إسكريبت 4

_ رحمه انا خلاص زهقت من المذاكرة أنا عايزة اتجوزه _ ياشخيه اتنيلي هو يعرف انك عايشه اصلا _ يعرف مايعرفش المهم اتجوز قبل الامتحانات _ يعني لو اي حد هتوافقي عليه !!؟ _ لا طبعا أنا عايزة قرة عيني شاي باللبن بتاعي ههههههه _ بضحك شاي باللبن طب والله لو سمعك هيغير رأيه دلو بيحبك فعلاً _ لو مش بيحبني هخليه يحبني قبل الامتحانات أن شاءالله اعمله عمل المهم اخلص من ام تعليم والحوارات دي انا مش قدها _ طبعا انتي هتقوليلي انا خلاص هتشل منك انا ماشيه _ امشي مع الف سلامه بس استني اوصلك _ توصليني برضو ولا عشان تشوفيه _ إطلاقا يلا ياحبيبتي زمانه خارج من الجامع " انا واقعه في حبه والله وبتحجج انزل من البيت عشان اشوفه مش اكتر " "اعرفكوا بنفسي انا منه 17 سنه ثالثه ثانوي، عايشه مع اهلي ودي رحمه صاحبتي ، البيست فريند وعارفه كل مصايبي طبعاً، واه الشخص الي بتكلم عنه جارنا بس بحبه حب يولاد ،هو ولا معبرني اصلا بس ولو هفضل ورا لحد مايحبني ما انا مش هسيبه يروح مني كده " " تاني يوم " ‏_ يلا ياختي هنتأخر على الدرس ‏ ‏ ‏_ ماشي جايه اهو ‏ ‏ ‏_ يلا بصي هنمشي من الشارع ده ‏ ‏ ‏_ مش موجود ‏_ هو مين ‏ ‏ ‏_ عليا يابت انا لسه جايه من هنا ومكنش قاعد ‏_ تعالي بس قلبي بيقولي قاعد ‏ ‏ ‏_ ياسلام اتنيلي أما نشوف اخرتها ايه "سابتها ببتكلم وسبقتها على أمل أن اشوفه بصيت ناحيه بيته مكنش قاعد مشيت وانا مضايقه " _ ههههه ياعيني احساسك كان صح برضو _ اتنيلي امشي وانتي ساكته عشان مش طايقه نفسي _طب اهدي كده عشان تركزي في الحصه _ حاضر ومشينا " واحنا ماشيين رحمه قابلت بنت واقفت تسلم عليها وانا مشيت شويه وفضلت واقفه زهقت مبحبش أقف في شارع كتير. " _ رحمه انجزي كنا هنتأخر من شويه _ ثانيه جايه اهو " لفيت ومشيت خطوتين لقيته فوشي اتخضيت اوي " _ نهار اسود رعبتني _ بضحك مكنش قصدي بس الواضح انتي مش واخده بالك وانتي ماشيه ركزي ياحبيبتي في طريق " اعرفكوا بنفسي انا اسلام 22 سنه ،اهلي متوفين وعايش مع اخواتي، بشوفها كتير صدف والمرة دي مكنتش مركزة في الطريق خالص غير العادة ، بنوته لطيفه وهاديه مع نفسها كده " كانت واقفه ساكته قلقت عليها _ انتي يابنتي انتي كويسه _ ا .ا.اه كويسه ومشيت " يالهوي اتكلمنا أخيرا بس يانهار عليا يوم مانتكلم في موقف زي ده ، انا مني لله والله ورحمه كمان هي سبب ، بس ده كويس اديني سمعت صوته وكلمني انا فرحانه اوي ، بس ثانيه ده قالي حبيبتي احيه يكون قصده أن حبيبته بجد ولا بيقولها بتلقائية انا زهقت اروح أقوله أن بحبه وخلاص " _ بتكلمي نفسك برضو ههههههه _ اسلام يارحمه _ ماله سي اسلام الي قرفاني بيه كل شويه _ قرفه تخدك بصي هحكيلك وبدأت تحكي الي حصل _ هههههههه يارتني كنت موجوده كنت شوفتك وانتي زي الكتكوت قدامه _ يتعافي المرء بأصدقائه فعلاً بس تعرفي انا فرحانه اوي _ وانا بس مش عايزين نعلق نفسنا بيه ونركز خلاص الامتحانات قربت _ يانهار بتفكريني ليه تاني _ ده أمر واقع ياما امشي يلا "بعد شويه وصلنا سنتر و حضرنا الحصه وبعد وقت خلصنا وروحنا البيت " " بتمر ايام بنفس روتين بخرج عشان دروسي وساعات اشوفه وساعات لا،وقلبي لسه متعلق بيه وبحبه وعندي امل أننا نكون من نصيب بعض، ومبقتش افكر في الموضوع عشان اركز في دراستي، وخلاص امتحاناتي باقي عليها اسبوعين " يوم خلصنا درس انا ورحمه واحنا ماشيين في الطريق جاتلي فكرة _ رحمه بقولك جاتلي فكرة إنما ايه عنب تخلصني من ام تعليم ده واتجوز قرة عيني كمان _ قولي ياحبيبتي مصايبك كترت جت على دي _ بصي ياستي انا هخطف اسلام واجبره يتجوزني ويقعدني في البيت _وماله يلا ننفذ _ يلا والله انا جبت اخري _ يلا اي الله يخربيتك ويخربيت افكارك _ تسلمي يارحومه ها تنفذي معايا ولا انفذ لوحدي وبصيت باصه شر كده " الي هو انا خطر هههههه" ~~~~~~~~~~~~~~~~♥︎ " كنت خارج من جامع كنت بصلي الفجر وحاسس بحد ورايا بس قولت