الفصل الثالث

اثناء دورية جاسر

قابل جاسر عيسى و هو يمر على الحالات و يقل له

جاسر/ عسعس

ينظر عيسى للإتجاه الاخر يكرر جاسر كلمته و يقترب من عيسى و يدفعه بقوة و يقل

جاسر/ ايه يا عيسى مش سامعني و انا بنادي عليك

عيسى/ انت بتنادي عليا ولا بتجلطني

جاسر/ ليه

عيسى/ ايه عسعس دي

جاسر/ مش انت اسمك عيسى يبقى دلعك عسعس

عيسى/ يعني انت زنقت معاك اوي و ملقتش غير الدلع الزباله ده

جاسر/ امال اقولك ايه

عيسى/ مدلعنيش هو انت لازم تدلعني

جاسر/ حاضر يا قفل

عيسى/ الله الله

جاسر/ بقولك ايه هتقرفني بقى و الله همشي

يمسك عيسى من ذراعه و يقل

عيسى/ خلاص يا عم جاسر كنت عاوزني في ايه؟

جاسر/ مدام سونا يا سونسن جتلك اهو عاوزاك

عيسى/ مين مدام حسين فهمي دي؟

جاسر/ هههههه اقصد مدام نرمين

عيسى/ لااااااا مش عاوز اروح للوليه الملعب دي

جاسر/ ليه بس يا عسعس (بغمزة)

عيسى/ و الله هبطحك بالسماعة اللي في رقابتي دي

جاسر/ طب روح بقى عشان هي مستنياك على ناااار

يتف عليه عيسى و يقل له

عيسى/ غور من وشي

جاسر/ حاضر بس متذوقش

عيسى/ ااااه جاسر ممكن طلب

جاسر/ عيوني يا عيسى

عيسى/ لو غبت عن ١٠ دقائق......تعالى الحق شرفي قبل ما يتمس يا جاسر

يضحك جاسر على عيسى يضربه عيسى و يقل له عيسى بتوتر

عيسى/ جاسر اوعى تعرف آيه مراتي عن الحاله دي.....ايه مجنونه في الغيره و كفاية عليا ست نرمين اللي جوه دي

جاسر/ لا متخافش....سرك في بير.....روح بقى عشان سعاد حسني اللي جوه دي قربت تزهق و شكلها نويالك

يضربه عيسى يقوة و يقل بغضب و توتر

عيسى/ انت بتوترني يا جاسر.....يا رب يوعدك بواحده زيها يا رب مخلياك تلف حولين نفسك

جاسر/ كفايه عليا صافي

عيسى/ يلا يا بتاع الشوجر مامي

يضحك جاسر على عيسى و يغادر يقف عيسى امام غرفة مدام نرمين و يتنفس بعمق شديد و يطرق الباب يسمع صوتها الغاضب و هي تسمح بالدخول يدخل عيسى الغرفة و يقل لها

عيسى/ مساء الخير مدام نرمين

نرمين/ مساء النور.....من غير مدام يا دكتور عيسى (بدلع)

يبتلع عيسى ريقه بتوتر و يذهب تجاه. السرير و يمسك التقرير و يقل

عيسى/ ايه اخبار صحتنا النهاردة

نرمين/ تعبانه (بدلع)

ينظر عيسى الي التقرير و يرى حالتها الصحية جيدة جدا يقل لها

عيسى/ بس التقرير بتقول عكس كده بتقول انك كويسه

نرمين/ ده كلام على ورق يا دكتور.....انا حاسه اني تعبانه

عيسى/ يعني حضرتك حاسه بي ايه

نرمين/ ايه حضرتك دي

عيسى/ امال عوزاني اقولك ايه

نرمين/ قولي يا نرمي

عيسى/ يا مثبت العقل و الدين يا رب......مدام نرمين ممكن حضرتك تقوليلي ايه اللي تعبك عشان اخلص بقى و اروح انام

نرمين/ قلبي واجعني اوي

عيسى/ الف سلامه

نرمين/ هو انا بقولك عشان تقولي الف سلامه

عيسى/ ما هو يا مدام نرمين حضرتك دخلتي المستشفى و انتي مش بتشتكي من قلبك اصلا.....ايه اللي جد يعني

