خطيئه لا تغفر

{بسم الله الرحمن الرحيم }

لا تنسون التصويت

والتعليقات الحلوة

شگد نطرته وما ندهني! ومن طرف واحِد عشگته

ومن طرف واحد كرهني ،

************

طلع اخوي على صوت صراخي اجه سحبني من ايدية بحيل وگعت بالگاع اثر. قوة سحبته لجسمي اشوف الدم يغطي حلگي اباوع لخشمي يجري دم

رفعت راسي اشوف اخويه دفع ابويه بحيل يطلعه بره المطبخ عاف ابويه يصيح عليه شفت تالا لابسه حجابها واجت تركض نظرات الخوف بعيونها

لزمت وجهي شهگت من شافت حلگي كله دم

منتظر:شنو يابه شبيك وياها شصاير شكو تضربها انت

صاح بيه بصوت عالي

رد عليه ابويه وهو يدفع ايدين منتظر ويمشي بأتجاهي

اسكت ولا تفتح حلگگ انطيني اياها اريد اربيها نزلت راسي هاي ال***

منتظر يباوع اله مصدوم وگف گدامي

ما يقبل يخلي ابويه يوصل اليه صار ابويه يدفع بجسم منتظر يريد يلزمني

شبيها شنو مسويه ريناد لخاطر تضربها هيج

صاح بيه بصوت عالي طلع ابويه الجهاز

مدري شنو يدور بيه حطه بوجهه منتظر

ارتخت لزمت منتظر لابويه فاتح عيونه على وسعهن يباوع للجهاز سحب الجهاز من ايد ابويه يباوع عليه ويرجع يباوع عليه عيونه صار احمر دم

بس رغم هذا ضل ثابت گدامي ما يخلي ابويه يوصل اليه

صاح بيه ابويه

انت جاي تشوووووف بعينك شنو سوت بينه وبسمعته هاي اثر دلالك الزايد الها

ضل ساكت ما رد عليه مركز بالجهاز بس جسمه ثابت گدامي اني وتالا

رجع ابويه حجئ" بصوت عالي

اكثر من مره گلت الك لا تدللها هالگثر دلال زايد لا تدلل شوف هاي تالي دلالك الها

گعد منتظر على حيله يشوف التليفون نفس الما مصدك انسحبت تالا من گدامي

رفع راسي اله ضربني بوكس حسيت فگي تفلش بنص سنوني من الوجع احس سنوني تكسرن

وگعت بالگاع من قوة ضربته اريد ارفع ايدية ادفعه. ما گدرت حسيت الدنيا غوشت بعيوني

ضرب بطني برجله بحيل شوغها لروحي صحت بصوت عالي من قوه الضربه

بابا شبيك شنو سويت

قبل لا اكمل ضربني دفره بحيل ببطني عيوني غوشن من ضربته انرگع راسي بحافه الكاونتر صرت اشوف ضباب گدامي

نطقتها واني احس روحي طلعت من مكانها

يمة بطني راح اموت من بطني

وگف گدامي يحجي وهو يأشر على حلگي

اسكتي لا اگتلج بمكانج لزمني حيل من رقبتي خنگها لدرجه حسيت اصابعه صارن بنص بلعومي

تالي عمري وحده تنزل راسي والله اذبحج بايدي ذبح

حطيت ايدية فوك ايديه الخانگ بيها رقبتي عيوني غوشن صارت الرؤية گدامي مغوشه ارفع بايده بس ما اگدر

اشوف شي

ردت احجي حسيت بطعم الدم مغطي حلگي

على قوه صياحي وسب وغلط ابوي

انتفض منتظر يشوف ابويه يضرب بيه برجله ويسب ويغلط عليه وعلى منتظر شمر الجهاز واجه سحب جسم ابويه بحيل. يبعده عني ضليت اتلوئ بمكاني

دفع جسم ابويه بعيد عني بس ضل ساكت رغم غلط ابويه بس ما حجئ" ابدا لسه مصدوم من الشي يلي شافه

شهگت بصوت عالي اريد اخذ نفس جان منقطع عني رفعت جسمي اريد اگوم حسيت

روحي طلعت من الوجع سمعت بصوت شي انفقع بمعدتي وياه الم كلش قوي صرت ابجي اقوه واصيح من قوه الم بطني