عادي ياعيني " ماشي فجأة لقيتها قدامي قولت بتخيل ندهت عليا استغربت ازاي في شارع دلوقتي _ اسلام انت يابني _ باستغراب نعم فيه اي واي منزلك دلوقتي _ كنت نازله اجيب حاجه كل ده وبتكلم وبشاور لحد من ورا _ حاجه اي الي تنز ...... مالحقش يكمل كلام ووقع في الأرض _ والله جدعه يابت يا رحمه _ اتنيلي جدعه اي انا خايفه اوي _ متخافيش ياباشا بس انجزي ندخله جوه بدل مايفوق ويفضحنا ههههه " مش عارفه عملت كده ازاي وازاي جالي الجرائة اني اخطفه يانهار لو صحي هيولع فيا اصلا، بس كل يهون عشانه " "بعد وقت صحي من المخدر الي خدرته بيه " _ اممم اممم _ دخلت وانا حاطه قناع على وشي واتكلمت بصوت تخين شويه اهدا يابني فيه اي عمال اممم هشيل لزق بس لو صوت هتزعل _ امم _ طيب اهدا وشلت لزق _ انتي مين وعايزة ايه وبتذكر قال وكان معايا واحده بتتكلم وفجأة لقيت نفسي هنا هي فين عملتي فيها ايه _ هتعرف بعدين انا مين وبعدين انت مالك بيها _ انتي الي مالك وبعدين جيباني هنا ليه _ بص هقولك في واحده بتحبك وعايزاك تتجوزها وانت مش عايز تتنيل على عينك وتتحرك ولا حتي شايفها _ واحده مين وبعدين الجواز الايام دي بالخطف ولا ايه ههههه _ يعني موافق وبعدين الموضوع مش كده دي واحده عندها امتحانات ومش عايزة تحضرها وعايزة قرة عينها _ طب وانا مالي شوفي حد غيري _ للأسف هي بتحبك انت _هي مين طيب يمكن متعجبنيش انا اصلا بحب حد تاني وهخطب كمان قريب _ بزعل وصدمه هتخطب بجد _ ايوه وانتي مالك مصدومه ليه شوفلها حد غيري _ للاسف برضو مش هينفع بتحبك انت وممكن تعمل اي عشان تكون ليها _ حتي لو خطفتني يامنه زي ماعملتي كده _ بتوتر منه مين _ بلاش تحوري شيلي القناع ده انا عارفك من اول مافوقت اصلا بس حبيت اخدك على قد عقلك _ والله طب اه انا منه وانت مش هتكون لغيري يااسلام وهتشوف _ بضحك هو انا لسه هشوف بس عارفه شكلك خطر اوي _ جداً بس وانت فعلا هتخطب _ اه وبحبها جداً على فكرة _ عيني اتحولت ووشي بقا احمر من الغضب واتكلمت على جثتي ياحبيبي _ بعد الشر وبعدين هتجوز مين لو موتي يعني _ الي بتحبها _ والله غبيه انا بحبك انتي يابت _ بفرحه وصويت احلف قول والله كده يالهوي قول بجد كده _ اهدي الناس نايمه يخربيتك اه ياستي بحبك انتي من اول يوم شوفتك فيه وكنت براقبك على طول بس كنت مستني تخلصي تعليم عشان اهلك ميبقاش ليهم حجه يرفضوا _ لا اخلص تعليم اي البنت ملهاش غير بيت جوزها ياحبيبي ولا ايه _ طبعا بس برضو تكملي ونتخطب بعد ثالثه اي رايك _ بص انا موافقه على كله ماعدا اني كمل تعليمي قولت اي بدل ماقتل نفسي هنا _ موافق طبعا بس نزلي سلاح يطول _ ايوا كده رجاله متجيش غير بالعين الحمرا _ لا عسلي وحياتك " كنت ماسكه مسدس لعبه اصلا " "وبعد وقت خلصت امتحانات الي أصر برضو اني كملها، وبفضله وبفضل وقوفه جمبي نجحت ودخلت هندسه زي ماكنت عايزة ، وبعد فترة اتجوزنا ، واكتشفت ان احسن حاجه عملتها أن فكرت اخطفه، لولا الفكرة دي مكنش هيتلحلح وياخد خطوة ومكنتش هنجح النجاح ده لولا ولولا تشجيعه ليا" _ وبس كده ياحبيبه بابا لولا افكار ماما الي مودياها في الداهيه مكناش اتجوزنا _ ببراءة يعني يابابا عشان ماما بتحبك خفطتك اخطف سيف صاحبي انا كمان عشان بحبه _بضحك وصوت عالي تعالي شوفي ترتبيتك ياست منه _ خرجت من المطبخ مالها تربيتي ياسي اسلام _ سي اسلام دي بتجبني الأرض والله ماتيجي اقولك سر _ اتلم البنت قاعده _ من عيوني ياجميل الصبر حلو برضو _ ماما انا هخطف سيف زي ماخطفتي بابا عشان تتجوزيه _ وماله ياحبيبتي نخطفه سوا _ متجوز واحده خطر انا خايف تخطفيني تاني _ واي الجديد ياحبيبي انت ليا انا وبس وكنت مستعده اعمل اي حاجه عشان تكون ليا _ بحبك يا خاطفه قلبي من زمان كارما جت وقعدت في حضنهم وانا بحبكوا وبحب سيف كمان ضحكوا عليها وفضلوا وقت كدا و قاعدين بيتفرجوا على تلفزيون وهما مبسوطين تمت ... #خاطف_قلبي_من_زمان #ياسمين_شرف ‏