لحظة حقيقه

{بسم الله الرحمن الرحيم }

لا تنسون التصويت

والتعليق على الفقرات 💕

كن دائماً على استعداد قد تتغير الخطة في اي لحضه..

*******

دخلت الممرضه للغرفه استقبلها منظر هوسه كلش قوي زلم هوايه يحجون واصوات كلش عاليه سمعت صوت بجي

التفت بعيونها تشوف مراة جبيره بالعمر گاعده لوحدها بزوايه الغرفه حاطه حجابها على وجهها وتبجي تمسح بعيونها وترجع تبجي اقوة من قبل

انتبهو الزلم الموجودين الها تشوفهم سكتو عن الكلام وكلها صارت تحجي ويه بعض بصوت ناسي اشبه بالهميس بس تگدر تسمعنه

رفعت عيونها تشوف گدامها رجال مضمدين راسه مغمض عيونه ويون

باوعت لرجله شافتها مضمدمه بضماد عمليه التفت للمغذي تشوفه خلصان

تقربت منه اكثر فتحت الجرار تطلع العلاج الخاص بيه طلعت مجموعه من الابر تحس الجو متوتر يمها باوعت للمغذي خلص لازم تبدله

جذب انتباها صوت رجال جبير بالعمر

العفو بس تگدرين تحجين النه عن حالته

ابتسمت بوجهه اجاوبه واني اخبط الابر مال علاجه

لا عمو اوراقه خاصه بعمليه الافضل الدكتور يشوفها علمود يگدر ينطيكم الخبر المضبوط

شفته رجع يسولف ويه الرجال الثاني يتهامسون سوه التفت اشوف المراة لسه تبجي خمنت يجوز هذا ابنها

ردت اروح الها بس ترددت طلعت وسديت الباب التفت اسئل زميلتي بالعمل عن حالته جاوبتني وهي تعدل بعض اوراق حالات المرضي

حسب ما سمعت من قصتهم الرجال يلي،سوو اله عمليه جايه رجال ثاني ضاربه طلقه مخلي دمه بطوله ومحد يعرف عنه شي على فجأة كلشي

صاير 

ضليت مصدومه من كلامها الناس شكد صايره ما تخاف الله جاوبتها اكلج تعرفين اسم المريض

هزت راسها بمعنئ لا وراحت

سحبت استماره بايدي اخذها وادخل للغرفه

حسيت اذاني راحن من قوة الصوت العالي

ابتسمت بوجهم كمحاوله مني علمود الطف جو

العفو حظرتك بس اريد معلومات عن المريض لازم نملي الاستماره

اجاني صوت الحجيه مبحوح من البجي يادوب تگدر تحجي التفت عليها شفتها گاعده وحدها حيل ما عندها تجيني

رحت اگعد يمها انطيتها گلاص ماي تشربه

اذا تردين خاله اجي بغير وگت

لا بنيتي شغلج هذا ما اريد اعطلج

اسئلي

شفت عيونها حمر دم وربطت حجابها السوده متخربطه من وره البجي مالتها

اي خاله بس شنو اسم المريض شكد عمره وهيج اسئله ولازم توقعين عليهن تگدرين

هزت راسها بمعنئ اي اشوف عيونها ونظراتها يم الرجال المتمدد على الجربايه

رجعت التفت كدامها حظرت قلمي اسجل بيه معلوماته حجيه شنو اسمه

رائد عبد العزيز

جاوبتني ودموعها نزلن تريد تحجي ما تگدر انطيتها گلاص الماي

شكد عمره خاله

سبعه وعشرين سنه

تگدرين توقعين اهنا اشرت الها على الورقه خاله بمعنئ انتِ الوصي عليه

لزمت القلم توقع على الورقه اشوفها ماكو عقلها يم الرجال شكد زلم يمها بس عقلها يم ابنها دعيت بقلبي الله يساعدها طلعت بره الغرفه

ضليت اباوع على ابني اشوفه متمدد على الجربايه دموعي تنزلن بحراره على وجهي كلما اشوفه حيلي ينهد عليه فتحت جهازي ارجع اتأكد من الصوره

دموعي حرگن عيني نار ومشتعله بصدري اريد اعرف شلون سوه هيج مستحيل يسوي هيج ابني وعمري كله اربيه بأيدي واعرفه شنو وشكد حريص

انتظره يگعد اريد اعرف شنو سالفه هاي الصور وليش هو بيها وهذاك منو يلي ضربه محد شاف الصور غيري اندزن اليه من رقم غريب مكتوب بيها موتت ابنج بسبب افعاله القذره

سمعتهم يحجون يردون يعرفون منو يلي يضربه طلقه هيج بدون سبب وهو لا عنده اعداء ولا ثار ويه احد

ضليت افكر بهذا القرار لمده طويله هاهيه انخصم قراري واذا ما ينفذه ينسئ عنده ام بهاي الدنيا

عدلت شيلتي الفها امسح بدموعي وگفت گدامهم كلهم حجيت" بصوت شبه عالي يدل على الثقه والاصرار بكلامي

ابني رائد حب بنيه

قبل لا اكمل شفت علامات الصدمه على وجوه عمامه وخواله اخذت نفس اكمل كلامي بنفس حده الصوت

حب هاي البنيه ورادها وجان مقرر يتزوجها بس اخوها عرف بالموضوع وصار الصار الغلط من عندنا احنا المفروض نخطب يلي نسئل عنهم

شفت تعالت اصوت عمامه وخواله كلها تسئل عن الموضوع وليش محد حجالهم جان راحو خطبو ولا هاي الدگه

صار الحدث وراح هسه لازم رائد يگوم بالسلامه

حجيتها واني مخنوگه

لازم يگوم بالسلامه علمود نخطب البنيه لانو انتم تعرفون الاهل اذا عرفو بعد ما تخلص منهم فاحنه خلي نخطبها ونفض السالفه