بطني حيل توجعني ضليت اتلوئ بمكاني من الوجع اسمع صوت عرگه بين ابويه ومنتظر بره بس ما مركزه شنو هي

اجتني تالا تركض وره ما قفلت باب المطبخ تتملس دمي شافت خشمي كله دم حلگي باوعت لرقبتي شهگت

بحيل تتلمس رقبتي تشوف اصابع ابويه المطبوعه والدم رفعت جسمي استند عليها

صرت اتقيئ بشكل چبير اشوف القيئ عباره عن دم سمعت صوت تالا وهي تشهگ بصوت عالي

باوعت لرجلية شافتهن كلهن دم صاحت بصوت عالي تركض تفتح باب المطبخ. وتصيح بعلو صوتها

الحگني منتظر الحگي ريناد راح تموت

باوعت لرجلية مجاي اركز بشي من وجع بطني ودوخت راسي موتني اشوف جسمي كله دم من راسي لطرف رجلية. أخر شي تذكرته قبل لا يغمئ عليه هو كلام طارق اذا ما خليت جسمج كله دم

كعدت وره ساعات اريد افتح عيوني ما اگدر اتذكر أخر شي شفته قبل لا يغمئ عليه هو ركضت منتظر اليه وصياح تالا

ثقل كلش جبير براسي ردت ارفع جسمي شفت تالا رفعتني علكيف تسند جسمي على حديده الجربايه

باوعت بعيوني اركز بالمكان شفت اكو مغذي مشكل بايدي والم كلش قوي ببطني اريد احجي ما اگدر لساني ثقيل

رفعت ايدي أشرت بيها لتالا اشوفها تقربت مني تمسح بدموعها وتتحمد اليه بالسلامه على شنو

تالا:شنو تردين يروحي

حجيت" بس الصوت ما يطلع مني اباوع لمنتظر اشوفه ساكت گاعد على. الكرسي وصافن حتى ما اجئ يمي ولا تحمد بالسلامه اليه

تقربت مني تالا حطت اذنها يم حلگي تريد تسمعني شنو احجي

ريناد:شبيه اني شسوي هنا

رفعت راسها عني اشوفها التفت لمنتظر نظرات الخوف بعيونها تقربت منه ما اعرف شنو حجت وياه بس لاول مره اشوفه ما يسمعها عافنه وطلع لبره الغرفه

اجتني تالا تحاول تصنع ابتسامتها بس الخوف واضح بعيونها حجت تريد تخفف توتر الجو

تالا:شلون صرتي هسه

ريناد:بطني توجعني شبيها

تالا:ماكو شي ارتاحي هسه راح يجي الدكتور يسويلج فحص

ريناد:شبيها بطني ما جاي اگدر اتحرك

احجي تالا لا تخوفيني

تالا:بسبب ضرب ابوج صار عندج انفجار لزائده الدوديه حاد وهذا سبب النزيف بجسمج قبل لا يغمئ عليج

عيوني يحرگني من گد ما تجمع بيهن دموع نزلت راسي اغمض عيوني ما اريد ابجي من كسرت ابويه اليه وضربه لاول مره يضربني هيج ما اهتميت لوجع

بطني گد ما احس قلبي مكسور منه

احس نار مشتعله بصدري من القهر

غلطه وحده كلفتي حياه كامله

وره فتره دخل الدكتور يتطمن عليه مشئ الدكتور وحاولت تالا تحجي وياي اكثر من مره بس ما اگدر احجي گد ما مكسوره من تصرف ابويه

ضلت فتره تحاول تحجي وياي لحد ما ملت وطلعت حاجتني الممرضه اكثر من مره بس ما جنت ارد عليها ضلت تالا تحاجيها

مر ثلاث ايام علي الحادثه الدكتور سمح اليه اطلع للبيت بس ولا يوم منتظر باوع لوجهي او سئل عليه أخر مره شفته بيها اول يوم وانوب ما شفته ابدا

اجتني تالا تساعدني انهض جسمي من الجربايه بس ما گدرت اذا احرك ايدي بطني تصير توجعني طلبت كرسي من المشفئ تگعدني بيه لحد ما نوصل السياره

