بدايه سعيده

<بسم الله الرحمن الرحيم>

{ريناد}

اريد الزم جهازي اشوف الوكت ما اكدر ايدية واطراف اصابعي يرجفن النفس بالكوة اجره اريد ارفع عيوني ما اكدر اشوف الناس كلها ملتهية بالاحتفالات والمناسبة  الجبيرة يلي مسؤل عن تغطيتها هذا الفندق  اشوفة يمشي كدامي  مترهي بمشيتة  بس احسة مو بوعية ابدا يحرك بمفتاح السيارة مالته يفرهن بايده فر وبشكل سريع

قلبي راح يوگع بمكانة من الخوف مخي ما خله فكره سوده ما صورها اليه هسه رفعت ايدية اعدل حجابي شوية احاول الهي نفسي

شفتة كدامي ينطي بطاقتة للسكرتيرة مال الاستقبال المسؤلة عن الغرف بهذا الفندق الضخم مد ايدة. ياخذ البطاقة لمحت رقم الغرفة  38 اباوع للكرت شايله بايدة ويفر بيه مبين مو واعي

صرت احجي ويه نفسي من الخوف

يا الله اني شنو جبت لنفسي وين وديت روحي شسوي هسة

دعيت من كل وقلبي ربي يخلصني منة قريت ايات وسور من القران بس ما اكدر احس روحي تريد تطلع النفس  وكف بنص بلعومي من الخوف ما انطق حتى ما اكدر  افتح حلگي

غمضت عيوني اخذ شوية نفس احاول ما ابجي اردد بداخلي هو وعدني ما،يسوي شي اعرفة ما يسوي نزلت دمعتي،بسرعة مسحتها كلت بداخلي واني احس هاهية متت دمي نشف ادعي وعيوني متروسة دموع مقاومة ما ابجي امثل القوة كدامة

يارب خلصني منه بس هسة والله راح اموت من الخوف شسوي هسة اني وين حتى المكان ما اعرفة

رفعت عيوني اريد اشوفه ليش وكف بنص الممر. اول ما التفت شفت رجال ملامحة مريحة للنظر  واكف. بعيد عنه بامتار يباوع النه. بنضرات شك حاط ايديه بجيوب البنطرون لابس قاط رسمي اسود ولازم جهازة بايده

اتقدم منه كم خطوة سحب طارق عني لمسافة بعيدة  اخذه. يحاجيه شفتة يأشر اله ويضرب على راسه بايده اعتقد يلي فهمتة منه ومن حركات ايده يكوله انت بيك شي صاحي ويأشر يم عقله

صار يستغفر بعلو صوتة ورجع باوعلي بنضرات شك وره ثواني عافنة وراح للجهة الموجود بيها المصعد ما اعرف يا رقم ضغط بالمصعد

من شفتة راح احس هاهية كل املي راح وياه بعد منو راح يخلصني من هذا المخبل طارق ياالله رحمتك رجعت ادعي بداخلي ما خليت دعاء حافظتة ما نطقتة بقلبي 

بس طارق ولا كأنو صار شي عافه وراح اجه اليه لزم ايدي بحيل جرني جر بايده فتح باب الغرفة

لزمني من ايدي جرها بحيل لدرجه احس ايدي انخلعت من قوته دفعني اطب جوة للغرفة حاولت ابتعد عنه اسحب ايدي منه ما اكدر احس قلبي راح يطلع من مكانه من كثر الخوف روحي طالعه اباوع اله اشوفه سد الباب مال الغرفه

رفع عيونه يشوف جسمي يرجف رفعت عيوني اباوع وياه اشوفه بشنو مركز شفته شلون يباوعلي بنضرات تلعب النفس نزل عيونه لايدي يشوفها شلون ترجف

ارتسمت على ملامحه ابتسامه صار يضحك بصوت عالي صوت ضحكته ابدا مو عاديه ترن رن بالغرفه

تقدم مني واني ارجع ليوره رجلي ما تشيلني ولا تحملني علمود امشي رجعت ليوره لكم خطوه احاول اسيطر على رجفت ايدي ماكو