حجئ" احد من عمامه واذا رفضو وما انطو ورادو دم ابنه شلون بينا وگتها

لا تطمن عنده خوال وعمام عشيرتين تروح تطلب البنيه رايدها بحلال الله منو يرفض

حجئ" خاله الجبير

اني وياج ام رائد بس لازم نعرف الموضوع كله من رائد يله نتصرف

رجع قاطعه واحد من عمامه

لعد فض الموضوع مادام بيها حب وخطبه تنحل الحمدلله سالفه مو حيل  جبيره

سانده بكلامه. خالد رائد

اي والله ابو حمزه اني جنت شايل خم هم هسه ارتاحيت الحمدلله من طلع بس هيج  عبالي تورطنه بثار گلت منو يحلها وشلون نحلها الحمدلله من بس سالفه خطوبه

عفتهم ينتاقشون سوة اريد بس يگعد رائد علمود اسمع منه واعرف كلشي

مر يوم كامل عمامه رجعو لبيتهم وبقو خواله گالو بس تحتاجون شي اتصلو علينه

وره شويه حاجيت خواله يرجعون عندهم عيال يحتاجونهم اني اهنا ما احتاج شي ضليت اقنع بيهم لحد ما راحو

گالو باجر وره صلاه الصبح احنه يمج ضلين اصلي وادعي دموعي نزلن على المصلايه ادعي ربي يخلي ابني يگوم بالسلامه وكلشي يتعدل وراها

وره ساعه شفته يحرك ايديه يفتج عيونه علكيفه يريد يركز بشي ما يگدر گمت يمه بسرعه حجيت" بلهفه ام

يمة وليدي يمة رائد اسم الله

قربت منه رفعت جسمه شويه اسنده احمد ربي واشكره من گعدت يمة

اشوفه دايخ رحت ركض اصيح الممرضه تشوفه انطته مسكنات وگالت حجيه بخير تطمني مابيه شي شويه ويگعد

انتظرته شويه وگعد يباوع بعيونه

يتأكد هو وين شاف الغرفه كلها ابيض رفع عيونه شاف المغذيات

رجع راسه ليوره يحس الدنيا مفتره بيه

ها يمة تريد شي محتاج شي

ابتسم على صوت امه يشوفها تمسح بدموعها گاعده يمه

لا يمة ما احتاج شي مابيه شي لا تبجين

رفعت شيلتها تغطي راسها تبجي

يمة شلون ما ابجي روحي راحت بيك والله متت الف موته وانت ما گاعد

اسم الله عليك حجيه كلشي مابيه شوفيني

باوعت لرجلي ولوجهي يثبت عكس كلامي

شفتها باوعتلي شويه مسحت دموعها تحجي وياي بنبره حاده

رائد اني ربيتك هيج ربيتك رائد

يمة شبيج استهدي بالله لا يرتفع سكرج وتموتين

لزمت ايديها تلطم على صدرها وتبجي

ولك رائد اني اتعب بيك واربيك تالي ما تالي هيج تسوي تلعب بعرض الناس

فتح عيونه على وسعهن يحاول يستوعب شنو جاي يسمع حجئ" وهو مصدوم

شنو يمة عرض منو شنو جاي تحجين

صاحت بيه بصوت عالي

اسكت بسك حلگگ لا تفگه تنكر رائد تنكر والله لو انحرگ بايدي ما ارتاح

رجعت تبجي ضل مصدوم صافن على حجيها يريد يفهم شكو مجاي تحجيله

حاول يلزم اعصابه

حجئ" وهو يگز سنونه

يمة عرض منو سالفه منو لا تخبليني واحنه هسه بنص المستشفى يمة

مسحت دموعها

ولك رائد راح حيف تربيتي بيك حيف تربيتي بيك يمة هيج تسوي مبينه البنيه صغيره يايمة قلبي راح اموت شنو شعور اهلها هسه

گعد على كيفه اعصابه تلفت رغم الالم صار قوي برجله بس مجاي يفتهم عرض منو بنيه منو شنو جاي،يصير شنو هذا الحجي

سحب الجهاز من ايديها فتحه طلعت گدامه صوره وگفت عقله ضل لازم تيلفون بس عقله راح من صدمته

يريد يعرف يتنفس ما يگدر حس روحه طالعه يباوع للصوره عيونه مجاي تصدك يلي جاي تشوفه دور اكثر من صوره نفس الشي  وگع التيلفون من ايده

ضل حاير بصدمته يريد يركز بشي ما يگدر بعد غمض عيونه فتحهن يتأكد من المصيبه الشافها

ضل مركز بالصوره مصدوم من الاتهام الواضح عليه گعد يركز اكثر يباوع لامه يشوفها تراقب ردت فعله

شاف صورته موجوده ويه نفس البنيه يلي نقذها بس بمنظر ما ينشاف للعين الواحد يستحي يشوفها شاف اكثر من صوره هيج رسائل فويسات وصور البنيه تاگد من الرقم طلع حاذف الحساب

يمة وداعت ابوي عندي هذا اني بالصور بس والله ما اعرف البنيه والله ولا عندي علاقه بيها

ردت اگوم من مكاني ما گدرت احرك رجلي شفتها تباوعلي وهي ساكته

يمة شوفي انتِ تعرفين تربيتج اليه متاكده مني ومن ترتبيتي تتوقعين هيج اسوي لو اعرف البنت ونفس الصور جان تزوجتها

اسكت يمه صوتك ما اسمعه لا تخليني اعلي صوتي عليك لعد هاي الصور المن البنيه هسه ذبحوها اذا ما ماتت من وراهن

اشوف امي مصدوم منها راح اتخبل

صحت بصوت عالي

يمة شبيج يمة اني ابنج تربيتج ما تصدگين بيه يمة شبيج بس باوعي لعيوني الله يخليج صدگيني