طلعنا بره شفت منتظر تجمعت الدموع بعيوني اشوفه يباوعلي بخيبه امل كسرتني نظراته نزلت عيوني امسح دموعي اريد ما ابجي بس نظراته اليه ما جاي تروح من راسي

رجعنا للبيت اشوف البيت هدوء اول ما دخلنا عافني منتظر وراح وصلتني تالا لغرفتي التفت شفته واگف بنهايه الدرج اول ما شافني اباوع اله فورا راح

دخلت لغرفتي امشي علكيفي اريد اصل الجربايه عدلت گعدتي تالا تحط يمي تليفوني لزمت ايدها اشوفها استغربت من لزمتي

ريناد:شنو شاف ابويه ومنتظر بالجهاز

تالا:اخوج يحجيلج اني ما اگدر

نزلن دموعي سئلتها واني اترجاها تحجيلي

ريناد:احجيلي شنو شافو قلبي راح احس روحي ميته حتى بعيوني ما جاي يباوع

شفتها ابتعدت عني تتلافئ الموضوع ما تريد تحجيلي

تالا:هسه اخوج يجي وهو يحجيلج

ريناد:بس ما يحجيلي والله ما يحجيلي ما شفتيه شلون ما يريد يلمح ملامح وجهي

تقربت مني تگعد يمي

تالا:لا تكولين هيج مستحيل اخوج يفكر هيج بس يحتاج وگت علمود يزن تصرفاته

ريناد:من الخوف قلبي راح يوگع ليش يحتاج وگت شنو شاف الله عليج احجيلي راح اموت من التفكير والقلق

غطيت عيوني ابجي ما اعرف شنو اسوي اخويه ما يقبل يباوع بوجهي وابويه يضربني ويسبب اليه عمليه شنو شافو عليه متاكده من نفسي بايدي حذفت كلشي ما خليت شنو صاير حتى اخبار عنه ما اعرف

ما خطرت على راسي غير فكره وحده احتمال هذاك الرجال الغريب باعني متاكده باعني لطارق شلون وثقت بيه شلون فتحت جهازي اشوف أخر مكالمه جانت من رقم الرجال

قررت اتصل عليه اريد اعرف ليش باعني لطارق ليش هاهيه راح احجي كلشي لمنتظر هو يتصرف وياهم اثنينهن واحد احقر من الثاني حسبي الله ونعم الوكيل عليكم اثنينكم عساها بحظك وبختك طارق

رفعت جهازي اتصلت عليه ما رد هاهيه اخويه جوة شنو يريد يسوي مثلا يضربني اكثر من ضرب ابويه انهضمت روحي واني اتذكر الصار

رفعت جهازي اتصلت على تالا شفتها اجتني ركض خايفه عبالها صار بيه شي شفت ملامح وجهها قلقانه

ريناد:شبيج تالا وين منتظر

تالا: ما اعرف منتظر وين وجهازه عافه اهنا وطلع مستعجل

استغربت من تصرفاته مو من طبعه يتصرف هيج ضلينا ننتظره ساعات

صارت الدنيا ليل وهو ماكو ما اله خبر

اتصلنه على احد من ولد عمامنه بس گالو ما حجالهم وين رايح

حاولو يطمنونا گالو اكيد طلعت اله شغله وانشغل بيها هسه يرجع لا تخافون

صارت الساعه بالتسعه بليل وهو ماكو تالا طلعت تفتر بره بالحديقه

الكرسي مو مريح بالگعده خلتني يمها بالحديقه خايفه عليه تفكيرها يم منتظر دخلنه لجوة بالصاله ننتظره

وره دقايق سمعنا صوت فتحت الباب طلعت تالا مستعجله اخذتني بالكرسي وياها اول ما شفناه شهگنا اثنينا سوه تالا لطمت على وجهها بحيل عافتني وراحت اله تركض

شفت ملامح وجهه وياريتني ما شايفته عيونه عيونه صايرات زرق من الضرب ايده كلها دم شايل سلاح واگف بمكانه

تالا اقتربت منه تريد تعرف شنو تتصرف ما گدرت شافت المسدس بايده شهگت بحيل ولطمت على وجهها

