البارت 26

للتواصل انستا zahraaahmedn99

علقوا بين الفقرات+ صوتوا للبارت+ تابعوا حسابي عيناي انتوا.

شاركوا القصه مع اصدقائكم حتى نستمتع وي الهَيْصَم مع بعض.

هَيْصَم

(الكاتبة زهراء احمد)

______

أشتهيت أنشاف

بـعيونك

مَليت الوجوه ألـمو

مِـثل لونك

أنـه لـو بيك لو يَمك

هـناك أرتاح

يـَ عافيتي أربعينك

مـايشبهونك !.

فيروز: انتِ منو؟!

كلاثم: هذا السؤال موجه الج انتِ منو؟!

وشنو تسوين أبيت ابني؟؟

فيروز: ابنج؟!

كلاثم: اي ابني ليش متعرفيه؟!

فيروز: لا منو تقصدين؟

كلاثم: اللي كاعده ابيته هسه هَيْصَم هو ابني.

فيروز: قصدج النقيب هَيْصَم اي اكيد اعرفه ليش هو منو ميعرفه اصلآ انسان اخلاق وذوق ومحترم الله يحفظة هو امنلي البيت خطيه مسمحتله غيرته يعيفني وحدي بنص الذياب.

كلاثم: ليش انت شنو قصتج؟

فيروز: لا متصير على الباب اتفضلي بين ما احضرلج الريوك ونكعد نسولف براحتنه البيت بيتج اهلا وسهلا.

كلاثم: شلون تعرفتي عليه؟

فيروز: هو تعرف عليه بوقتها والدي الله يرحمه مصار فتره طويله من توفى او بيتي أخذه اهل والدي الله ليوفقهم فردت اطلع التقاعدي حتى أكدر اعيش بيه وشافني عن طريق الصدفه وساعدني بعد مسمع قصتي.

كلاثم: هَيْصَم يصدك بسرعة هيج؟!

فيروز: الدليل امامج خالتي.

كلاثم: والله اعتقد اني عمتج ييمه هيج كلبي يكلي.

فيروز: ههههههه ضحكتيني ليروح بالج بعيد صدكي مبيني وبين ابنج شي اصلآ هو ميجي اهنا دائمآ بس مرات يطمأن عليه ويسوك للبيت ويروح خليج مطمأنه.

كلاثم: اي نحاول نصدك، اكول بنتي انت شنو اسمج؟

فيروز خالة

كلاثم: عاشت الاسامي.

فيروز: تسلميلي.

كلاثم: عندج رقمه؟

فيروز: منو؟

كلاثم: هًيْصَم.

فيروز: اي عندي.

كلاثم: اعذبج ويايه اتصلي بيه خلي يجي ياخذني للمستشفى.

فيروز: ان شاءالله ماكو شي خوفتيني؟

كلاثم: لا ابني متصوب وأريد اطمأن عليه واخذله ويايه ريوك.

فيروز: ابنج الثاني؟

كلاثم: اي.

فيروز: ان شاءالله مو شي خطير؟

كلاثم: لا مو خطير ان شاءالله بس تعرفين كلب والدة متحملت ما اجي اشوفه واطمأن عليه.

فيروز: الله يشافي ان شاءالله،

بعدت عنها واني اتنفس الصعداء خفت حيل يبين عليه التوتر كدرت اخترع جذبه وانقذ نفسي وهَيْصَم بس شلون اذا بقت اهنا ياربي، اخذت موبايلي واتصلت بيه،

هَيْصَم: صاير شي لَّباءَة؟

فيروز: اي.

هَيْصَم: وكعتي كلبي شكو ولج؟

فيروز: امك اهنا وتريد تشوفك ارجع للبيت كدرت اخترع قصة وكلت أمنتلي بيت بعد مسمعت قصتي بس شكلها مقتنعت بكلامي وهسه تريدك تأخذها للمستشفى وأعتقد حتى تتأكد من صحه كلامي اذا تعرفني لو لا.

هَيْصَم: طاح حظك لائِث الف مره كتله مترتاح اذا مجلطتني بس وليفيد كلامي احجي منا يطلع منا.

فيروز: هسه شنو اسوي؟

هَيْصَم: لتنغرين بجمال اعيونها تره هي مره ذكيه حيل حاولي تكونين على طبيعتج واذا كدرتي تلطمين تطرب عليج تحب النعاوي.

فيروز: ليش تريد تلطمني؟!

هَيْصَم: كوني صداقه وياها بهاي الطريقه.

فيروز: هسه كعدت من النوم مبيه حيل الطم من الصبح خلي تبقى لليل وتدلل.

هَيْصَم: اني عندي مهمه هسه ما أكدر اجي كليلها اتصلت بيه وميفتح خط لان بس تعرف عندي مهمه تبقى تبجي وتكلبها عزاء بدون سبب.