اشوفها گامت من مكانها تمسح دموعها

تأشر بايدها عليه وتحجي

يا تخطب هاي البنيه وتتزوجها وتستر على عرضها وسمعتها الراحت يا تنسئ عندك ام واتبره منك

يمة شبيج يمة انتِ واعيه شنو جاي تحجين

اي رائد يا تنفذ يا اتبره منك بنات الناس مو لعبه عندك

ضربت علاگه الادويه البصفي بحيل طشرتهن رگعت دولگه الماي بالحايط عيوني صار دم من الاعصاب

يمة هذا يوم وقبله يوم ما اتزوجها لو اموت گتلج ما اعرفها ولا رايدها يمة صدگي بيه شنو اتزوج وحده ما عارفها علمود صور

تقدمت مني تمشي بعيد عن الزجاج المتطشر

شوف يمة البنيه مدام اهلها شافو ما يصدگون بعد وانت تعرف مجتمعنه مراح يخلون شي بالبنيه اذا ما طلعو ذابحيها

واحنه اهنا نحجي

رجعت ظهري ليوره استند على الحايط لزمت راسي بايديه دخت شنو اتصوف شراح اسوي

سمعت صوت امي تلم الزجاج المطشر وتحجي

البنيه اذا انگتلت تضل بذمتك ولا تگول شعليه شافوها وياك بالصور

قبل لا احاجي قاطعنه دخول الدكتور ومنظره المصدوم بأحوال الغرفه

•••••••••••••••••••••••••

اشوف السلاح موجه عليه اسمع صوت صراخ تالا بس ما مركزه بشي عقلي رافض يركز بشي غير السلاح عيونه ما ترمش اخاف لا ارمش اموت النفس احسه مقطوع عني اشوف نبرت عمي الحاده

اسمع اصوات بس مجاي اگدر اميز الصوت النبره مو غريبه عليه بس مجاي استوعب شي الخوف مسيطر عليه

صرت ما اعرف شلون اتنفس طلعني من دوامه تفكيري صوت عمي العالي وصريخه عليه

ضرب راسي بالمسدس بالخفيف مرتين لركز بكلامه حاسه عقلي واگف بنقطه معينه

ضليت ساكته اريد اجاوب بس ما اعرف شنو اجاوب

ريناد

صاح بيه بصوت عالي خله عيوني ترمش مرتين لاستوعب نبرة صوته الحاده

فتحت حلگي اريد احجي اشوفه يباوعلي بنظرات حقيرة خفت من نظراته اليه

شنو عمو

حجيتها ودموعي صارن ينزلن بدون ارداتي شدت موقف الخوف يلي دب بداخل قلبي خلتني ساكته ما اعرف شنو اسوي

او حتى اجاوب

لزم فگي بأديه  اثنينهن حسيت النفس راح مني اباوع اله بعيون تبجي اترجاها يبعد عني

حجيت" كلمات متفرقه دموعي تغطي ايديه

عمو الله عليك شيل ايدك عني نفس ما اگدر اخذ

كز بسنونه بحيل ضربني راجدي على خدي وگعت بالگاع حطيت ايدي مكان ضربته خدي اشتعل نار تفل عليه

يحجي بنبرته الحقيره وعيونه الممليات شر

لو ما ابوج عنده معزه يمي الا انحرج بأيدي ريناد

حاولت امشي ارجع كم خطوة بس ما گدرت بطني صارت توجعني من الخوف نسيت العمليه مالتي

ما تحرگت اخاف لا تنفك زراير العمليه

رفعت راسي اشوفه شايل سلاحه ويعارك بتالا

تالا ما تسكت اله هو يصيح وهي تصيح

تهدد بيه اذا اجئ منتظر راح يذبحه بس ماكو ولا هامه

جاب كرسي من الصاله گعد گدامي حاط سلاحه بايده يباوع اليه ما نزلت عيوني عنه

حجي بنبره صوت مقرفه

نزلي عيونج لا افگسهن فوك عارج رافعه عيونج وتباوعين بيهن

جاوبته واني اباوع لعيونه اشوفه حط سلاحه بنص خأصرته

ما غلطت بشي ولا نزلت راسكم بشي اني

قبل لا اكمل كلامي انضربت بطرف المسدس على حلگي شفتي صارت تنزل دم تلمست شفتي بأيدي

اباوع اله وعيوني تبجي

اسكتي فوگ عارج طولن لسانج اذا تحجين حرف واحد اموتج بأيدي

بدون ما اهتم لابوج ولا لاخوج

تالا گاعد يم الدرج مهدود حيلها تبجي رفعت تيلفونها اكثر من مرة تتصل بس منتظر ما يرد عليها

گعدت بمكاني امسح بدموعي ما اريد ابجي ما غلطت بشي اني

خدي احسه نفس الرخه ما اعرف ليش بس ما احس بيه طعم الدم مسحته

بدشداشتي  اشوف عمي گاعد گدامي ما اگدر لا امشي ولا ادافع عن نفسي كله من وره العمليه حسيت بدوخه كلش قويه راسي صار يفتر حطيت ايديه اضغط بيهن على عيوني

اريد اركز بشي ما اگدر بطني توجعني لازم امدد سندت جسمي على ايديه اريد ما اوگع

شفت تالا اجتني ركض تشوف عمي ملتهي بجهازه راح يحجي اتصال

سندنتي علكيفها رغم تعبها ودموعها الا انو ضلت وياي مشتني علكيف تمسح بدموعها اول ما دخلنا لغرفتي

تمددت على الجربايه جسمي وگع ما اسيطر عليه دوخه قويه احس بيها تشكلي المغذي بس ما جاي اشوف

غمضت عيوني لدقايق شفتها تمسح الدم من شفتي وتدعي عليهم وتتحسب ايديها يرجفن من الخوف عفتها وسكتت ما عندي حيل ارد عليها حالي مو احسن من حالها