تالا:منتظر وين جنت شبيك شنو صاير

تقربت منه رادت تلزم المسدس منه دفعها عنه

شبيك منتظر حاجيني وين جنت ويامن متعارك شنو تسوي بالمسدس لا تخبلني

منتظر: ما سويت شي كلشي ماكو لا تخافين

تقربت منه تتلمس وجهه تلزم ايديه تشوف عيونه شلون مورمات تبجي وهي تشوفه هيج

شفته شمر المسدس بالگاع يحاول يطمنها بس مظهره يخوف ايديه مغطايات بالدم والمسدس بايده عيونه مورمات وشفته طالع منها دم

منتظر:مابيه شي تالا لا تخافين اصابات بسيطه

تالا:بسيطنه شنو ما تشوف نفسك منتهي وين جنت شنو تسوي بالسلاح

رفع ايديه يمسح دموعها

بس لا تبجين هسه احجيلج كلشي

عافها واجئ يمشي بأتجاهي اشوف ملامح وجهه مصدومه اريد امشي ما اگدر اگوم شفت ملابسه ما مرتبات نفس ما جان الصبح مبين مسويله شي

نزلت عيوني اول ما اجه يمي

گعد گدام الكرسي مالتي ساند ايديه على الكرسي رفع راسي يشوف عيوني مغورگات بالدموع بس ما بجيت

ابتسم بوجهي رجع مشي كم خطوة عني جاب السلاح بايده خفت من اجه يتقدم گدامي شفت تالا رگضت كدامه توگف بيني وبين بسرعه

وجهنا اني وتالا ما يتفسرن من الخوف والصدمه فتحنا عيوننا على وسعهن نشوفه يضحك دفع تالا عني

گعد گدامنا يضحك استغربنا منه بس ضل يضحك اني وتالا وحده تباوع للثانيه وجهنا اصفر گد ما انرعبنا بتصرفاته

منتظر:والله عندجن سوالف انتن الاثنين

ضلينا ساكتين اثنينا بس نباوع اله مسح المسدس بملابسه وحطه بحضني باس راسي

منتظر:ثارج اخذته بايدي الحمدلله على سلامتج رنود

فتحت عيوني على وسعهن لطمت تالا على خدها بحيل صحنا اثنينا سوه

ثار شنو منتظر

تالا:شبيك منتظر ثار منو صاحي انت لْـۆ تخبلت علينه هسه

من الصدمه حسيت عقلي وگف دموعي صارن ينزلن اريد اخذ نفس ما اگدر معقوله گتل طارق اخويه راح يروح بالرجلين من ورايه

تقرب مني متجاهل حجي تالا بقيت گاعد بصدمتي ابجي لا اگدر اگوم ولا عندي حيل احجي

منتظر: ريناد ثارج اخذته بايدي بعد لا تفكرين بشي

مسحت دموعي اريد اسيطر على رجفه ايدي ما اگدر

ريناد:ثار ثار شنو ريناد

منتظر:ثارج اخذته منه ريناد صارلي ثلاث ايام ماخذ قسم اموته بايدي يله اباوع بوجهج وحققت قسمي

صحت بيه بصوت عالي اسمع صوت بجي تالا

انت تخبلت منتظر تخبلت ثار شنو شبيك شصاير

ثارج ريناد عباله لو دزلي هيج شي راح الومج انتِ ادري بكلشي متفبرگ وحطيت احتمال مخترقين جهازجج شوفته الزلم شلون تنفذ مو تهدد

حسيت بغصه بنص بلعومي من يحجي بهاي الثقه خفت لا يعرف الحقيقه ويدري بالفويسات والصور كلشي حقيقي روحي حسيتها طلعت من مكانها من ثقته وگت الحجي

اريد احجي اله كلشي بس لساني احسه انربط وره دقايق شفته يطلع جهازه

منتظر:وهاي الصوره انحذفت رنود لا تشيلين هم واخوج موجود

دموعي ينزلن اريد اعرف من منو

ريناد:قتلت منو منتظر

منتظر:يلي راد يشوه سمعتج عباله راح اصدگ بيه وبسوالفهم

نزلت راسي عيوني تحرگني من البجي من الصدمه ما اگدر احجي معقوله مات

اجتني تالا اخذتني لغرفتي كعدتني بمكاني حتى وجع العمليه نسيته صرت الطم

على وجهي اخويه راح بالرجلين هاهيه راح يموتونه لْـۆ ينسجن ما بجيت على طارق لْـۆ دمه خوفتني ورهبتي على اخويه