فيروز: انتبه على نفسك.

هَيْصَم: وانت هم انتبهي على روحي.

كلاثم: صار ساعة راح يصير الغدة وانت ماكو؟

فيروز: مشغول خطه مجاوبني.

كلاثم: كولي ميريد يجي سمعني موجوده اهنا ومكلف نفسه حتى يشوف وجهي على شنو زعلان ابن بطني لو اعرف جان رتاحيت.

فيروز: ليش حكمتي عليه بالسوء منو يكول زعلان يمكن عنده شغل.

كلاثم: ومنو دمر بيتنه ودمره غير هذا الشغل الف مره كلتله اترك هاي السالفه بس ولا يفيد لو احجي وي الحايط هم سمع.

فيروز: بخدمة البلد واجبه عظيم خاله ومهنته مقدسه.

كلاثم: وكلبي كلما يطلع مهمه يبقى يمه وميرجعلي شنو ذنبي اني اتحمل بُعد ابني عني هيج وعلى اي ساعه ياخذه الموت ويخليني بحسرة شوفته واني اصلآ بدون شي بحسرته مشايفته صار أشهر بسبب شغله حتى اتصال ميكلف نفسه يرفعه ويخابرني ويشوف امه وخواته شلون عايشات بدون رجال.

فيروز: يعني هسه بناتج وحدهن؟

كلاثم: لا يمهن جواريني خوش مرأة هي أدير بالها عليهن هم ما عدها احد.

فيروز: متأكده بس يكمل شغله يجي يشوفج لتشيلين هم.

كلاثم: عيفيني من عنده وسولفيلي عنج انت.

فيروز: يتيمه ضيعها وقتها ماكو شي اسولف بيه اكثر من هيج خاله.

كلاثم: كلنه أيتام وابو الحسن ابونه اعتبريني مثل امج ماعرف ليش حبيتج بسرعة يمكن لان اشم بيج ريحته.

فيروز: منو هو؟

كلاثم: النقيب.

فيروز: خاله والله مبيناتنا شي.

كلاثم: وهسه اني شنو حجيت اعرف مبينكم شي بس ماعرف احساس والده بعد الله يقدم اللي بي الخير.

فيروز: شنو رأيج تجين ويايه نتريك واسويلج مخلمه مثل متحبين؟

كلاثم: ليش لا ممتريكه اني ونشوف جنتي شنو تعرف تطبخ.

فيروز: والله عندج سوالف.

كلاثم: لو يقبل خطبتج عجبتيني.

فيروز: مصار ساعة شوكت لحكتي تنعجبين؟!

كلاثم: احنه الأمهات هيج ننعجب بسرعة مو لأن منعرف بس احساسنه هو اليقودنه فتشوفين اغلب الزواج التقليدي يصير من حفلات الإعراس لو الفواتح الله يبعدنا من نظره ننعجب وانت اخذتي كلبي يم عيون.

فيروز: هذا من ذوقج خاله.

كلاثم: سميني يمه اذا تحبين كتلج انت مثل بناتي.

فيروز: النساء كلها لطيفه هيج مثلج؟

كلاثم: لان انت طيبه اصل تشوفيني هيج حبيبتي.

فيروز: لا والله انت كلش حبابه.

كلاثم: الله يحفظج يمه وينطيج اللي ابالج.

فيروز: اذا كلتلها ابنج اللي أبالي تموتني هسه بهاي السجين قررت اسكت او اكمل الريوك ونشوف شنو نهايتها وي هاي السالفه الجديده.

ضَرْضَم: سيدي سويت نداء للوحده الخامسه علمود الدعم بس ماكو اي اجابه.

هَيْصَم: منحتاج دعم هسه ركز على الشقه واخذ دوريه لخلف العماره في حال صارت مشكلة لو واحد راد يهرب القوا عليه القبض فوراً.

ضَرْضَم:تأمر سيدي.

هَيْصَم: هَمْاس تسمعني اجب.

هَمْاس: نعم سيادتك اسمع.

هَيْصَم: ادخل انت وهَمْهَام وباقي الدوريه للشقه وضَرْضَم راح يحرس من الخلف.

ضَيْثَم: آلو ابني.

هَيْصَم: الو سيدي.

ضَيْثَم: اجتني اخباريه اكو مروج مخدرات بالجامعة موجود بأحد الأقسام اخذ عناصرك وروح اعتقله.

هَيْصَم: تأمر سيدي بس تخلص المهمه الحاليه أتوجه للجامعه مع الفريق.

ضَيْثَم: اذا تحتاج دعم خبرني.

هَيْصَم: اكيد سيدي.

ضَيْثَم: انت كدها اعتمادي عليك هَيْصَم.

هَيْصَم: واحنه كلنه اعتمادنه عليك انتبه على نفسك.