شفتها راحت اختفت لدقايق اجتني شايله لفه بايدها ودولگه ماي فتحت قفل الغرفه تتاكد منه ينقفل لو لا

مشت گدامي تتلفت تراقب الوضع حجت وهي تباوع للباب خايفه

عمج ما اعرف وين طلع اجاه اتصال وراح بسرعه حتى بدون ما يحجي لوين

جاوبتها واني اكل اللفه تارستها ملح علمود ضغطي يرتفع

ما ادري بلكت الله ياخذ عمره من الخوف حيلي يرجف انوب ضربته مال المسدس لسه توجعني

التفت عليه اشوف،بعيونها الخوف

عليه تقربت مني تحجي بصوتها الحنون

يعمري ريناد خلي يولون مدام منتظر ويانه هاهيه محد يگدر يلزم النه طرف

دموعي صارن ينزل واني اسمعها تذكر منتظر خايفه حيل لا يعرف بالحقيقه يعرف صدك رحت لطارق ومهددني

ضليت اكل بلفتي ودموعي ما وگفن ابجي واكل حسيت شويه ضغطي رجع

حطتلي اكثر من مخده اسند بيهن جسمي انطتني القفل

شفتها تجيب اليه اكل وفواكه تحطهن گدامي

صفنت عليها منين جايبتهن

سئلتها واني مستغربه

منين الج هذني تالا وشدعوه هالكميات كلها

شفتها نفس الصفنت كأنو تذكرت شي

رجعت كررت عليها السؤال

اجت گعدت بصفي تفرگ بأيدها تباوعلي وكأنو ما مستعده تحجيلي

شوفي ريناد اني محجيت لاحد غير منتظر ابدا بس انتِ راح احجيلج من بعدة

استغربت منها تقصد بشنو سكتت انتظرها تكمل كلامها شفتها متوتره وهي تريد تحجي باوعت للباب تتاكد منه مقفول

لمن عرفو اهلي اني احب اخوج بوگتها ابويه جان رافض كومه لدرجه ضربني ضرب خلاني اسبوع ما اگدر احجي

شهگت بصوت واني اسمعها تحجي هيج ودموعها تنزل

أشرت على حلگها وهي تمسح دموعها

تخيلي وهو يضربني نوم گلاص ماي بحلگي خلاهم يخيطون حلگي

اباوعلها مصدومه لزمت ايديها انتظرها تكمل كلامها ما جنت اعرف بهاي المواضيع اني

وراها ابوي قاطعني وصار يتخبل اذا يشوفني گدامه الا ان عرف منتظر بحالتي وبوگتها اجئ للبيت مالتنه ابوي شكد رزله وغلط عليه

بس اخوج ولا جان خايف ضل مصر جاب عمامج وخوالج نزل نفسه كومه لابويه

ابتسمت تتذكر الموقف ضحكت بنص دموعها

تخيلي مره اجتني بنت عمتي تگولي حاجيه راح يموت جنت هستوني فاله الخياط مال حلگي

بوكتها من شافني بهاي الحاله گعد مهدود حيله يمسح بدموعه ما يريد يبجي بس شفنه بجئ لاول مره عليج

مسحت دموعها اريدها ما تبجي

الله يساعدج تالا الحمدلله من اخويه اخذج وارتاحيتي الله لا يرد هذيج الايام

شفتها من ذكرت سيرته ابتسمت عيونها تضحك قبل شفايفها

اي اكملج عيفينا من اخوج المختفي هسه فبوكتها حجينا وقنع ابويه ياخذني بس قبلها ضليت محبوسه اسبوع لا اكل ولا شرب عقاب على فعلتي بالرغم

ما مسويه شي

ابتسمت اباوع الها شكد لطيفه يمكن لْـۆ انسانه غيرها ما اعتقد توگف وياي هالكد

اي فأنسه ريناد هذا الاكل ضميه

يمج ما تعرفين شنو يصير لا سامح الله بالايام الجايه

هزيت راسي الها ارجع اغمض عيوني شفتها تفتر تلوب روحها على منتظر اتصلت اكثر من مره انرفض الاتصال لحد ما طلع الها الجهاز مغلق

حجيت" وياها حاولت اهدي تفكيرها بس ما تقبل الخوف بعيونها قبل لسانها

غمضت عيوني اريد انام خف الم بطني شويه ردت انام بس ما گدرت التفكير مسيطر على راسي خايفه من كلشي

الله لا يوفقك طارق بس لو اعرف الصور ارتاح شويه علقليله اعرف شنو جاي اواجه

مرت ساعات بس ماكو احد گعدت الدنيا صايره الغروب ماكو حس بالبيت گمت من فراشي احس جسمي كله متكسر