ردت بس احجي افك حلگي وانطق ما كدرت فكي يرجف حتى شفايفي من احركهن ما اكدر من الرجفه والخوفه

باوعت عليه استجمعت كل قوه يمكن اگدر اطلعها بس كل يلي كدرت انطقه هو حروف متقطعة

لا تقرب اكثر مني شبيك طارق

صحت بيه بصوت عالي اشوفه يتقرب اكثر وهو مبتسم صار يصوفر بصوت عالي تحسها نغمه مو مجرد صوت تصفير

تقرب عني صار بعد خطوات مني ما يفرقنه غير اقل من نص متر وگف گدامي

رفع. اصبعه وحطه يم راسي صار يضرب اصبعه براسي بقوه

الراس يلي ما ينكسر اكسره

تذكريها الراس يلي ما ينكسر اكسره

ضليت اباوع عليه ما اعرف شنو يقصد شنو جاي،يسولف راس منو ليش يحجي هيج

شال ايده عني يحجي بأبتسامه خبثيه لعبت نفسي نضرته اليه ما شال عيونه عني من كميه الخوف يلي احسها حتى النفس مجاي اكدر اخذه

شنو رايد مني ليش هيج تسوي وياي طارق شنو سويتلك اني بس احجيلي شنو سويتلك علمود هيج سويت

دموعي. ترسن وجهي واني احجي اشهگ واحجيله ما اعرف شنو اسوي حيلي كله باد وراح ما اگدر اسوي شي اللهي برحمتك الواسعه ساعدني

شفته صار يضحك بصوت عالي عيونه حمر مبين مو صاحي ابدا شنو يتعاطئ هذا شبيه وياي

اريد اتحرك خطوه عنه ابعد ما عندي رجلين تشيلني ابدا شلون واكفه ما اعرف

شوف اني اريد اطلع كافي طارق فدوة كافي

ههههه توسلي اكثر اموت بيج و انتِ مذلوله يمي اتوسلي اكثر ارضي غروري ارضي ريناد

انت صاحي شبيك لا تباوعلي هيج شيل عيونك لا افگسهن شو وخر عني

اشوفه شلون يباوع لجسمي بنضرات قذرة حرگ دمي حرگ

ابتعدت عنه اريد اطلع ما حسيت غير انجريت من راسي وارگعت بالحايط

من قوه الرگعه عيوني غوشن رفعت راسي اريد اشوف شي ما اكدر الدنيا غوشت بعيوني

انسحب حجابي مني بقوه لزمته بايده ادفع بيه اريده يوخر عني حسيت،بشي بارد ينزل على وجهي تلمسته بايدي اشوفه دم

صحت بصوت عالي ادفعه بايديه اثنينهن

وخررررررر عني وخررررر الڵـهٍ لا يوفقك

من شوغت روحي دفرته برجلي بحيل وگع بمكانه

گمت من مكاني دايخه اريد اطلع  بسرعه. بره ما حسيته غير لازم رجلي وگعني بالگاع وسحبني اله حسيت نفسي وگف بنص،بلعومي من الخوف

حاولت ادفره برجليه ما گدرت رفع راسي بايديه ضربني راجدي خله راسي ينرگع بالگاع رجع ضربني الثاني والثالث

لحد ما راسي صار ينزف بحيل ضربته برجلي بنص بطنه دفعته وركضت للباب لزمت بايدي القفل اريد افتحه من الرجفه ما كدرت شلون ما افره واريده ينفتح ماكو ايدي يرجفن سمعت صوت ضحكته القويه

يتقرب مني يضحك بحيل على شنو يضحك ما اعرف من كثر ما خفت من ضحگته وگع المفتاح من ايدي

فدوه الله يخليك طارق وخر عني والله شتريد اسوي بس وحر

صار يضحك ويصفگ بايده

ايباه هاي مرفوعت الراس ريناد يلي محد يگدر الها وللسانها تتسول اليه

منو يخلصج مني ريناد منو خاف عبالج تكدرين تطلعين منا ابدا تحلمين تطلعين قبل ما اخذ منج الشي يلي ردته