شفت الرقم الغريب گدامي فتحت الجهاز اتصلت اكثر من مره بس ما يرد ابدا جربت ارسل رسائل واتساب هو يعرف طارق اكيد لو مات راح يسمع عنه خبر

شفت صار وگت المغذي ضليت ساكته بمكاني الرهبه والخوفه براسي طفيت المنبه وضليت صافنه افكر بكلشي راح يصير شلون اذا عرفو اهل طارق عشيرته جبيره وبس هو لاهله

شراح يصير لمنتظر بس لا يتأذى من وره هذا الكلب ضل قلبي محترگ بين نارين نار خوفي على اخويه ونار ثار اخويه من طارق

تواصلت ويه رنا" ما حجيت" الها ولاحرف بس تطمنت عليها ما ردت اخرب سفرتها ويه زوجها ما تعرف بكلشي خليها اريح لراسها

تمددت بمكاني افكر بكلشي صار غلط مني راح يدمر اخويه احجي ويه منو علمود ينقذ اخويه

•••••••••••••••••••••••••

{تالا}

دخلت للغرفه شفته مبدل ملابسه حاط السلاح على الميز يرتب بروحه ولا گانو مسوي شي اجيت گعدت على الجربايه فليت شعري ادلك براسي راح ينفجر من القهر

وهذا البارد واگف يعطر بملابسه انتظرته يخلص كلشي يسويه التفت عليه مبتسم

يضحك بوجهي

من شافني افرگ بعيوني تغريت نظرته اجه گعد گدامي يمسح دموعي

منتظر: من يسوه تبجين عليه

تالا:انت منتظر انت

شفته گعد يمي طلع جهازه رجع باوعلي

ما استاهل تبجين علمودي لا تنقهرين تالا انقهر وياج

شلون ما تستاهل انقهر عليك سهله تدخل للبيت مدماي من راسك وايدك دم وشايل مسدس

التفت عليه گعدت گدامه لزمت ايديه

منتظر بداعتي عندك من شوكت لزمت مسدس شنو سويت بيه

لزم ايديه اله يباوع لعيوني يحاول يطمني بنظراته

لا تحلفيني بداعتج عندي كم مره گايلج

لعد احجيلي منتظر شصاير شنو سويت

واذا حجيتي لريناد تالا ادري بيج فقيره كلمه والثانيه تنسحب منج السالفه

لا ابدا لسه ما تعرف ريناد بالصور فتطمن ما احجيلها اخاف عليها

ضل يباوع لعيوني بنظرت راح اصدگج هالمره حسيت عيونه اخترقت حتى دماغي

يووو منتظر احجي مو قلبي راح

خوش اسمعيني لعد

صارلي ثلاث ايام ادور على الرجال يلي موجود بالصوره واكو عنوان جان مذكور بالصوره ضليت يوميه اراقبه لحد ما تأكدت هذا هو نفسه الرجال الموجود بالصور

وره ما تاگدت منه ضليت اترقب شفت عايش بس هو وامه ماكو احد يمهم وبيتهم تقريبا بعيد عن بيتنا الا ان بيوم

عزة العزاك اي والله شلون هيج راقبته

ضربني على راسي يخزرني

اسفه اسفه من الصدمه حجيت" كملي

شصار وراها منتظر

اي وراها رحت اخذت سلاح ابويه الموجود ومشيت اله اول ما دگيت الباب طلعت اليه حجيه متوسطه بالعمر مو حيل جبيره سئلتها عن ابنها گالت اي موجود تفضل انت منو

اني ما رديت عليها ضليت بره انتظره طلع اليه الرجال نفسه لْـۆ حسيت دم وفار بجسمي طفرت عليه ضربته بوكس ونمت فوكاه اغلط عليه واضرب بيه الولد ما مستوعب شنو صارله