اخذتلي تفاحه نزلت لتالا اشوفها تسوي عشئ من كثر ما جانت ما مركزه

دقايق يله استوعبت اني يمها

حظرت الاكل رتبته بالسفره گعدنا

اثنينا صافنين بوجه بعض ننتظر وحده

تبلش تاكل بس اثنينا نفسنا مسدوده من احداث اليوم

صارت تسويلي لفات تحجي وهي

ضايجه

هذا اخوج اليوم بس يجي الا اطلگه واعيفه شنو ناسي نفسه

رفعت حاجبي انطيها نظره متاكده من هالقرار

لا هو ما متاكده بس اخوج يختفي بالوگت الغلط المن حاطين التيلفون

يعني غير واحد يتطمن ويسئل

اخذت اللفه من ايديها اكل اشوفها تاكل وتكمل حجي

هذا اليوم اخوج اخليه ينام بالصاله واصلا اطرده ممنوع تفگين حلگي

التفت عليها اضحك على حركات ايديها وشلون متوعده اله حركت ايديه

اثنينهن بمعنئ لا

اصلا اطرديه من البنات خلي يولي

باوعت اليه تضحك على ضحكتي

تجاوبني

اي هو اليوم بس يجي الا ما اخليه يبات بالبيت بس خلي يرجع خوش متعلم يختفي

كملنه اكل وهي تخطط شلون راح تطرده وما ينام يمنه اليوم شفت الساعه

صارت بالتسعه بليل وهو ماكو

ضلينا گاعدين جوة والغريب حتى عمامي ما الهم حس اختفو من الصبح

حطيت مرهم على شفتي بلكت تخف ضربته

باوعت لنفسي بالمرايه اشوف

بشرتي شاحبه عيوني مغطيتهن الهالات

حالتي يرثئ عليها وين جنتي ريناد وين صرتي

اشوف الحبوب غطت جوانب خدي حتى اكو حبوب طالعه برقبتي ابتعدت عن المرايه ما اريد اشوف وجهي رحت اطلع غسولات الوجه والكريمات لازم اعالج بشرتي هم حزينه وهو بيه حبوب

افضل الحزن

كملت عنايه طبعا مو عنايه صار عليه حرب اذا اگف دقيقه اغسل وجهي اشوف الويل

كعدت افتحلي نستله اكلها صرت اباوع للحايط واضحك والله يا الله تخبلت اني قبل كم شهر جنت عايشه بنعيم الحب والامل والراحه الضحكه ما تفارقني

هسه ياهو الاجه يضربني وصور ما اعرفهن اخويه مختفي وحالتي تحت الصفر بأميال انوب يردوني اوافق على طارق والله يا الله خلي اموت اهون اليه مما اسلم نفسي اله لهذا القذر

اتزوج جلب وما اتزوجه شكد كارهته

سمعت صوت صراخ كلش عالي فزيت عليه طلعت امشي علكيفي من غرفتي احس قلبي وگف من الخوف

خفت لا تالا بيها شي خاف اخويه بيه شي الدرج صار شطول سمعت صوت زلم بره نفس العركه صايره

نزلت جوة اشوف تالا منهاره تبجي وگاعده على حيلها تبجي وتشهگ اريد اصل تالا رجليه ما تشيلني بعد

المسافه بيني وبين تالا كم خطوة حسيتهن اميال وصلت الها اركض

گعدت يمها علكيفي اكو كرسي

سئلتها احجي،بسرعه الخوف ملك قلبي

شنو صاير تالا شكو شبيج ليش

تبجين صوت منو هذا بره عركه

علمود شنو

جاوبتني وهي تشهك تريد تحجي ما تگدر اباوع لحلگها اريدها تحجي ما تجاوبني

هزيتها من كتوفها حيل اريدها تجاوبني راح اموت من الخوف رجليه ما تشيلني

حجت وهي تقطع الكلمات تقطع

يادوب تلفظ. انفاسها تمسح دموعها بايدها

اخوج طلع مسجون ريناد مسجون

وهستوهم طلعوه متنازل عنه الولد

ضليت اباوع الها حجت هذا الكلام يلي نزل عليه من الصاعقه رجليه نملن سندت ظهري على الكرسي الزم

راسي بأيدي

اريد استوعب كلامها مجاي اعرف شنو سجن معقوله طارق سجنه ضليت

گاعده يمها انطيتها ماي اريدها تهدئ

راح تموت من البجي يمكن من كثر

الصدمات صارت عندي مناعه ضليت ساكته اتأكد من قفل الباب ضلت الاصوات العاليه مرتفعه لساعات عشناها بقلق

نسمع صوت زلم كومه بس ما نميز صوت منتظر منهن لحد ما واحد منهم سحب السلاح وضرب طلقه

من سمعنه صوتها نفس الروحنه طلعت طلعنه اثنينا نتراكض من شده

خوفتي وصدمتي نسيت عندي عمليه فتحت القفل بسرعه طلعت حتى حجاب ما حاطه على راسي

اباوع بعيوني اشوف اكو زلم كومه ادور منتظر وينه خفت لا انضرب هو

طلعت اصيح بأسمه شفت عمامي اجو يرگضون عليه عفتهم وطلعت بره اركض

بدون وعي

شفت كومه زلم نزلو راسهم من شافوني ما مستوعبه نفسي طالعه بدشادشه البيت

انخطف لون وجهي واني اشوف منتظر گدامي موجه رجال ضخم سلاح على راسه ومنتظر لازم السلاح بأديه كأنو يتحداه يضربه

صحت بصوت عالي رج المنطقه رج

منتظر لا عيف اخويه

شفت منتظر عاف السلاح فتحت عيونه علئ وسعهن من شافني طالعه هيج

عاف الرجال يلي ما اشوف منه غير بس ظهره ورجله الكلها دم

اجه يمي جرني من ايدي بسرعه

كاز سنونه عليه عيونه حمر

منو طلعج منو اني مو گلت لتالا لو  اموت واصير جثه محد منجن تفتح باب القفل

دخلني بسرعه للباب مال الصاله

قفله من بره گعدت منهاره ابجي كله صار من ورايه متأكده هذا الرجال طارق هو يلي موجه سلاح عليه

حضنت تالا اثنينا خايفات وحده تحاول تطمن الثانيه بس بالحقيقه نتمنئ لو كل هذا يطلع حلم ونرجع نعيش بهدوء وراحه نفس قبل

دخل اخويه وره ساعات للبيت

عيونه حمر دم مشئ لغرفته بدون لا يباوع علينه راحت تمشي وراه تالا

اشوفه وره دقايق مبدل قميصه واجئ يمي جاب دولگه مال ماي وگعد گدامي ترجته تالا بعيونها ما يسوي شي

اول مره اشوف اخويه بهذا المنظر المخيف ما مهتم لشي ابدا

حجئ" وهو يباوع عليه نبرته وصوته العالي خلني اخاف منه يحجي وكأنو حاط سيف على رقبتي من حده صوته