نرمين/ معرفش....مش انت دكتور المفروض تكشف عليا

عيسى/ نسيت السماعه

نرمين/ امال ايه اللي على كتفك ده

عيسى/ الهاند فري بتاعتي

نرمين/ هههههه....دمك خفيف يا دكتور

عيسى/ ايوه ما هو دمي الخفيف ده هو اللي جايبني ورا

تقم نرمين من على الفراش و تقترب من دكتور عيسى و تتمسك بقميصه و تقل له بدلع

نرمين/ دكتور عيسى انت مش عاوز تكشف عليا ليه؟

يتوتر عيسى بشده و يقل يتوتر

عيسى/ مدام نرمين.....مم..كن نتفاهم....مينفعش المنظر ده خالص

تقترب منه بشده يقل عيسى بإستغاثة و توتر

عيسى/ دكتور جاااسر....دكتور جاااسر .....جاااسر

يبعد عيسى نرمين عنه و يخرج مسرعا حتى أنه تعثر عدة مرات يصتدم عيسى بجاسر يقل له جاسر

جاسر/ عيسى مالك في ايه

عيسى/ انا كمان شويه و كان في وحش كاسر جوه هينقض عليا

جاسر/ تقصد مدام نرمين

عيسى/ مدام اطرانا.....الوليه دي مش طبيعيه.....لا لا....دي كانت هتغتصبني جوه.....انا حسيت للحظه شعور الست في ليله الدخله

بضحك جاسر بشده و يقل

جاسر/ انت مكملتش ٣ قائق على بعض يا عيسى

عيسى/ انا لو كنت قعدت اكتر من كده كنت هطلع منها بعيل....الحمد لله اني عرفت افلق منها

جاسر/ خلاص يا عيسى محصلش حاجه انت عارف انها أصلا مرووشه

عيسى/ اااه....انا هروح انام....يمكن انسى اللي حصل

يضحك جاسر على رد عيسى و يتركه يذهب لينام

يذهب جاسر إلى غرفة ٣١١ و يقل

جاسر/ صافي

يرى صافي تنظر إلى الجهة الأخرى علامة على الغضب منه

جاسر/ الله الله.....دا احنا زعلانين بقى

تصمت ولا ترد عليه

جاسر/ صافي انتي عارفه سكوتك ده بيزعلني اوي

صفاء/ و اللي عملته ده برضو زعلني اوي

جاسر/ اخص عليا ازاي ازعل صافي حبيبة قلبي....

يجلس معها على الفراش و يقل

جاسر/ بس انا عملت ايه عشان ازعل صفصف حبيبتي

صفاء/ أنت قولت هتمر على الحالات و تيجي تلعب معايا كوتشينه

جاسر/ اوووووبا.....نسيت خالص....معلش يا صافي انا انشغلت جامد اوي في العمليات و الكشف

صفاء/ مش مصدقاك

جاسر/ ما انتي لو بصتيلي هتصدقيني

تنظر له صفاء و تلاحظ على وجهه علامات الإرهاق الشديد تقل له

تمسك وجهه و تقل

صفاء/ واد يا جاسر انت تعبان كده ليه

جاسر/ صدقتيني بقى

صفاء/ قوم يا حبيبي نام انت تعبان اوي.....انا مش زعلانه منك يا جاسر انا عمري ما ازعل منك

جاسر/ قلبك ابيض يا صفصف.....تصبحي على خير

صفاء/ و انت من اهله يا ابني

يذهب جاسر للخلود للنوم

☆☆☆☆☆☆☆☆☆☆☆☆☆☆☆☆☆☆☆☆☆

في اليوم التالي

يذهب سليم إلى المستشفى و يدخل غرفة النوم التي ينام بها عيسى و جاسر يقل لهم

سليم/ ايه يا بهوات كل ده نوم

يدفع جاسر و عيسى يرى انهم افزعوا يمسك جاسر طبق معدني بجانبه و يقذفه على سليم و يقل