ضربني بوكس شوفي ورم عيني

أشرلي على عينه شفتها وسكتت

الله عليك منتظر كمل يستاهل الحقير يهددها ويريدنا نسكت

اي من ضربني اندفعت ليوره نهض روحه سئلني انت منو شبيك ورجع ضربني مره لخ من ضربني انرگع راسي بالحديده مال بابهم

شفت الدم مغطي وجهه دفرته برجلي طلعت السلاح صوبته على راسه طلعت امه گامت تلطم وتصيح عليه

وجهت السلاح لراسه حجيت واني اشوف امي گعدت على حيلها گدامي حاضنه ابنها المدماي

علمود تصير رجال وما تسوي سوالف مخنثين عار

ضليت مصدومه اباوعله محتاره

شلون تصوب سلاح عليه انت

يستاهل اعلمه الزلم شلون يتصرفون بلكي يتربئ العار المخنث

كمل كمل انت هم صاير من هذوله اهل الاسحله

شنو معاجبج تالا خانم

لا عاجبني كلش كمل بس كمل منتظر

ضل يباوع للسلاح گدامنه ابتسمت بوجهه من الخوفه شبيه بشنو يفكر

شنو ناوي تقتلني منتظر

حجيتها واني اضحك

هههه لا انتِ مخليج لتصفيه النهائيه والله عليج سوالف اكول شبيها تباوعيلي بخوف

اي المهم اكملج

شفت امه تبجي كسرت خاطري عليه

بس ضربته طلقه برجله ومشيت

باوعت اله مصدومه اريد استوعب سهوله الموضوع عنده حجيت" واني مصدومه

بس طلقه منتظر بس طلقه

اي شبيج بس طلقه

عود انت صدك تحجي لو ناصب عليه

تقرب يمي يعدل،بشعراتي يباوعلي بنظراته الحنونه

مستحيل انصب عليج تالا. تعالي احضنج تعالي تالا

اتقربت منه اكثر قبل لا يحضني استوعبت

عزه منتظر عزه ضلينا بدون اكل ريناد مريضه شوف من وراك متنه جوع

كعد يضحك عليه سحبني اله يحضني

عود بعدين بعدين محد مات من الجوع

•••••••••••••••••••••••••

{ريناد}

كعدت الصبح على صوت صراخ كلش عالي بنص بيتنا گمت من مگاني استندت على الكرسي امشي علكيفي فتحت باب الغرفه صار صوت الصراخ

والعركات اوضح مشيت علكيفي اريد افتهم شنو صاير جوة ليش هذا الصياح من النعاس مجاي اركز بشي مشيت لحد ما وصلت الدرج

اول ما وصلت شفت عمامي يصيحون بوجه تالا وهي واگفه ما تخلي احد منهم يدخل للبيت

گلت الكم منتظر هسه شويه ويجي ممنوع تدخلون للبيت كله نسوان وانتم زلم

صاح بيها عمي الجبير يمشي بأتجاها وهو شايل سلاحه بايده

سدي حلگج هذا لا ادفنج اهنا اريد اشوف بنت اخوي ال****تالي عمرها تنزل راسنه

من سمعته گال هيج لزمت الدرج بكل قوتي رجليه راح يوگع والزراير مال العمليه لسه خضر غصه بلعومي صارت من كلامهم

قبل لا التفت ارجع لغرفتي ما حسيت غير جسمي مسحوب بحيل انرگعت بالگاع صحت بصوت عالي حسيت بطني انخظت خظ طلعت روحي بوگتي استندت على حديد المحجز

احاول بطني ما تتأذى من السحبه

قبل لا ارفع راسي سمعت شهگت تالا وهي تباوعلي ونظرات الخوف باينه بعيونها

رفعت عيوني اشوفه موجه السلاح بنص راسي توسعن عيوني على وسعهن اريد اخذ نفس نسيت شلون اخذ نفس عيوني يباوع للسلاح شلون متصوب تجاهي لزمني عمي من رقبتي بحيل اصابعه طبعن برقبتي

يصيح بصوته العالي وهو يحرگ المسدس گدام عيوني

لو تتزوجين هذا ال***لو نغسل عارج بأيدنا يا *****

••••••••••••••••••••••••••

استودعتكم الله

يوزر التواصلي تلي @TAT_77_bot

قناه التلي https://t.me/teba77ii