شهگت بصوت عالي قلبي وگع،بنص رجليه من الخوف

شنو تريد حقير شنو تريد تاخذ انت شنو تريد ما تخاف الله حقير گلب والله الگلب احس منك بالف وجه انت

واني جاي احجي ما حسيت غير انضربت براجدي رجعني ليوره ارگعت بالباب دفعني بحيل يسحب بملابسي يريد يشگهن

اكو يمي شفت گلاص مويه لزمته بايدي وضربته براسه،بحيل خليت دمه بطوله لزم راسه باديه اثنينهن يشوف الدم شلون غرق راسه ونزل على رقبته 

شفته واكف يحاول يخفف الدم المفتاح حطه بجيبه اخاف اخذه لزمت الباب ادگ بيه بحيل بلگت الله احد يسمعني وهو مستمر يمسح بالدم ويغلط ويسب

صحت بصوت عالي يرن بالغرفه افرفح اصيح بكل قوتي اكو احد اهنا فدوه وينكم اكو احد اهنا

انسحب جسمي بقوه اشوف الدم مغطي كل راسه شمرني بالجربايه قيد رجليه اثنينهن

اليوم محد يخلصج مني الله كتبها عليج تجرحيني وتضربيني اذا ما خليتهم يذبحوج ويصير صيت سمعتج بكل مكان ما يطلع اسمي طارق والله ثم والله شايفه هذا الدم يلي ترس وجهي ترس اذا ما اخلي كل جسمج دم

انتِ خلگ وحدة*****لو ما وحده ****جان ما اجيتي لهيج مكان ابدا ولا خطيتي خطوه وحده

رفعت ايديه اريد اضربه لزمها بايده وفرها لواها بحيل صرت اصيح بعلو صوتي من الوجع وهو يضحك

شكد كرهته بهاي اللحظة. كل لحظه عشقته بيها ندمت كد ندمي على كل كلمه جنت اكولها اله

سحب شالي عني گمت ابجي بحرگه قلب اريد بس احجي ما اگدر وگف كل الحجي بنص بلعومي ما يگدر لساني ينطقه

بلحظه تغير كلشي اندفع الباب مال الغرفه بحيل انسحب من الجربايه طارق نام فوكاه رجال غريب ما اشوف منه غير بس ضهره صار يضرب بيه بوكسات بكل قوته ويغلط ويفشر عليه نزل بيه دگ بوكسات وهذاك فقد انتهئ بضربه وهذا نزل بيه فشار غلط ما خله كلمة ما حجاها

گمت بسرعه من الجربايه رجليه يرجفن اريد ارفع ايدي ما اكدر جسمي صار يرعش كله وجهي غارق بالدم من شعر راسي لحد رقبتي

وگفت على اطراف اصابعي احاول امشي

ما گدرت من رعشه جسمي دموعي اختطلن ويه الدم يلي مغطي كل ملامحي

ركضت الزم الحجاب احطه على شعري اريد انطق ما گدرت الرعشه كل جسمي من كثر ما يرجف اعدل بالحجاب ما يصير

شفته يگوم عن جسم طارق يستغفر ربه

جان يمه اللحاف مال الجربايه مشمور شاله وشمره عليه ما رفع عينه وباوعلي

اشرلي بايده على باب اعتقد جان باب الحمام يباوع لطارق وهو بدمه غارق

اخذ كلينكس يمسح بيه وجه طارق

ضليت صافنه من الصدمه ما تحرگت من مكاني شبيه هذا مخبل

رفع عيونه يباوعلي من فوگ لجوه شافني مغطايه باللحاف من راسي لنهايه اطراف رجليه ايديه يرجفن ونفسي عالي

هذاك الحمام طبي غسلي وجهج وهذاك كلينكس نضفي روحج شكد قياس ملابسج

شنووووو

من الصدمه صحت بوجهه شبيه هذا تخبل شنو شكد تلبسين جحضت عيوني اباوعله شنو يقصد انتضره يوضحلي،قصده

نزل عيونه لطارق يمسح بوجهه علكيف

تحس ولا كأنو جانت اهنا الحرب ولا يگلك غارق بدم طارق دمه بارد وردت فعله بارده

شوفي لا تفهميني غلط مقصدي اجيبلج فستان وتلبسيه ملابسج كلها مشگگة وحجابج مشگگ من وره وگلج دم