اي ريناد ما حجيتي اليه عن قصه حبج

انخطف لوني من حجئ" هيج اريد اجاوبه ما اعرف من الصدمه شفته گام راح يجيب كرسي گعد مقابيلي

يشوفني ساكته ما حجيت" شي هز راسه يستغفر ربه

يعني الحجي صحيح ريناد

صاح بيه بنهايه جملته فزيت من مكاني

خوش ريناد تحجيلي كلشي لو اعرف كلشي بطريقتي وثقي بالله خالق السماوات السبع طريقتي مراح تعجبج

نزلت راسي امسح دموعي

احجيلك بس

بس شنو ريناد فضيها واحجي كافي لف ودوران على راسي

صاح بيه بصوت اقوه من القبله جسمي صار يرجف من الموقف النحطيت

بيه

نزلت عيوني ما اگدر احطهن بعيونه

اي جنت احب

من سمعني هيج نفس ما جان

متوقع السالفه صدك فتح عيونه يتأكد من السمعه

اريد التفاصيل ريناد حرف حرف الله شاهد عليه ادفنج اهنا اذا حرف واحد ينحذف

ما تحسه يحجي تحسه يصيح بوجهك

اخذت نفس انظم بيه دقات قلبي لانو مجاي اگدر اتنفس

اي هو جنت احبه ويحبني وجنه مخططين نتزوج بس ما اعرف شنو يلي صار ووصلنه لهنا

تقربت منه اشوفه مصدوم مني لزمت ايديه دفع ايدية عني  نزلن دموعي

مسحتهن بسرعه

منزل راسه ما يباوع اليه حجيت" واني ابجي

والله ما سويت شي الله شاهد عليه بكل حرف احجيه حبيته وحبني والله كلشي ما سويت غيرها ما اعرف شلون وصلنا لهاي المرحله

شفته گام من يمي دفر الكرسي مالته برجله بحيل صار يضرب بيه ويغلط

كسره تكسر برجليه سواه قطع مطشره بالمكان

ضلينا نباوع اني وتالا الخوف مسيطر علينه تالا ولا قربت عليه خلته يطلع غضبه الموضوع مو سهل عليه ولا يلي گاعد يسمعنه هين

رجع لزم دولگت الماي ضربها بشاشه التليفزيون خله الشاشه طحين

رادت تتقرب تالا منه لزمت ايدها

خفت عليها مبين مو بوعيه هسه

ضلت تباوع اليه مصدومه اكثر مني

حقها اول مره نشوفه هيج صار يصيح بصوت عالي يغلط على واحد ما نعرفه

رجع انوب گعد گدامي اعصابه تالفه

يسئلني بصوته الحاد

ليش ما حجيتي اليه ريناد شنو جنت گدامج طرطور اني طرطور

يأشر عليه ويحجي

تلبكت ما عرفت شنو اجاوبه

نزل راسه يحجي بنبره كلها خذلان مني

لو سامع السالفه منج اهون اليه ولج شايفه شلون روحي مفرفحه هسه ولج انتِ ما تدرين شنو سويت وشنو حجيت" علمود عمامج ما ينقلون السالفه

تقرب مني شافني ابجي ما اگدر اباوع اله رفع راسي اشوف نظرات الخذلان بعيونه

ريناد بشنو قصرت وياج والله لو حاجيه اليه اني احلها والله شكد ما جنت اضوج منج جان ما وصلت لهنا

اقل شي محد يجيب طاري سمعتج بشي

حاولت الزم ايديه ما قبل ابتعد عني حجيت" واني اتوسله بنبرتي

منتظر والله ما جنت اعرف راح توصل لهنا وداعت امي عندي ما سويت ولاشي ينزل سمعتنه والله

شفته گعد ساكت يلزم راسه بأديه كملت واني اباوع اله ظهري انكسر بكسرته هاي

شوف جنت رايده احجيلك كلشي تتذكر هذاك اليوم من اجئ ابويه جنت ناويه اسولف الك كلشي بس ما گدرت

حتى ما اعرف الصوره منتظر الصوره ما اعرفها شنو صاير

دموعي تنزل احس بحراره مشتعله

بنص بطني تقربت منه علكيفي

ما قصرت بشي انت ولا بيوم قصرت وياي اتمنئ اموت ولا اعيد هذا الغلط

شفته ما يقبل يحجي وياي صحت بيه بنبره مهزوزه ضعيفه

جاوبني منتظر لا تسكت شبيك

شفته رفع عيونه يباوعلي ركز بملامحي

رجعت حجيت"

منتظر انت حبيت وتزوجت حس

بيه مجان الموضوع بأيدي جان بمشاعري

قاطعني قبل لا اكمل بنبرة صوته العاليه

لهل السبب گاعد واسمعج ريناد لانو قبل تلوعت بالحب تلوع يله اخذتها

سكتت اسمعه يكمل كلامه يأشر على تالا

حبيتها حب صادق حاربت اهلها واخذتها لا تقارنيني بواحد يسوي فوتشوب ولج بس فهميني منو مسوي الفوتشوب ريناااااااااد منو

صراخه رج الغرفه رج اجه گدامي

شريان وجهه واضح من العصبيه

رينااااد الفوتشوب منو مسويه اذا مو هو منو يريد يدمر سمعتج منو يعرف بعلاقتكم منوووو ريناد جاوبني ممنوع تسكتين

خفت اگول اله رنا تعرف رفعت راسي اجاوبه واني خايفه اباوعله

محد بس اني وهو محد يدري بينه

ضرب الكرسي الجنت گاعده عليه بحيل ضل يفتر بالغرفه گعد گدامي يحجي بصوت شبه عالي

الولد

اهله لگوني بكامرت المراقبه اشتكو

عليه دخلت سجن كم ساعه رينااااد رجع الولد اجه هو واصابته تنازل عن الشكوه وكال نحلها بينه