ضَيْثَم: انت اللي طالع بالخطر اني بخير ماعندي شي المهم هسه سلامتكم لتنسى انتم حماة الوطن بيكم انتصارنه وثبات هذا البلد.

هَيْصَم: ارواحنه اله فداء اوافيك بالمعلومات بس تنتهي المهمه.

ضَيْثَم: بانتظار اخبار مفرحه.

هَيْصَم: ان شاء الله سيدي،

إلى جميع الدوريات تسمعني اجب.

ضَرْضَم: نعم سيدي

هَمْاس: نعم سيدي.

هَيْصَم: بعد هاي المهمه راح نتوجه للجامعه أخذوا استعدادكم.

ضَرْضَم: عُلم سيادتك.

تم إلقاء القبض على المتهمين ونقلهم للمركز حتى يتم التحقيق وياهم اما دورياتهم جنودنه الباسلين توجهت إلى الجامعه لألقاء القبض على المتهم.

وصل أمام بوابه الجامعة نزل من السيارة وبقى ينتظر وعيونه تتفحص المكان دقايق وصل يمه وقدمله الأمر بالتفتيش أخذه بأيدة تبعه بقيه العناصر يمشون خلفه وهو ينطيهم الأوامر.

هَيْصَم: هَمْاس انت تتوجه لنهاية الجامعه فتش جميع الأقسام الموجوده اهناك اما هَمْهَام انت للوسط وضَرْضَم تعال ويايه أخذوا العناصر وياكم وفي حال عثرتوا على المشتبه بيه وافوني بالخبر.

ضَرْضَم: سيدي نروح للحديقة.

هَيْصَم: مو وقت تحيي ايام الجامعه.

ضَرْضَم: فهمتني خطأ اقصد اكو تجمعات طلابيه هيج وقت ممكن نلكي شي يخص المهمه.

هَيْصَم: احنه مو مدنيين ضَرْضَم لابسين الزي يعني ماكو غبي يعرض نفسه لهيج مشكله وهو يعرف بس نشك بيه نعتقله.

ضَرْضَم: مو تكول دائمآ كل مجرم يترك دليل؟

هَيْصَم: بس مو بالعلن تعال نروح للنادي،

السلام عليكم.

علي: وعليكم السلام بشنو أكدر اساعدك؟

هَيْصَم: عدكم شي للأكل؟

علي: اكيد طبعآ شنو تحب تاكل؟

هَيْصَم: الطلاب اهنا شنو ياكلون؟

علي: حسب كل شخص ورغبته.

هَيْصَم: الأكثرية شنو يحبون؟

علي: لفات فلافل.

هَيْصَم: اريد لفات لكل الفريق مالتي.

علي: تدلل.

ضَرْضَم: سيدي بشرفك شنو نسوي بالفلافل؟!

هَيْصَم: هسه تعرف لتستعجل ابني،

تسمح؟

نعمان: اي اتفضل اكيد.

هَيْصَم: شلونك؟

نعمان: الحمد الله سيادتك.

هَيْصَم: انت مدني لتتعامل ويايه برسميه اعتبرني صديق وخلينه نسولف شويه اذا عندك وقت.

نعمان: اي اكيد اتفضل بشنو اساعدك.

هَيْصَم: انت دائمآ تجي للنادي تاكل اهنا صح؟

نعمان: اي ليش؟

هَيْصَم: اريد اعرف اذا تشوف شي غريب يصير اهنا اي شي غريب مثل لفات فلافل بزيت بايت لو صمون معفن لو حمص ميطحنوه تعرف اخاف على الطلاب يتسممون.

نعمان: لا والله سيدي لفاتهم حيل طيبه بس بيها مشكله.

هَيْصَم: اموت على المشاكل سمعني.

نعمان: بيها مادة بيضه مرات اشوف طلاب من يفتحوها يطلعون كيس صغير بيه بودرة بيضه شفتها كذا مره خلال هذا الاسبوع.

هَيْصَم: ابو النادي اهنا جديد؟

نعمان: لا صار سنه اعرفه.

هَيْصَم: اكو احد غيره اجه جديد هو يبيع فلافل؟

نعمان: اي علي اللي حجيت وياه هسه هذا اجه من شهرين وتصرفاته مو أدميه دائمآ يتحرش بالبنات وشتكن عليه بس ماعرف ليس باقي منطرد سمعت انو فقير ومحتاج ولهذا السبب مخلينه يشتغل.

هَيْصَم: كلنه فقراء والله الغني الحميد،

شكرآ الك لتعاونك ويانه.

ضَرْضَم: سيدي وحده من اللفات بيها كيس بيه بودرة بيضه اعتقد مخدرات.

هَيْصَم: وهذا هو المطلوب اعتقلوا خلي نرجع للمركز واخذ المادة لتحليل المختبر مصيرهم تحت ايدي واحاسبهم على تدمير شبابنه بهاي السهولة.