جاسر/ انت متخلف يلا في حد يصحي حد كده وكمان في مستشفى

سليم/ ايوه فيه

عيسى/ مين الحلوف اللي بيعمل كده

سليم/ انا

جاسر/ كويس انك عارف انك حلوف

سليم/ انتوا نايمين بقالكم كتير اوي

جاسر/ انا عيني مغفله من ربع ساعة يا سليم

عيسى/ و انا عيني مغفله من تلت ساعه

سليم/ ليه ايه اللي حصل

جاسر/ انا دخلت ٦ عمليات كلهم ورا بعض و كل عمليه كانت العن من اللي قبلها

عيسى/ و انا الراجل اللي فى غرفة ٣٠٩ جتله ازمه و ضيق في التنفس و فضلت معاها لحد ما ظبطتله تنفسه و قلبه

يدخل عمر عندهم و يقل

عمر/ ايه يا شباب......

يفزع عمر و يقل

عمر/ اعوذوا بالله من الشيطان الرجيم.....ايه المناظر دي....سليم مش انا قولت لك  متبقاش تسيب الشباك مفتوح عشان بيدخل حشرات.....فين الموبيد؟

يمسك عيسى الطبق المعدني الاخر الذي بجانبه و يقذفه على عمر و يقل

عيسى/ ما هي كانت نقصاك فعلا

عمر/ اااااه ايه يا عم الغباوة دي

جاسر/ معلش أصله مر بتجربة الكارنك امبارح

عيسى/ جااااسر

يجلس عمر و سليم على فراش جاسر بطريقه كوميديه حيث انهم جالسين ( مربعين) و يقل سليم

سليم/ ليه ايه اللي حصل؟

عيسى/ اخرس خالص يا جاسر

جاسر/ معلش يا جماعه اصل التجربه مره شويه ( يحرك حواجبه)

يقل عمر

عمر/ يا عم قول انا اتشوقت

سليم/ هو فيلم

عمر/ اي حاجه بتحصل مع عيسى بتبقى احلى من الفيلم الكوميدي الصراحه.....حاجه مجانيه و بتموت من الضحك

عيسى/ ليه مصاحب محمد صبحي؟!

سليم/ قول يلا ياض

يقص لهم جاسر ما حدث مع عيسى و يضحكون بشده و يقل عمر

عمر/ اللي حصل ده لا يمكن يتسكت عليه انا لازم اغسل عاري

سليم/ اخص عليك يا عيسى تبيع لحمك لواحده ست

عيسى/ هي ممكن تاخد مني اللي هي  عاوزاه بس قلبي لا

يصفق عمر و يقل

عمر/ الله....الله...الله عليكي يا شاديه....اقصدي يا عيسى.

سليم/ بس بجد من غير هزار هي الوليه دي ميته عليك كده ليه

عيسى/ انا نفسي عاوز اعرف هي شايفه فيا ايه انا مش

شايفه...... دا انا لطخ

يقم جاسر بعمل طريقه انثوية و يقل

جاسر/ و انا بحب اللطخه يا بيبي

يقذف عيسى الوسادة على جاسر و يقل

عيسى/  ابو شكلك

عمر/ تصدق ياض يا جاسر لو انت كنت واحده ست دا انا كنت  شقطك فورا

سليم/ و انا الصراحه

عيسى/ اه و انا

جاسر/ ايه دا هو انا قاعد مع ذئاب بشريه

يضحك الجميع على رد جاسر

و اثناء سير سليم و امجد يقل سليم

سليم/ ايه اخبارك  يا ابو المجد مع الست حلا

امجد/ صالحتها امبارح

سليم/ طيب تمام بس انا عاوز اقولك على حاجه يا امجد بس المرادي جد انا أصلا تافه و مبعرفش اتكلم كلمه على بعضها جد بس هحاول...... انت و حلا اكبر مشاكلكم الحقيقه هي انكم بدخلوا الناس في مشاكلهم.....ديما انت و مراتك مشاكلكم بينكم زي كرة التنس بالظبط طول ما هي بينكم هتعرفوا تسيطروا عليها.....اول ما هتبدا تطلع ما بينكم مش هتعرفوا بعد كده تسيطروا عليها...فاهمني يا امجد