صرخ بيه وهو يكمل كلامه

تدرين شنو الحل وياه لو ما تدرين

هزيت راسي بمعنئ لا من الخوف

خوش احجيلج الحل يريد يطلبج مني  ريناد يريد يخطبج رينااااااد

صاح بيه بصوت عالي بنهايه كلامه

الكلام يلي حجاه ما استوعبته يخطب شنو عقلي وگف يم هاي الجمله

شنو طارق يريد يخطبني ليش يخطبني

ارتفعت دقات قلبي اشوف ايديه ترجف ضليت ساكته مجاي استوعب الكلام الحجاه

رفعت راسي اشوفه دمه فاير يفتر

بالغرفه يمي دور على شي بس ما اعرف شنو

مستحيل اوافق اتزوجه

جاوبته بكلامات متقطعه نبرة الخوف

واضحه من طريقه كلامي

شفته وگف بمكانه مصدوم من رفضب جان متوقع راح اوافق اجه يمشي بخطوات سريعه لحد ما وصل يمي

اشوف بنظراته نار راح تحرقني

باوع عليه يغمض عيونه

راح تتزوجيه ريناد راح تتزوجيه

فتحت عيوني على وسعهن رفعت راسي اشوفه يحجي وهو يباوعلي

انت شنو بكيفك تقرر

حجيت كلامي واني مصدومه منه النفس وكف بنص بلعومي ما اگدر اتنفس

شفته گام من يمي انطاني ظهره يمشي نهضت بسرعه وراه لزمته من ايديه

انت شنو منتظر بكيفك تتصرف بكيفك

صحت عليه بصوت عالي اشوفه ضل واگف منزل راسه

تقدمت منه اگف گدامه احجي وياه ودموعي ينزلن رجفت ايدي ما وگفت

منتظر رد عليه اتزوجه شنو ما اوافق لو تموتني اشوف الموت بعيوني وما اوافق

دفع ايدي عنه بحيل لدرجه رجعت لوره كم خطوة من وره دفعته

حجئ بنبره قاسيه لاول مره تتردد على مسامعي

يلي سمعتيه قراري وماكو رجعه منه تتحملين عواقب افعالج ريناد

دمي صار يفور من وره كلامي نسيت عندي عمليه ونسيت كل حالتي رحت اركض گدامه دفعته بحيل ما اتحرك من مكانه

حجيت" واني كلني اعصاب

مو بكيفك تقرر هاي حياتي اني ما الك دخل بيها

رجعت دفعته مره ثانيه بحيل بأثنين ايديه احجي واني فاير دمي

انت منو ها انت منو علمود تقرر بدالي  حياتي منتظر من تصير حياتك ساعتها احجي وقرر فهمتي لو لا

ضل واگف بمكانه يباوع اليه شلون اصرخ بوجهه من حرگت قلبي احاجيه بهاي النبره

شفته ساكت ما يقبل يرد عليه

يفتح قبضه ايده ويسدها عيونه على تالا المصدومه وگاعده ضلت كل النقاش

هي گاعده وتستمع النه شفته يباوع الها سكوتها غريب

عفته وصعدت لفوگ حجيت" واني اصعد الدرج أشر بايدي على غرفتهم

هذاك السلاح عندك افضل تضربني طلقه بنص راسي ولا اخذ هذا فهمتني لو ارجع اعيد

جاوبني وهو يباوع على تالا كأنو عقله مو يمي

ريناد سدي حلگج هذا لا وحق هو الله تشوفين شي ما يعجبج وافقت وانتهت شتسوين سوي

ارتخت لزمت ايدي على الدرج اشوفه

راح يشرب ماي رجعلي وهو شايل دولگه ماي يحجي بنبره مستفزه

هذا قراري وانطيتج اياه يا توافقين وتتزوجيه مدامج جنتي تحبيه يا تتحملين عواقب افعالج انتِ بنفسج

نزلت الدرج اگف گدامه امسح بدموعي

حاسه حيلي باد قلبي راح من الحزن والتعب

منتظر باوع عليه اني اختك شلون تكسر ظهري،بيه ما اريده والله ما اريده افهمني الله عليك

ريناد مو تحبيه اجاج على طبق من ذهب تزوجيه لا اذبحه بأيدي

اذبحه منتظر اذبحه احد مانعك

باوعلي مصدوم من ردت فعلي

يعني كارهته لحد عندج اموته عادي

هزيت راسي بمعنئ اي گعدت على يايات الدرج ابجي اريد الگه حل ماكو

حجيت" بصوت عالي واني افكر

بالمصيبه الوگعت فوگ راسي

شلون وافقت عليه

جاوبني وهو يگعد بالگاع يبعد الزجاج المتطشر بأيده

طلبج مني گدام خوالج وعمامج جاب خواله وعمامه وگال اسوي مشيه جبيره

نزلت راسي اسئله بيأس

وانت وافقت

نزلن دموعي واني احجي

شفته يباوع لتالا يجاوبني بدون ما يركز وياي

لا تعاركنه اني وياه

ضليت ساكته اتسمع لكلامه

حطيت ايديه على راسي سانده جسمي على المحجر حايره ما اعرف شنو اتصرف

زين اگدر اشوفه واقرر وراها اذا اوافق او لا

جاوبني بدون اهتمام

لا اني موافق قبلج بس تگدرين تشوفيه

استغرفت ربي على جوابه

منتظر والله اشتكي يم القاضي عليك والله اسويها تعرفني مخبله

رجع جاوبني بنبرة عدم اهتمام مركز على تالا ما يشوف،شي غيرها حاليا

اشتكي ريناد خليني خريج سجون لحظرت جنابج ولج اخ انتِ حقج ما تدرين شسويت يله سكتت عمج