على جميع العناصر انسحاب تم إلقاء القبض على المتهم.

هَمْاس: سيدي اكو مشكله.

هَيْصَم: شنو الموضوع؟

هَمْاس: احد الطلاب تخربط ويتقيأ بعد مأكل لفه فلافل.

هَيْصَم: هذا تأثير المخدرات اتصل بالأسعاف ونقلوا للمستشفى خلي يخضع للفحص ، وانت أسحب قواتك راح نرجع.

هَمْاس: تأمر سيدي.

هَيْصَم: اي غرد اسمعك.

علي: سيدي والله بريئ اني مجرد ابيع فلافل شنو عرفني بسوالف المخدرات والترويج؟!

هَيْصَم: اللفات اللي تبيعها بيها مخدرات مجبت هذا الكلام من جيبي وإنما البدله هي اللي تثبت بالإضافة التسمم اللي تعرضله احد الطلاب جان بسبب المخدرات الحمد الله مصار شي بيه لان هاي اول مره تدخل جسمه الله اعلم لو ممسعفيه شنو صار وقضيتك وين وصلت لان بهاي الحاله تعتبر قاتل ولازم نحاسبك على هاي الجريمه أيضا.

علي: واني شنو المطلوب من عندي هسه؟

هَيْصَم: صير متعاون ويانه وعترف منو اللي يقودك ويخليك تمشي بهذا الطريق.

علي: اني بريئ ومصر على كلامي سيادتك لتحاول تخليني اعترف على شي ممسويه بهذا الأسلوب.

هَيْصَم: ضَرْضَم.

ضَرْضَم: سيدي.

هَيْصَم: اشرحله بطريقه عمليه شلون احنه نخلي المجرم يعترف مثل الشاطر اذا تعبنه وياه؟

علي: تريد تعذبني؟!

هَيْصَم: لا هي مجرد لفه فلافل انت وحظك لو تأخذك يم رب العرش العظيم لو تأخذك للنعاش وحده من عدهن.

علي: ليش متصدك اني بريئ؟!

هَيْصَم: ضَرْضَم.

ضَرْضَم: سيدي.

هَيْصَم: اني ممصدك؟!

ضَرْضَم: حشاك سيدي انت متكذب احد ابد.

هَيْصَم: هاي أخر مره انبه بيه تحجي بهدوء لو تتعذب وهم تحجي بس بالغصب شنو رأيك؟

علي: شكد تكون عقوبتي؟

هَيْصَم: بكل الأحوال تنحبس سواء اعترفت أو لا.

علي: مو سمعت في حال تعاونت وياكم تخف العقوبه؟

هَيْصَم: وانت تريد تتعاون؟

علي: اي بس اذا نطيتني وعد تساعدني بتخفيف العقوبه.

هَيْصَم: ويشرط هم تسمع ضَرْضَم؟

ضَرْضَم: شوف ماعدنه وقت غرد مثل الشاطر يلا.

علي: اكو واحد هو يمولني.

هَيْصَم: اي يا الله نفتحت عقدة السانه، اي هذا اني أريده شنو اسمه وعنوانه الكامل اي معلومه تعرفها عنه اسمع.

علي: ماعرف عنه اي شي غير اسمه.

هَيْصَم: اتفضل رجعنه لنفس السالفه كول شنو اسمه؟

علي: كهيل.

هَيْصَم: كهيل نفس الشخص اللي نبحث عليه صار فتره زين احجيلي وين تلتقون بالعادة؟

علي: بمكان عام وماعدنه وقت محدد ومرات يجي للبيت يسلمني البضاعه.

هَيْصَم: شكد يسلمك بالعادة؟

علي: حسب.

هَيْصَم: والحسب شنو افهم من عدها احجي عدل وبالأرقام حتى اعرف.

علي: يعني مرات ينطيني ١٥ كيس او ١٠ كل سبوع.

هَيْصَم: وانت تسلمها للطلاب؟

علي: لا مو بس طلاب اكو أساتذة وبنات هم.

هَيْصَم: اريد أسمائهم حتى ينورونا اهنا.

علي: ما أكدر انطي اسماء.

هَيْصَم: مو احنه برنامج وتخاف على مشاعرهم بابا عمل هذا ما كاعد اطلب رأيك انطيك أمر اريد اسماء كل الأشخاص اللي تتعامل وياهم يلا غرد.

علي: حاضر.

هَيْصَم: اخذ دوريه ضَرْضَم والفريق وياكم والقوا القبض عليهم جميعآ خلي نشوف شلون يحصلون مخدرات من غير علي اسمك حلو بس متستاهله.

علي: وضعي هو السبب ما أكدر اعيش عائلتي اذا مو هيج.