امجد/ فاهمك يا سليم

تجري ندى تجاه سليم و تقل له بحماس

ندى/ سليم.....سليم.....سليم

سليم/ ايه يا بت في ايه انتي هتخترقيني ولا ايه

ندى/ عاوزه اقولك على خبر سمعته

سليم/ قول يا ودني التالته

ندى/ في دكتوره اتعينت هنا جديد......و النهاردة اول يوم شغل ليها

سليم/ اسمها ايه

ندى/ معرفش

سليم/ حلو اسمها.....ورايا يا آخرة صبري

تعتدل ندى من وضع نظرتها و تذهب خلفه مسرعا

و اثناء سير ندى و سليم يراهم عمر يذهب عمر لهم مسرعا و يقل

عمر/ ايه يا سليم واخد ندى و رايح فين؟

سليم/ روحي انتي يا ندى اتعرفي عليها و هتيلي المعلومات لحد ما اعرف عمر اللي حصل

تقم ندى بعمل التحية العسكرية بطريقه كوميديه و تقل

ندى/ تمام يا دكتور

سليم/ امشي يلا يا زعبوله

تغادر ندى سليم و عمر و يظل عمر ينظر لندى يقل له سليم

سليم/ انت روحت فين ياسطا

عمر/ هاااا.....انا معاك اهو

سليم/ في دكتوره جت هنا المستشفى جديد

عمر/ و ايه الازمة

سليم/ عاوزين نشوف ميولها عشان لو طلعت شبهنا تدخل الشله بتاعنا.....يا محلى لما الشله يضافلها مجانين زيادة

عمر/ ههههههه ماشي يا عم سولم....مع ان الشله مش ناقصه متخلفين عقليا 

سليم/ رايك يحترم و يتحط في الزباله.....باي باي عموره

يضحك عمر و يرد عليه

☆☆☆☆☆☆☆☆☆☆☆☆☆☆☆☆☆☆☆☆☆

تذهب ندى إلى الدكتور الجديده و تقابلها و تقل لها

ندى/ هاي انا الدكتوره ندى ممكن أقعد معاكي

....../ طبعا اتفضلي.....بدل ما انا قاعده ملانه كده......عماله اهش دبان

ندى/ هقعد معاكي اهش

تضحك الدكتوره الجديده و تقل

....../ انتي قولتيلي انتي اسمك ايه

ندى/ ندى 

...../ اسمك جميل اوي

ندى/ انتي اللي سكر.....انتي بقى اسمك ايه

...../ لبنى

ندى/ اسمك جامد الصراحه

لبنى/ شكرا

ندى/ طيب بصي بقى يا لولو انا مبحبش الالقاب يعني انتي ناديني ندوش و انا اقولك يا لولو ايه رايك و لو مبتحبيش دلع لولو قوليلي الدلع اللي بتحبيه و ادلعك بيه

لبنى/ لا سنود شغال.....انا برضو مبحبش الالقاب يا ندوش

ندى/ طب اتكسفي...... اعملي اي منظر

لبنى/ لا معنديش انا الكلام ده

ندى/ يا واد يا جرئ.....دا انا مش كده

لبنى/ لا انتي متعرفنيش يا ندوش.....انا بحب اخد على الناس على الطول....لو انتي بتضايقي قوليلي و متخافيش مش هضايق