سئلته مستفسره عن كلامه

شنو سويت منتظر شبيهم عمامي

جاوبني وهو يگعد يم تالا

ابوي اخ منه ومن سوالفه

انتظرته يكمل كلامه لازمه بطني بأيديه اثنينهن احس بوجع مو طبيعي بس ساكته

رايح حاجي لاخوه عن الصور ومشوفهن اله وحالفين الا يگتلوج تعرفين سوالفهم بعد بس الحمدلله گدرت اگعد احاجي عمي واقنعه لمن طلعت من المخفر وفهمته كله تلفيق عليج وشوفته

هوايه ناس صاير بيهم هيج بس ضل يستفسر علئ هذا ال ***المهم وراها لمن طلعنه شفت سيارات تمشي ورانه عمام وخوال هذا الافندي

سكت شويه رجع يكمل

اي وگفنه قبل لا نوصل البيت

نزل الافندي مالتج  يحجي وياي بشخصيه ورزانه اسلوب  وهو يريد يطلبج مني

شافني صافنه اباوع اله بأنبهار افكر معقوله طارق هيج يحجي

لا تباوعين هيج لاعبالج صارت حجي اول ما شفته نمت فوگاه فكوه مني بالموت كلما اشوفه اريد ادفنه بأيدي

اي وراها گال اني رايدها واطلبها منك

اني طبعا ما قبلت لحد ما تدخلو عمامي وخوالي وناسه واهله واكيد يلي ضرب الطلقه هو المخبل يلي تحبيه

رفع حاجبه يباوعلي بنظرات ما عرفت شنو يقصد بيهن

حركت راسي بمعنئ شنو شبيك

شفته يرجع يباوع لتالا يكمل كلامه

اي هذا المخبل من صارت هوسه ورجله دم سحب السلاح من عمي وضرب طلقه بالجو صاح بينه نفس المسودن

ما تسكتون كافي شنو هالدوخه

ضلينا اني وتالا وحده تباوع للثانيه

اثنينا براسنا سؤال واحد وهو معقوله يضرب طلقه لانو هوسه

شافنه مستغربات من كلامه هز راسه يكمل

اي هذا المخبل من هسه اكلج باجر عگبه لا تهوسين يمه لا يحط طلقه براسج عنده خبال للحجي هذا ال***

من طلعتي وشفتيه حاط السلاح على راسي اني حطيته وگتله اضربني اذا ردت تاخذ ريناد

بوگتها وره ما انتِ طلعتي گعدو عمامي يحجون بالسالفه وگالو خلي يتزوجون وصار سوء فهم وهيج صارت صاير ثلاث ساعات يناقشون موضوت زواجج

الولد حسب ما حجو عليه كلش زين بس هو وامه ماكو احد غريب عمامه وخواله معروفين بالخير وما عليهم شي

والولد دارس ومتوظف خير من الله فگلت تزوجيه

رجع يباوعلي وهو يحجي بنبره استغراب

بس يلي مجاي افهمه ليش رافضته انتِ

المهم باجر تشوفيه وتحكمين

ضليت ساكته ما اعرف شنو احجي بس قراري الرفض لا غير

تقرب من تالا حضنها گدامي انصدمت من ردت فعله هاي

تالا ضلت باهته ما تعرف شنو تسوي تدفع بيه تگول اله ريناد موجوده

عفتهم وصعدت اشوفه حاضن تالا يحجي وياها يحاول يضحكها وهي بسرعه حضنتنه بس صعدت اباوعلهم من الطابق الثاني مبتسمه عليهم

رجعت لغرفتي عقلي مشغول بالتفكير

معقوله طارق هيج صار مستحيل هذا كلامه يلي اعرفه عنه واحد نرجسي ما يتحاجه كارهه حتى سيرته

صار الصبح واني ما نايمه التفكير

ما خلاني انام شلون التقي بيه ليش التقي بيه ما اريده قارفته

صعدتلي تالا الابتسامه مغطيه وجهها تحجي بحماس

ريناد ولج امه كارثه لْـۆ تشوفيها شكد رزنه بالحجي والكلام لطيفه بكلامها

ضليت ساكته هي تحجي بحماس توصفلي طريقه كلام امه حطيت الحجاب على راسي الفه عدل

نزلت علكيفي حاطه ايدي على بطني

شميت ريحه عطر عجايز نزلت الدرج متوتره

اشوفها تباوعلي والابتسامه مغطيه وجهها

قربت منها اسلم عليها تلگتني بهذاك السلام والحجي الحلو

گعدت على الكرسي تحمدت اليه بالسلامة سئلتني عن عمليتي احاول اتصنع الابتسامه واجاوبها بس ما اگدر ملامحي واضح عليهن الزعل والرفض

ابتسمت بوجهها مجامله سئلتني عن دراستي وعن عمري جاوبتها على اسئلتها

الا ان اجه منتظر وجهه يضحك يگولي گومي شوفيه رجليه ما يشيلني من مكاني دقات قلبي صارن الف

توسلته بعيوني ما يخليني اروح بس جان صامل على موقفه اشوفه يعني اشوفه

لزمت ايديه همست بصوت ناصي اتوسله بنبرتي

فدوة منتظر رجعني خلي ارجع والله ما اريده

ابتسم بوجهي يجاوبني بنبرته المعتاده

شوفيه اول واحكمي

دخلت للباب الاستقبال منزله راسي ما اريد ارفع عيوني واباوع اله رافضه اشوفه

سمعت صوت منتظر

نص ساعه ماكو اكثر منها

لا تطمن اخويه نفس الوگت

سمعت صوت النبره مو غريبه عليه بس مو نبره طارق لا هاي نبره رجال ثاني رفعت عيوني مصدومه اشوف الرجال الغريب نفسه گاعد گدامي حاط عكازه بصفه يباوع اليه بأبتسامه

••••••••••••••••••••••••••

استودعتكم الله

يوزر التواصلي تلي @TAT_77_bot

قناه التلي https://t.me/teba77ii