تردين نروح لمركز الشرطه

من ذكر سيره مركز الشرطه قلبي صار يدگ بسرعه يمه اخوي شلون اذا سمع او شافني والله اموت بمكاني اموت

انت منو

نطقتها واني فگي من الخوف وكف

ما عليج اني منو راح اطلعج منا وانضف كلشي وراج بس عندي شرط الج ومجبوره تسويه

شنو هو الشرط وليش تساعدني

قويت نفسي لازم اصير قويه لفيت اللحاف عليه بحيل ريناد هسه مو وگت شگ رَبّــيٌ دزه الج علمود يساعدج يخلصج من طارق ويرجعج سالمه لاهلج

حاجيت نفسي احاول اصير قويه وهاديه بس الخوف مبين من اطراف اصابعي ورجفت جسمي

ما عليج بكلشي يصير شوفي اسمعيني ما احب اعيد الحجي مرتين ابدا ولا احب تسئلين كومه اسئله نفذي و انتِ ساكته

هزيت راسي اسمعه شنو يسولف وره ما كمل شرح لكلشي

متفقين هسه هاهيه

متفقين هاهيه

نفس ما كتلج بالحرف الواحد سويه وعيفي الباقي يمي اني احل السالفه هنا

بس خايفه لا يعرف احد

لا تخافين انتِ بس امشي وسوي يلي گتلج عليه

استغفرك ربي اي والله من جيرة براس حضي يلي جمعني بيه رجع باوعلي يأشر باتجاه الحمام

••••••••••••••••••••••••••••••••••••••• قبل ثلاث اشهر من الان بتاريخ 18اكتوبر

البيت كله هوسه المعازيم والناس كلها اجت عمامي وخوالي كلها موجودة بالبيت تبارك لاخوي بمناسبه عرسه

تريدلك مكان فارغ بالبيت ماكو حطيت حجابي على راسي البس عبايه راس فوك ملابسي ضبطت عبايتي ونزلت ركض سلمت على كل الموجودين وشفت بعد كومه ناس ما اجت لسه

اول ما طبيت للمطبخ طلعت بوجهي اختي وهي تنطي اكل لابنها

وين جنتي ريناد

جنت فوگ اعدل بعبايتي

لسه ما التزمتي بيها

باوعتلي بنضره سريعه من راسي لقدم رجليه تهز راسها وهي مو مقتنعه بطريقه لبسي للعبايه

ادري ادري راح تگولين عبايتج مبهذله

لعد شسوي

لزمت العبايه بايده واشوفها شكد عريضه عليه

اتقربت مني صارت تعدلي بالعبايه

شوفي حبيبي ريناد العبايه تريد التزام لازم تلتزمين بيها وتفهمين ليش لابستها

سدت العبايه تغطي بنطروني الطالع منها

شوفي حبيبي العبايه لبستيها علمود تزيدج جمال ورقي واحترام علمود تخليج تطلعين بصوره تخبل كدام نفسج قبل الناس

نزل دموع من عيونها مسحتهن بسرعه

قلبي وجعني عرفت بشنو راح تحجي

تتذكرين ماما الله يرحمها شنو جانت تگول

ردت ما ابجي بس ما گدرت نزلن دموعي بسرعه صرت امسح بيهن وارفع براسي لفوگ ملازم ابجي بهيج يوم ابدا اخونه يحتاجنه

الله يرحمها واي جانت تكول اتمنئ يجي اليوم يلي اشوفكم بيه مرتاحين وما شالعين قلبي هيج

اي اي لو تتذكرين من جانت دائما تگول يووووو هم يجي يوم اشوف منتظر عريس ويفرح قلبي بيه واهوس وارگص للصبح

مسحت دموعها تضحك وهي تحجيلي هيج بس واضحه الحرگه بحجيها

اي وتتذكرين من جانت تگول ارگصن بعرس اخوجن وهوسن وتفأخرن بيه ومعليجن شنو يحجون الناس

