في صفحة مليئة بفساتين الزفاف تناست هي نفسها وتناست الوقت ،لا تبالي بالاسعار التي تفوق قدرات حبيبها وقدرات والدها بدأ علي في الحديث قائلا: ها يا ميسون اختارتي الفستان بتاع فرحنا ردت ميسون وهي في حالة من اليأس: لسه يا علي والله ،في حاجات كتير اوي حلوة مش عارفة اختار انهي فيهم ،المهم عايزين نشوف ميكاب ارتيست وفيلا علشان نتصور فيها وتكون قريبة من مكان اللي هنعمل فرحنا فيها ،والفوتوجرافر ،ده في حاجات كتير اوي غير الفستان اللي انت ماسكلي كل شوية اختارتيه ولا لسه تحدث علي في ذهول : حيلك حيلك يا ميسون ايه كل ده ،فاكرة نفسك هتتجوزي أغنى راجل في العالم ،وبعدين انا عمري ما شوفت فرح فيه كل ده ،اللي اعرفه ان العروسة بتروح الكوافير علشان تتظبط وبعدين تخلص ونطلع على الاستديو ومن عيوني يا ستي هوديكي عند احسن فوتوجرافر يصورك وبعد كده القاعه ،ايه بقى كل اللي بتقوليه ده تمتمت ميسون في ذهول: علي حبيبي انت قديم اوي ،انت مش بتفتح الانستجرام ولا ايه ،اقل بلوجر بتعمل اكتر من اللي انا قولته ده وقد فهم علي ما تقصده ميسون ف رد موضحا أمر هام بلوجر.... اه قولتيلي ،بصي يا ميسون احنا مش عاملين فرحنا علشان نكون زي دي وزي ده ،بالعكس احنا عاملينه علشان نتبسط ونفتكر يوم العمر اللي هيجمعنا سوا ان شاء الله، فرحة اليوم ده بقت منسية وكله بقى بيجري على الصور وكله همه الفشخرة الكدابة، ونتيجة ده كله محدش غير صاحب الفرح عارفها ،ديون للناس كلها ،أو ممكن كلها بتوجب مع بعضها على حساب المشاهد اللي بيتخدع في كل ده قالت ميسون : كبرت الموضوع اوي يا حبيبي ،وبعدين دي الموضه وكله بيعمل كده ،وبعدين خليك اوبن مايند كده ومتبقاش قفيل كده ،انت متعلم يا حبيبي واكيد فاهم لم يتحمل علي ما تقوله ميسون ف رد في حالة من الغضب هو علشان اكون الاوبن مايند اللي انتي عايزاه ،عايزاني اكون خروف يا ميسون ،اخلي راجل يشوفك وانتي بالروب العريان بحجة انه الميكاب ارتيست وعلشان الهانم تكون على الموضه ،الاوبن مايند اللي انتي عايزاه اني اسمحلك تنزلي صورك كلها بتاعت اليوم ده على مواقع الزفت علشان الناس تشوف جمالك وتبقي فرجة ليهم وقال ايه ده اللي بيحصل، انا مش كده يا ميسون وانتي عارفة ده كويس من يوم ما اتخطبنا انا مكذبتش عليكي وقولتلك اني واحد وطلعت واحد تاني،احنا لسه على البر يا بت الناس ولو عايزانا نخرج بالمعروف من قبل ما نبدأ هستنى منك مكالمة تلفون وقام من على الطاولة تاركاً لها المكان وهي تنظر في اتجاهه بتفكير وخوف من القادم مرت الأيام وعلي لا يتحدث مع ميسون وهي حبيسة المنزل تفكر فيما حدث لها في فترتها الأخيرة وترتب الأحداث التي ستفعلها فيما بعد في أمر زفافها ،عزمت أمرها على شيء أمسكت هاتفها قاصدة رقم علي وارسلت له رسالة تخبره انها ستقابله في مكانهم المعتاد وبعد وقت تقابل الاثنان وجلسوا سويا وقررت ميسون ان تبدأ في كلامها في هذه المرة كانت ميسون أول من بدأ الحديث فقالت: انا قررت انا هعمل ايه ،انت كان معاك حق في كل كلمة قولتها ،انا مش عارفة ازاي كنت عايزة اعمل كده ،اجيب راجل يبص عليا في لبس كاشف ،وغيره من المصايب اللي كنت بخططلها ،بحمد ربنا انه بعتلي راجل زيك يخاف عليا ويراعي ربنا في حرمته المستقبليه ان شاء الله ،مش عايزاك تضايق مني وياريت متغيرش فكرتك عني انا لسه ميسون اللي انت عارفها متغيرتش ،هي توهت شوية بس انت رجعتها تاني علي بابتسامة حب : انا فخور اوي بميسون البنت الشطورة اللي فاقت لنفسها ،مش قصدي اني افرض رأيي عليكي وانتي مُجبرة تنفذيه ،انتي اخدتي وقتك وفكرتي وانا مبسوط باللي وصلتيله ،مش هقولك اقطعي علاقتك بالسوشيال ميديا خالص ،لا اتفرجي براحتك بس بعقل مش كل حاجة تشوفيها تبقي هتموتي وتعملي زيها حتى لو غلط اومال ربنا عطانا العقل ليه مش علشان نفكر بيه ردت ميسون في سعاده صح كده ،بص بقى احنا هنعمل فرحنا في قاعة بس تكون كبيرة علشان تكفي الناس اللي هتيجي ،اصلي مشهورة شوية ،والباقي بقى هنتشارك فيه علشان نختار سوا قال علي ممازحًا : يا عيني على العقل ،لا ده احنا اتغيرنا خالص ،ليكي عليا يا ستي هتتصوري احلى صور عند فوتوجرافر بنت مشوفتيش زيها ،والصور ليكي مش للميديا، وهنروح احلى شهر عسل في الدنيا كلها ميسون بصدمة من فرحتها: متقولش المكان اللي كنت بحلم اروحه معاك رد علي : ايوة يا ستي هنعمل عمره سوا في بداية حياتنا مع بعض علشان ربنا يباركلنا فيها ميسون بحب: ربنا يباركلي فيك ويجعلني زوجة صالحه وتراعي ربنا فيك زي ماانت ما مراعي ربنا فيا واتفقوا على كل شيء وفقا لما يرضي الطرفين وقبل ذلك يرضي الله ،وتم اليوم على خير وذهبوا لأداء مناسك العمرة من غير ما حد من الغريب يعرف الاهل وبس والمقصد انهم لم ينشروا صور لهم في اي موقع كما يحدث في عصرنا،كأنهم يعتمروا للناس ليس لله حاشا لله العبرة من قصتي البسيطة هي لا يوجد مشهور او أي كان ما تسميه سيُظهر لك حياته البائسة ،سيظهر لك نفسه وهو في صحه وعافيه ويخفي تعبه وحالته المتدهورة، سيظهروا لكم صورهم هما وازواجهم في وقت جميل ومكان أجمل وسيخفوا مشاكلهم أعلم انها حرية شخصية ولكن ما اقصده ان لا تصدقوا كل ما تراه عينيك
