و ملاك و

عشق طبوا علي جاسم و جاسر في الشركه

و طنط شهيره في النادي اكيد و عهد و دارين

هتلاقي كل واحده فيهم في أوضتها و الواد

بلال زمانه في سابع نومه دلوقتي

- تصدقي الواد بلبل وحشني اوي

و ما أن انهي جملته حتي وجد هذا المدعو بلال

يهبط علي السلم وهو يفرك عينيه بنعاس شعره مبعثر و وجنتيه محمرتان من أثر النوم و يرتدي بيجامه نوم اسبونج بوب، فقال فارس بمزاح :

- دا هو احنا جبنا في سيره القط نزلنا من

على السرير

رفع بلال رأسه بسرعه فهل هذا صوت شقيقه

حقا ..

فتح فارس يديه و هو يهتف بمرح :

- يا بلبل حضن اخوك موحشكش ولا ايه؟

ابتسم بلال ابتسامه واسعه و ركض علي السلم

حتي وصل أمام أخيه و القي نفسه بين احضانه

بفرحةفهو فقط مَن يهتم له ولوجوده :

- ابو الفوارس وحشتني اوي

- وانت كمان وحشتيني اوي يا بلبل .. بس

اسبونج بوب دا .. في شاب طول بعرض

16 سنه يلبس اسبونج بوب

اجابه الآخر و غيظ :

- و هو في برضو نقيب في المخابرات يلبس

بطوط

ضحكت مسك بشدة، فخرجن النساء من المطبخ علي أصواتهم فوجدوا فارس يقف و امامه بلال .. ما أن رأت لارا ابنها فارس ركضت اليه و ضمته بحب فهو في مهمه منذ اسبوعين :