اي ريناد يووو هم صرنه نبجي شبينه اليوم هسه بس،يشوفنه منتظر راح يزعل دكافي كافي

عدلت حجابي وعلمتني شلون الزم العبايه لزمت طفلها بايدها وطلعت

يلة ريناد استعجلي لا تصفنين فدوه

اي اي اجيت بس دقيقه

لزمت عبايتي بايدي وصعدت اركض للغرفتي فتحت القفل مال الكنتور اطلع جهازي افتح القفل

دخلت على حسابه شفته ما مراسل شي

وجعني قلبي من تصرفه ه̷̷َـَْـُذآ صارله ثلاث اسابيع يادوب يحجيله حرف ويروح شبيه هذا

فتحت المحادثه شفته نشط حسيت روحي وگعت بنص بطني ما اعرف ليش خفت حيل خفت سديت المحادثه بس،قبلها كتبت بسرعه اخاف لا احد يجي

اليوم حنت اخويه من ارجع احاجيك حبيبي

اي حبيبي تعاي اليوم محضرلج مفاجئه تخبل

استغربت من اسلوبه وياي شبيه هذا بس قررت اسئل رغم ما مرتاحه اله

صفنت شويه عزه معقوله الگاعد افكر بيه راح يصير

شنو هي حبيبي

كتبتها واني فرحانه اريد اعرف شنو الهديه معقوله راح يجي يخطبني

مجرد التفكير بالموضوع خلاني اطير من الفرحه صرت اضحك ويه روحي نفس المخبله

بسرعه سديت تيلفوني ونزلت جوه

اول ما نزلت شفت ولد عمي رافعين اخويه يهوسون اله هوسات جنوبيه تخبل

وهو يضحك مبين فرحان من كل وقلبه شفت كل الولد وعمامي وعمتي يهوسون اله وكلها فرحانه بيه يلي تطش جگليت ويلي تهوس وياهم وقسم يصفگ ويرگص

وگفت على جهه اتأمل هاي اللحظات السعيده اعيشها بكل تفاصيلها ما اريد افوتلي اي تفصيله ابدا

اخذت جگليت من عمتي صرت اطش وياهه على الخفيف الناس طابه طالعه رغم بيتنه جبير بس ما كفئ هاي الاعداد صرت احس باختناق من كثر الناس عدلت عبايتي وحجابي وصرت اصفگ بايديه

فرحانه هوايه بالاخص واني اشوف منتظر اخذ حب حياته فرحان بيها كومه متاكده راح تعيش وياه بسعاده كلش جبيره

طلعت من مكاني احاول اصل للمطبخ اريد انطي ماي للناس شفت كأسات الماي اخذتهن بايدي صرت ارتب بيهن

طبت بنت عمتي صارت تحجي وياي ونحضر الكأسات سوه ونرتبهن شلنه اكثر من صينيه بس ماكو الاعداد كلش جبيره

اكلج ريناد خلي نصيح الولد ياخذون كارتونات منهن مو احسن مما تتكسر ظهرونه

حجت وهي ترتب صينيه ثانيه من كأسات الماي

هاهيه راح احاجي منتظر يصيح الولد تعالي خلي نطلع منا

طلعت ارفع بعبايتي شفت منتظر واگف كدامي

ابتسمت ابتسامه عريضه حضنته وصرت اباوس،بيه وابارك اله

ولو زحمه منك عريسنا بس نريد تصيح الولد ينطون ماي للناس ما جاي نلحك

حجيتها واني ابوس خده وابارك اله

هاهيه اعتبريهن وصلن رنود

حجئ وياي وهو الدنيا ما شايلته من الفرحه لاول مره اشوف عيونه تلمع وتضحك بدون ما يسولف

شفته راح يحجي وياهم طلع كل عمامي والولد اخذو الماي

اشر على اختي الجبير رنا

يلة رنو احتفلن بكيفجن بعد محد يطب منا لوكت العشئ يله والطبخ بره جاهز بقت بس النسوان يمجن خوش رنو

تطمن خويه ولا تشيل هم كلشي يمنه مضبط ومرتب وما عندنا نقص بگد شعرايه روح كمل فرحتك ما عندنا شي