هَيْصَم: عذر اقبح من ذنب لو الكل يفكر مثلك الجميع صاروا مجرمين وتجار مخدرات رب العرش كال اعملوا مكال تاجروا حتى تعيشون.

علي: اسف سيدي.

هَيْصَم: واسفك بشنو يفيد؟!

حياتك ادمرت عندك علم؟

مستقبلك ضاع شبابك ادمر وأخرتك هم ولتكلي رب العالمين غفور رحيم لان انت قتلت كومه أشخاص بهذا عملك واذا ممات سببتله مشكله طول العمر.

علي: اني مجرد اوصللهم قابل مخليهم يشربون؟!

هَيْصَم: بس ساهمت بهذا الفعل شجعته وعطيته بعت عليهم الممنوعات وبعيد عن الحرام انت راح تاكل بالقليل ١٥ سنه سجن ويمكن توصل مؤبد.

علي: سيدي والله العظيم امي مريضه ولو مو هيج مشتغلت هذا الشغل.

هَيْصَم: سبحان المرض اللي ميشوف بس امهاتكم اي واحد عتقلته ينطيني نفس العذر.

علي: والله ياسيدي ما اكذب.

هَيْصَم: ومن حطمت حياتك هسه امك رتاحت؟!

لو راح ترجع صحتها؟

لو تقتنعون برب العالمين وقدرته جان مسويتوا هيج وعطيتها بهاي الطريقه وبعدين كلتوا اسفين بس شفتوا رحيم وميعاقب بسرعه فكرتوا ميسوي شي وخطأ هذا الظن خلاك أمامي هسه،

انت شنو تسوي اهنا؟!

لائِث: شتاقيتلك وادري موش نظيف بس الجيب لجلك فز.

هَيْصَم: امشي نرجع للبيت ميصير تبقى اهنا جرحك ليلتهب.

لائِث: مبيه شي تعرفني ما احب أجواء المستشفى تلعب نفسي من عدها.

هَيْصَم: اي لتحبها خلي نرجع للبيت يلا تحرك.

لائِث: تطبخلي؟

هَيْصَم: اشتريلك جاهز مشاوي حتى ترجع طاقتك.

لائِث: انت مو نعم الصديق.

هَيْصَم: يكفي انت نعم الصديق ميصير ثنين نعم مطشره.

لائِث: لتخليها حسرة بكلبي ولك.

هَيْصَم: تعرف امي صارت اهنا؟

لائِث: وين؟

هَيْصَم: يم لَّباءَة بالبيت رادت تشوفني بس جانت عندي مهمه ومرحت.

لائِث: خلي نروح هسه.

هَيْصَم: وين تروح؟

لائِث: شبيك محد يمي بالشقة تريد ابقى وحدي؟

هَيْصَم: اتصل بالفريق يجون يمك.

لائِث: والمركز؟

هَيْصَم: يتناوبون يمك كل ليله واحد.

لائِث: وانت؟

هَيْصَم: مو مرتك اني.

لائِث: اي صح بيش الكيلو اني؟

هَيْصَم: تريد اساعدك لو تكدر تنزل وحدك؟

لائِث: مشلول؟

هَيْصَم: لتصير زعطوط.

لائِث: اسكت عني زعلان تره.

هَيْصَم: شنو تريد اطبخلك؟

لائِث: لتمن عليه حتى لو طبخت ما اكل.

هَيْصَم: كلتها اذا شفتك مديت ايدك اموتك تره مو تكول مكلت.

لائِث: شنو تسوي غير بيذنجان وطماطه.

هَيْصَم: نعمة الله شكو بيها؟!

لائِث: مريض اني يول.

هَيْصَم: واذا مريض شكو بيها؟!

لائِث: اطلب اكل لتعب نفسك وتطبخ والعباس ما اكل بيذنجان.

هَيْصَم: طابخه اليه مو الك، يول ليش ثلاجتك فارغه؟

لائِث: مجاي لهنا صار فتره طويله.

هَيْصَم: راح اطلع اشتري االي احتاجه مو تتحرك من مكانك خليك مرتاح.

لائِث: حاضر يوم على سيرتها كاعد تتصل،

كلاثم: آلو ابني شلونك هذا الملعون ميجي ياخذني اشوفك شايف شلون.

لائِث: ياهلا بهل صوت بخير اني من سمعت صوتج وعيفج من هذا ميفتهم عايف هذا الكمر ومكابلني.

كلاثم: يمك هو هسه؟

لائِث: لا طلع يشتري.

كلاثم: خلي من يكمل يجيني اريد اجيك حتى اطمأن عليك حبيبي.

لائِث: عيوني انت صوتج هو علاجي تعرفين كلبي شلون متعلق بأم عيون.

كلاثم: والله عليك سوالف ملعون.

لائِث: يلا روحي اجه ابنج.

كلاثم: انجب ولك صاحبتك اني؟!