ندى/ لا طبعا انا كل صحابي كده و بحب الناس اللي كده

تمد لبنى يداها و تصافح ندى و تقل

ساندي/ يبقى اتفاقنا.....ممكن بقى يا ندوش تفرجيني على المستشفى

ندى/ com with me يا لولو

☆☆☆☆☆☆☆☆☆☆☆☆☆☆☆☆☆☆☆☆☆

و اثناء سير ندى و لبنى ينادي عمر على ندى و يقل

عمر/ ندى

تنظر ندى لعمر و ترتبك و تقل للبنى

ندى/ معلش يا لولو هشوف بس دكتور عمر و اجي اخليكي تكلمي فرجه

لبنى/ لا روحي انتي و انا هكمل فرجه على المستشفى

ندى/ ماشي يا حبيبتي 

تذهب ندى لعمر و تقل

ندى/ نعم يا عمر

عمر/ هو انا ليه كل ما اشوفك اشوفك مع سليم

ندى/ و دي فيها ايه؟

عمر/ مش ملاحظه انك بتظهري مع سليم كتير شويه

ندى/ عمر انت عاوز ايه

عمر/ انا عاوز اعرف انتي ليه مع سليم على طول

ندى/ حاجه متخصكش.....ابقى مع اللي عاوزه اكون معاه

عمر/ من امتى يا ندى

ندى/ هو ايه اللي من امتى؟

عمر/ من امتى و انتي بتكلميني بالطريقه دي

ندى/ من دلوقتي يا عمر......و انت السبب مش بعد ما فضلت معتبرني مش موجوده على الكوكب طول الأسبوعين اللي فاتوا ..... اعاملك عادي......انا بس عاوزه اعرف انت ليه كنت مخاصمني يا عمر طول الفتره اللي فاتت دي انا عملتلك ايه؟

ينظر عمر إلى أعين ندى التي تتميز بوسعها و لونها البني البارز......يتركها عمر و يغادر....تظل ندى حزينه بسبب عمر و تغادر

☆☆☆☆☆☆☆☆☆☆☆☆☆☆☆☆☆☆☆☆☆

و اثناء سير ندى بغضب تصتدم بحلا و تقل لها

ندى/ ايه يا حلا في ايه عاوزه تلبسي نضارة زيي انتي كمان ولا ايه

حلا/ مالك يا ندى متعصبه ليه ؟

ندى/ انا مش متعصبه شيفاني متعصبه (بغضب شديد)

حلا/ متعصبه ايه....دا انتي هطقي في ايه يا بت

ندى/ انا عاوزه جاز

تغادر ندى حلا مسرعا تذهب خلفها حلا مسرعا و تقل لها

حلا/ ليييه

ندى/ هولع في نفسي

حلا/ استني يا ندى......يا بت

يقابلهم الدكتور راجي و يقل بحده

راجي/ في ايه....ايه الدوشه دي

يفزعون حلا و ندى و تقل حلا

حلا/ انا معرفش يا دكتور البنت ند.......

تقطعها ندى بحضن و تقل

ندى/ مفيش يا دكتور راجي دا انا كنت بهزر مع البت حلا

راجي/ طيب كل واحد يشوف شغله بدل والله.....

ندى/ والله ما انت حالف.....انا مش موجوده أصلا أنا في اوضة الكشف

تغادر ندى و حلا سريعا  الدكتور راجي

☆☆☆☆☆☆☆☆☆☆☆☆☆☆☆☆☆☆☆☆☆

يذهب عمر إلى غرفة ٣٠٥ و يدخل و يقل

عمر/ ها يا عم سعدني ايه اخبار صحتنا النهاردة

سعدني/ انا كويس يا دكتور بس حاسس احساس غريب اوي

عمر/ مالك حاسس بإيه

سعدني/ عندي ألم في المرى مسمع في الكليه الشمال.....دا تفسيره ايه يا دكتور

عمر/ دا مرض خماسي الأبعاد ده ولا ايه

سعدني/ و ساعات بحس بالم في رجلي مسمع في كتفي

عمر/ طيب ما بتحسش بالم في فخدك الشمال مسمع في الكبد

سعدني/ انت بتتريق يا دكتور

عمر/ طبعا بتريق.....انت بتخترع امراض جديده يا عم سعدني......

يقذف عمر التقرير على الفراش و يقل

عمر/ يعني معلش ايه علاقة مرئك بكليتك.....و ايه علاقة رجلك بكتفك.....انت عملت جسم الإنسان صالتين مفتوحين على بعض

سعدني/ و انا مالي يا دكتور انا بقولك على اللي بحس بيه

عمر/ انت بعد كده متحسش تاني يا عم سعدني

يمسك عمر التقرير بتافف و يرى ان حالته ليست سيئة و لكن ليست جيدة كافية للخروج من المستشفى يقل له

عمر/ عم سعدني انت لازم تهتم بأكلك شويه و تاكل كويس

سعدني/ ما انا كل ما باكل يبني بحس بألم في القطنيه

يلطم عمر على وجهه عدة مرات و يقل 

عمر/ ملهاش علاقة يا عم ساعدني.....و حياة امي ماليها علاقة......

ثم يردف قائلا

عمر/ كل عادي و برحتك متقلقش.....و انا  هعملك آشعة على ضهرك......هوووف......سلام يا حج