اول ما طلع كلنا نزعنه العبايات والحجابات ورحنه ركض صرنه نلبس فساتين قصيره ونحط مكياج علمود نحتفل

شفت اختي تمكيج بنت عمتي ونضحك مشغلين اغاني بصوت شبه عالي بس الفرحه مرسومه بوجهنه كلنا

اجت عمتي تهوس بهوسات تخبل وياه بنات عمتي رفعن الحجابات وصارن يهوسن ويرگصن جوبي سوة يفرن بالسبحه بايدهن

ردت اشارك وياهن بس ما اعرف لزمت ابن اختي حطيته بحضني علمود امه تركص وياهن اشوف الفرحه بوجوه الكل وادعي من رَبّــيٌ تدوم النه وتصير فرحه خير

اجت اختي اخذت ابنها مني گالت راح توديه لابوه كافي تريد تفرح بدون ما كل شويه ماما ماما

ضحكت عليها وعلى سوالفها الله بحفظلها زوجها هسه هل من راح نتزوج اني وياه راح نصير نفس اختي وزوجها نحب بعض ونحترم بعض

سرحت بخيالي اتخيل حياتنه سوه اضحك علئ افكاري ابدا مو وكتها هسه

شغلنه اغاني ردح وابتده موال ساجده عبيد والرگص اشوف المل فرحان واني افرح على فرحهم ويانه

وره ساعات من الرگص والفرح صار وگت العشئ صار الزلم ينطون صياني مال عشئ للنسوان وكعدنا نرتب بالمكان هوايه معازيم كلها جاي تشتغل بفرحه جبيره

وره ما كملنه كلشي شفت الساعه صايره بال1 ونص بليل فتحت عيوني على وسعهن شنو شلون مساع عفتها بال10

رحت للغرفه ركض شفت اختي نايمه هي وابنها بغرفتي فتحت باب الكنتور علكيفي

اطلع الجهاز فتحته شفت ماكو ولا رساله منه حتى ما حاجي ولا سائل ولا يوم ولا لحظه حتى ما كاتب وينج

وجعني قلبي من وره تصرفاته بأخر فتره حيل متغير قبل اذا اختفي كم سَـآعــهْْ يتخبل شبيه هسه

فتحت الجهاز لگيته منشط دقات قلبي توجعني ردت اراسل بس طلعت من المحادثه شمرت الجهاز من ايدي وبدلت كعدت على جربايتي محتاره

شبيه هذا شنو جاي،يسوي وياي ليش هيج شبيه ابدا ما جان هيج ولا حتى تصرفاته هيج تلفلفت باللحاف اريد انام ما اگدر

التفكير موتني تموت شبيه بأخر فتره ليش هيج يتصرف شنو بطل يحبني زين ليش هيج راسي مجاي،يوگف افكار ابدا

ضليت بمكاني افتر اريد اعرف شصاير ماكو راجعت كل علاقتنه حتى عركه ما متعاركين لعد ليش

رجعت فتحت جهازي ردت اراسل ما كدرت تذكرت كلامه وسكتت ضليت كاعده وساكته

شفت جهازي اراقب حساباته فتحتهن كلهن شفت ناشر ستوري قبل دقايق،بس ما شفته

ريناد هم رجع تجاهلج

فزيت على صوت اختي تحجي وهي شبه كاعده

سكتت ما جاوبتها ضليت حايره بافكاري توديني يمنه وترجعني يسره

ريناد يلي يحبج ما يحط شروط

بس

اسكتي لا بس ولاشي قلبي ما مرتاح اله ابدا

قاطعتني تحجي بصوت عالي متنرفزه منه

سكتت ما حاجيتها شي حقها شما تحجي حقها عفتها وتغطيت هاهيه لازم انام ورانه عرس وفرح خلي يولي

فتحت الرسائل اشوفهن حسيت حيلي باد من شفت شنو موجود بيهن ايدي صارت ترجف ما اگدر الزم الجهاز وگع من ايدي •••••••••••••••••••••••••••••••••••••••

استودعتكم الله

قناه التلي هذا اليوزر مالتها teba77ii

بوت التواصل @TAT_77_bot