لائِث: يارب يرزقني صاحبه مثلج ابقى اسجد طول اليوم.

كلاثم: يارب تنرزق احله من عندي من وينلي حلاه اني اصلآ.

لائِث: انت الجمال يغار من عندج شنو تحجين.

كلاثم: شتركت لصاحبتك ولك اذا كل هذا الكلام اليه؟!

لائِث: هي صاحبتي معبرتني؟

كلاثم: ههههه طلعت مصاحب ملعون ومتكلي زعلتني من عندك.

لائِث: لايمعوده اشاقه وجه حب اني!!

كلاثم: ليش شنو ناقصك الف وحده تتمناك.

لائِث: اريد وحده من هذا الألف عندج تنطيني؟

كلاثم: ادلل بس أشر.

لائِث: كولي والله.

كلاثم: والله الكي احسن من عندك لبنتي؟

لائِث: لا والنعم من اصلي.

كلاثم: يلا اني اعيفك ترتاح وخبر اللي يمك يجي ياخذني حتى اشوفك ما أكدر أرتاح اذا مشفتك بعيوني بخير وسلامه.

لائِث: ان شاء الله.

هَيْصَم: صار ساعه من طلعت وبعدك تخابر اي شنو تسولف؟!

لائِث: تغار لان متسولف وياك بس ويايه.

هَيْصَم: اي وعلى شنو حركات ايدك عود تغورني!!

لائِث: ليش ما غورك امك تخابرني ومتخابرك وهلا هلا.

هَيْصَم: الحمد الله على نعمة العقل.

لائِث: خبل انا!!

هَيْصَم: رحم الله امرئ عرف قدر نفسه.

لائِث: روح سوويلي عشا جوعان.

هَيْصَم: قابل تبقى مريض؟؟

لائِث: على هذا التهديد راح ابقى مريض وما اطيب احسن.

هَيْصَم: شنو مشتهي؟

لائِث: برياني.

هَيْصَم: ماكو اكل دسم مو زين عليك.

لائِث: شنو تريد تطبخلي؟

هَيْصَم: شوربه هاي التعليمات.

لائِث: تعليمات منو؟

هَيْصَم: الدكتور.

لائِث: أرفد مو بشرفك؟

هَيْصَم: اي.

لائِث: بداعتها ما أريد تلعب نفسي من الشوربه رمضان هو قابل!!

هَيْصَم: بداعة منو؟

لائِث: اللي شاغله عقلك وتحجي وياها البارحه كله.

هَيْصَم: انجب من رخصتك.

لائِث: محترم مو بأيدك حتى بالأهانه.

هَيْصَم: أعجبك بكل حالاتي.

لائِث: هااا شوف ابن الحلال بذكره هم دكت ولكمم شلون بيه وي العشاق المستحين.

هَيْصَم: عشاق مستحين!!

لائِث: اي لحد الأن تبيعون ثكل وانتوا واحد ميت على الثاني خاصتاً انت تريد هسه ازفك.

هَيْصَم: راح اجاوب اذا سمعت حرف واحد متلوم الا نفسك واضح؟

لائِث: لا مو واضح اليوم يمي انت ليش هي تزعجنه؟!

هَيْصَم: ما ألك علاقه متصله بيه مو بيك،

آلو.

فيروز: مساء الخير.

هَيْصَم: مسائي انت.

فيروز: شلونك؟

هَيْصَم: الحمد الله، اي.

فيروز: شنو الأي؟

هَيْصَم: سبب الاتصال شنو؟

فيروز: اذا يزعجك اتصالي اسفه بس ردت اطمأن عليك لان كلت عندك مهمه.

هَيْصَم: لا مزعجني بالعكس احب من تتصلين بيه بس فكرت صاير شي وياج مو اكثر.

فيروز: لا مصاير شي بس حبيت اسأل عليك شوكت راح تجي؟

هَيْصَم: ساعه واكون يمكم أن شاء الله.

فيروز: تمام انتبه على نفسك.

هَيْصَم: انتبهي على روحي لَّباءَة الهَيْصَم.

لائِث: خلللصت.

هَيْصَم: وسم لصيح مو اطرش اني.

لائِث: المطبخ بعيد عني خفت متسمع.

هَيْصَم: وين بعيد بالحدود؟!

لائِث: المهم سولفلي شنو صار وياك اليوم بالمهمة.

هَيْصَم: نفس الشي اعتقلناهم وخلص.

لائِث: مختصر مفيد.

هَيْصَم: تره مديرك انا ليش تنسى؟

لائِث: هسه اني شنو حجيت؟!

هَيْصَم: محجيت شي، تاكل طماطه؟

لائِث: اكل حتى التبن مامتت من الرصاصه راح اموت من الجوع.

هَيْصَم: مثل المرأه العجوز والله.