- وحشتني يا حيوان أسبوعين متطمنيش عليك

- دا أنتِكدا بتحبي فيا ولا بتشتميني

- الاتنين يروح امك

ضحك وهو يقبل رأسها فكم إشتاق لها ...

~~~~~~~~~~~~~~

بعد قليل دلف يامن الي القصر و وجهه لا يفسر

هل هو ضيق ام غيظ أم زهول

جلس بعدما القي التحيه علي الجميع

- مالك يخويا شايل طاجن ستك ايه

اجاب يامن بحنق و هو ينظر إلي فارس :

- مش وقت تريقه يا فارس الله يهديك

تعجب كرم من ضيق ولده، فسأله مستفسراً بإهتمام :

- مالك يابني مكشر و مصدوم كدا ليه؟

- بابا انا مش مسامحك

- ليه يبني انا عملتلك ايه!؟

قالها بصدمة، فأجابه الآخر بغيظ :

- لا والله مش انت اللي قعدت تزن عليا عشان

ابقي وكيل نيابه و انا كنت عايز ابقي ظابط

مخابرات

- ايوا برضو انا مالي؟

- لا يا حاج معلش انت السبب في الضغط و

السكر اللي هيجولي بسبب أم الشعلانه دي

تعجب، فسأل لجاريه :

- ليه ياخويا بيشلوك في أيه ؟

- انا هحكيلك نبذه بسيطه .. انهارده جالنا بلاغ

عن واحده ضربت جوزها بالسكينه في بطنه

تخيل ليه؟

سأله بسخرية :

.

- ليه يا حبيب ابوك؟

اجاب يامن بإبتسامة ساخرة :

- عشان الاستاذ دخل الشقه و هي لسه ماسحة

السيراميك و مكنش لسه نشف و قبل ما يدخل

قالتله

"يا فتحي خليك برا عشان السيراميك لسه

مبلول"

فا فتحي قالها

"لا يا وليه هدخل براحتي دا بيتي و السيراميك

بفلوسي وأنتِ ابقي امسحي تاني هتخسري ايه

يعني"

قامت الست ماسكه السكينه و ضربته بيها في

بطنه

و بعت العساكر يجيبوها و اتاخروا فاتصلت اسال اتاخروا لي

تخيلوا ردوا بـ

"اسفين يا باشا ع التاخير بس مستنيين السيراميك ينشف"

بص الكل لـ يامن بزهول و شفقه، فهتفت اسراء والدته بشققه :

- ياعيني عليك يابني تصدق صعبت عليا

في هذا الوقت دخل شاب طويل القامة بأعين

رمادية و شعر اسود و ما كان الا صقر و كان

منهكاً بشده فـ لتوه أنهى مهمته، ابتسم يحييهم بانهاك :

- السلام عليكم

- و عليكم السلام

اردفت جاكلين بحب و هي تقترب منه :

- الحمد لله علي سلامتك ي حبيبي

قبل صقر كلتى يديها بحب قائلاً :

- الله يسلمك يا تيتة، بعد اذنكم هطلع استريح شويه ...

و اكمل عندما لم يرى شقيقته الصغيرى :

- دارين فين؟

أجابت لارا عليه بابتسامه حنونه :

- في اوضتها يابني من وقت ما جت من الكلية

حتي الاكل كلت لوحدها فوق مرضيتش تنزل

أومأ لها بهدوء ثم صعد لغرفه شقيقته الصغري و ابنته التي نشأت علي يديه ...

وصل أمام غرفتها و طرق الباب لكنه لم

يستمع لإجابة طرق مره اخري و ايضا الصمت

كان هو الإجابة

فتح الباب و ولج الي الداخل بهدوء ثم أغلق

الباب خلفه و نظر حوله و علي الفراش لم

يجدها

نظر لشرفه غرفتها فوجد فتاه صاحبه شعر

بني تقف و تنظر للسماء ابتسم ودلف داخل الشرفه و وقف خلفها قائلاً :

- كدا يا داري، أخوكِ يجي من مهمه و متتطمنيش عليه

التفتت هي بلهفه و سرعة و ألقت بنفسها بين

أحضانه تبكِ :

- كدا يا صقر شهر هانت عليك اختك هنت عليك متكلمنيش و حتي لما اتصل عليك يديني مغلق

انا كنت هموت من خوفي عليك

ضمها هو الآخر لحنان وهو يقول بأسف :

- حقك علىا والله احنا كلنا كُنَّا قافلين تليفوناتنا

عشان محدش من العصابة دي يعرف يوصلنا

ولا يوصل لعيلتنا و كمان بقالي اربع ايام منمتش

- لا أنا زعلانة منك

- خلاص طلاما انا سبب الزعل دا و أنتِ زعلانة

مني همشي

اردفت هي بدموع و ضحكه :

- انت ما بتصدق بقى.

ضحك هو الآخر و ضمها بحنان و هو يقول :

- ايوا كدا اضحكِ .. وحشتيني يا أم عيون فيروزي

ضحكت ثم أردفت بمرح :

- و انت وحشتني اكتر يابو عيون قطه .. تصدق

بتفكرني بـ ليزا

هتف صقر بتفكير :

- ليزا دي قطتك ام عيون رمادي و فرو ابيض صح

أردف دارين بحزن :

- صح بس ماتت من اسبوعين

شعر صقر بالحزن فهو أيضاً كان يحب تلك القطة

بشدة و قال عندما راي دارين ستبكِ مرة

اخري :

- لا متعيطيش عشان خاطري هجيبلك غيرها

ابتسمت دارين بفرحةشديده و قالت عندما

لاحظت الإرهاق الذي يبدو على شقيقها :

- طب روح غير هدومك و نام

شويه و نبقي نرغي براحتنا الصبح

~~~~~~~~~~~~~~~

شويه ملحوظات كدت عشان تفهموا أحداث

الروايه :-

« يامن اخو عشق و ملاك الكبير و هم ولاد

كرم و ساره »

« عهد تبقي اخت جاسر و جاسم الصغيره و

هم ولاد كريم و اسراء »

« صقر اخو دارين الكبير و هم ولاد شهيره

الصياد بنت اخو هلال و مرات ابنه الراحل

عمران »

« هلال الصياد دا يبقي كبير العيله يعني

الجد »

« جاكلين دي بقي مرات هلال يعني الجده هي

امريكيه بس أسلمت بعد ما اتجوزت هلال عن حب و عاشت معاه في مصر »

« مسك بنت ادهم و يارا و فارس و بلال ولاد

ادم و لارا و مسك و فارس اخوات

في الرضاعه »

« ادهم و ادهم توام و اخواتهم الصغيرين كريم و كرم توام برده»

« يارا و لارا توام و ساره واسرار إخواتهم اللي أصغر منهم »

« عشق و جاسم متجوزين و ملاك و جاسر

متجوزين بس كاتبين كتاب بس »

"دول كام ملاحظة كدا و لو مش فاهمين حاجه اسالوا في الكومنتات "

~~~~~~~~~~~~~~