لائِث: هي كلمة الحق تغث لو هي خليتها جوعانه لهذا الوقت؟؟

هَيْصَم: الروح هي انت منو؟؟

لائِث: اعتراف خطير من النقيب.

هَيْصَم: لتعلم على كلامي وتبقى تعيد بيه.

لائِث: عفاا عليك صديقي انت معقوله افضحك؟!

هَيْصَم: اي صح صدكت.

لائِث: هاي شبيك هو بس الفريق.

هَيْصَم: وابو الكلنكس اللي حجيتله عن ترقيتي اللي تأخرت؟

لائِث: اي مو سر هذا كلش طبيعي ليش ظامها؟!

هَيْصَم: يلا تفضل تعشا.

لائِث: شنو هذا ولك اني بمطعم ما اكل هيج!!

هَيْصَم: معجبك؟؟

لائِث: لا ارتب من حياتي.

هَيْصَم: حتى تعرف قيمتي عزيزي.

لائِث: هي لحمه شاويها قيمتك بشنو!!

هَيْصَم: انت وجه نعمه!!

لائِث: اويلي ليش متفتح مطعم؟

هَيْصَم: فكرت بس ناقصني نادل تتبرع وتصير انت؟

لائِث: اي شكو بيها ماطول بيها فلوس اني وياك بس فكر بالأسم.

هَيْصَم: اقترح انت.

لائِث: مطعم الضباط للحم المشوي.

هَيْصَم: شنو هذا؟

لائِث: من شفتك وشفتني بس تاكل لحم مشوي فأكيد المطعم مبيه بس لحم مشوي.

هَيْصَم: اتصلت بضَرْضَم هسه راح يجي يمك ادويتك موجودة واي شي تحتاجه اتصل بيه لازم ارجع للبيت حتى اشوف امي تصبح على خير.

لائِث: والمطعم؟؟

هَيْصَم: بالأفتتاحيه اعزمك.

كلاثم: صارت بالعشرة ومأجه شوكت يجي لعد؟

فيروز: ماعرف هو ماعنده وقت محدد.

كلاثم: ليش هو يجي بالليل؟

فيروز: لا ابد كتلج ميجي دائمآ لهنا.

كلاثم: اتصلي بيه وشوفي ليش تأخر؟

فيروز: شنو رأيج تتصلين بيه انت؟

كلاثم: ميجاوبني اذا اتصلت اعرفه.

فيروز: شنو السبب؟

كلاثم: هو ميريدني اطلع من البيت يخاف عليه وعلى خواته بس اني عاندته هاي المره واجيت اكيد زعلان من عندي هسه.

فيروز: ميزعل من عندج صدكيني وهسه تتأكدين.

بقينه نسولف سمعت حركه عرفته اجه قررت اسكت وما اكللها اريد اشوف ردة فعلها من تشوفه ،

دخل صار مقابيلي بس هي لان أمامي متكدر تشوفه بس اني سوالي حركه بشفايفه بمعنى لتحجين ابتسمت ورجعت اسولف وياها طبيعي وعين عليه اشوف شنو يسوي اقترب من عدها وحضن راسها ونزل باسه نزلت دموعي واني اشوفها طفرت من مكانها وحضنتنه فقط صوت شهكاتها ينسمع بجتني وياها اني أيضآ تأثرت حيل بهذا اللقاء.

كلاثم: اويلي ياريحتك شكد مشتاقتلها ملعون ليش متخابرني وتخليني اسمع صوتك واطمأن عليك؟

هَيْصَم: اخاف عليج كم كلثومه عندي؟؟

كلاثم: يروح امك وعمرها كلبي متكطع على شوفتك عيوني هسه تكحلت من عاينت هل الطول من عمري على عمرك يروحي انت.

هَيْصَم: اسم الله عليج حبيبتي لتدعين هيج ازعل من عندج تره.

كلاثم: تعال اكعد بصفي خلي نسولف مشتاقتلك.

من شفتهم هيج مندمجين مع بعض استحيت ابقى اكثر نهضت من مكاني حتى اروح للغرفة وتركهم بس وقفني صوته.

هَيْصَم: لَّباءَة باقي شي من العشا جوعان اني.

فيروز: اي اكيد تدلل هسه اسويلك.

كلاثم: لَّباءَة منو هاي يمه؟

فيروز: اني خاله ابنج ميحب اسمي.

كلاثم: يا وانت شكو بأسمها وتغييرة بكيفك؟!

هَيْصَم: عيفج من هذا الموضوع وسولفيلي شلون تجين لهنا واني محذرج مطلعين من البيت الا للضرورة؟

كلاثم: والله يايمه شتاقيتلك وبحجه لائِث هم اجيت انا مسوي عليه حصار حتى صوتك متخليني اسمعه ملكيت غير هذا الحل شنو بأيدي يطلع غير هيج؟

هَيْصَم: والبنات وين تركتيهم؟

كلاثم: ام محاسن بقت يمهم.

هَيْصَم: شلونهن؟

كلاثم: نفس ما هن بس مشتاقاتلك ولحن عليه اجيبهم بس مقبلت.

هَيْصَم: افضل عاشت ايدج.

كلاثم: اعرفك متقبل واني ما أكدر على زعلك.

هَيْصَم: ام الهَيْصَم حنينه.

كلاثم: شنو عندي غيركم اني؟

سولفلي هسه انت شنو الموضوع؟

هَيْصَم: اي موضوع؟

كلاثم: هاي البنيه هي سولفتلي بس اريد اسمع من عندك اعرف مو بالسهوله ابني يثق بوحده.

هَيْصَم: والدها جان يشتغل وياي ونقتل بسبب مهمته.

كلاثم: ضابط؟

هَيْصَم: لا بالأستخبارات.

كلاثم: الله يرحمه خوش ابنيه متستاهل وباقي أهلها.

هَيْصَم: ما عدها احد غيري.

كلاثم: معجب بيها هَيْصَم؟

هَيْصَم: لو متعرفين الماضي عذرتج بس انت تعرفين كل شي يوم.

كلاثم: اي صح اعرف واعرف هسه اعيونك بيها لمعه من تشوفها ادري بأخلاقك بس الكلب اذا دك لواحد ميعرف صح من الخطأ يا أمي.

هَيْصَم: شنو قصدج؟

كلاثم: لتبقى وياها بنفس المكان لتنسى الحرام وشنو رباك ابوك.

هَيْصَم: صعب.

كلاثم: اذا هيج اخطبها وتزوجوا اصلآ اني حبيتها خوش ابنيه ونادرة ومؤدبه.

هَيْصَم: يوم واحد وحبيتيها هيج اذا بقيتي اسبوع كامل شلون.

كلاثم: ازوجها الك حتى اطمأن عليك واني اهناك.

هَيْصَم: والله عندج سوالف مناقص غير تخطبيها هسه كدامي.

كلاثم: متريد؟

هَيْصَم: الله كريم غير الموضوع اجتي،

عاشت ايدج شكرآ.

فيروز: الف عافيه مسويت شي.

كعدت على القنفه وبقت اعيونها عليه تراقبني على شنو اباوع ابتسمت بوجهه بس والله نحرجت يعني شلون تبقى هيج تعطيني كمل عشا وسويت الجاي وغسلت المواعين وهي نفس نظرتها قررت اريح نفسي وافتح الموبايل صارت نظرة بريئة عليه هي بسرعة خلت عينها بعيني نزلت راسي على الموبايل وسويت نفسي اتابع طلعت رقمه وراسلته،

فيروز: نعست هَيْصَم.

هَيْصَم: لساتني كاعد وين رايحه؟

فيروز: ليكون مشتاقلي سيد افندي وتستحي تعترف؟

هَيْصَم: وليش استحي صدك مشتاق للَّباءَة الهَيْصَم.

فيروز: خالتي راح تموتنه اذا عرفت خلي نرجع طبيعين.

هَيْصَم: اني مخايف حتى لو عرفت مصير الجميع يقتنع.

فيروز: بشنو يقتنع الجميع؟

هَيْصَم: بلي يريده الهَيْصَم.

فيروز: وشنو يريد الهَيْصَم؟

هَيْصَم: تعرفين بعدين.

غلقت الموبايل وصحت خالتي.

فيروز: خاله تنامين افرشلج؟

كلاثم: بس دليني على الغرفه اني افرش لنفسي ما أريد اتعبج.

فيروز: لا تعب شنو تدللين انت.

نامت هي على الجربايه واني فرشت لنفسي جوه دخلت بنوم عميق بسرعة لان اليوم كله منمت كعدت على صوتها وهي تصلي الصبح نهضت اني أيضآ صليت ورجعت نمت فتحت اعيوني عليها وهي تكعدني.

كلاثم: كومي ويايه اريد اطلع اشتري كم شغله واخذ رأيج بيها.

فيروز: خاله هَيْصَم ميقبل اطلع من البيت.

كلاثم: معليج بيه اني موجوده يلا تحركي بسرعه حتى نلحك قبل ميصير الظهر.

نهضت بسرعه سويت الروتين اليومي غيرت ملابسي وطلعت وياها بدون ريوك وصلنه للسوك دخلت تشتري واني وياها تقريبآ بقينه ساعتين نفتر حتى رجليه تعبت.

هَيْصَم: ضَرْضَممممممممم حظر الدوريه راح نطلع تفتيش كل بغداد لَّباءَة نخطفت..

يتبع.

تصبحون على الف خير شمعاتي.

حسابي الأنستا.

@zahraaahmedn99