كان قاعد قدام لاب توب وجمبه ورق الشغل وشكله مشغول دخلت قعدت جمبه ماحسش بيا خالص ده أنا هوريه بس نتكلم في المهم الأول لسة هتكلم قاطعني هو -نعم يا آخرة صبري عايزة إيه -أبتسمت ولفيت ناحيته وأتكلمت بحماس: عايزة ننزل المعز نجيب حاجات رمضان ونعلق الزينة سوا ده أول رمضان نكون سوا فرحانة أوي بجد ضحك ضحكته إللي بتخطف قلبي دي وهو بيقفل لاب توب وجاي ناحيتي -بس كده يلا ياستي أنا كنت ناوي أقولك بس قولت أستني لبكرة بس مش فارقة ألبسي ويلا يا كتكوتة لحد ما ألبس كنت مبسوطة أوي أخيراً حلم من أحلامي هيتحقق هنخرج أنا وقرة عيني ونتمشي ونعلق زينة سوا بالله الواحد فرحان - بفرحة وضحك بوسته من خده بسرعة وأنا بقوله: أنت زوج جدع يولا بالله هلبس فورايرة سمعت ضحكته وهمسه زمانه بيقول مجنونة بالله ********************** -الزينة دي ولا دي أحلى ياسيف -بصلي شوية بتفكير وقال بحب: دي أحلى بس مفيش أجمل منك -أبتسمت ولفيت ناحيته بكسوف: طب خد صورني بقى جمب الفانوس ده -ضحك عليا أن غيرت الموضوع أخد مني الموبايل وأتكلم بضحك: يلا قولي بطيخ يافروحة ضحكت من قلبي عليه صورني كذا صورة قمر زيه وأتصورنا سوا كتير -تعالي معايا كده بسرعة شدني من أيدي ومشينا ناحية محل يبيع فوانيس وعرايس أطفال دخلت معاه بحيرة -أختاري عروسة يلا -بصتله باستغراب وأتكلمت بحيرة: لمين -أتكلم بضحك: ليا ياحبيبتي يارب صبرني ليكي ياماما أبوسه دلوقت ولا أعمل إيه الواد قرة عيني ده أنا بحبه أوي عرف إزاي أن كان نفسي في عروسة فوقني من سرحاني وخلاني أختار كنت محتارة كلهم حلوين أوي ينفع أخدهم كلهم بس عيني جت على عروستين أجمل من بعض -دي حلوة ولا دي ولا الإثنين أنا محتارة ياسيف -بصي ياحبيبي الإثنين حلوين بس دي حلوة تحسيها شبهك جميلة ورقيقة كده حتي بصي عيونها تشبهلك كمل بحب: حتى لو القصاايد موصفوش جماال عيوونك فااقلبى ف حبك غرقاان ياعيوني -أبتسمتله بحب والكسوف: خلاص هاخد العروسة دي يلا نكمل ناقصلنا حاجات كتير مسك أيدي وشدني ناحيته ومشينا سوا وأحنا بنتفرج على الأجواء رمضان في الشارع المعز تجنن بجد وريحة رمضان في شوارع وشوارع كلها بهجة وسرور أشترينا زينةوفوانيس للعيلة وحاجات كتير كده خربت بيته يعني بس فدايا -ها محتاجة حاجة تاني يافروحة ولا كده خلاص -أتكلمت بعد ماشربت حبة من العصير اللي جبهولي: ها كده فل أوي صرفنا فلوس كتير وكمان جبتلي عروسة وحققت حلم من أحلامي وهنشحت طول شهر شكراً ياسيف -بصلي بصة محببة لقلبي وقال بحنية:فداكي ياروحي وبعدين أنا وعدتك إني أحقق أحلامك وأكون معاكي دايما كمل بضحك: لو وصلنا لكده نروح عند ماما أسبوع وعند مامتك حبيبتي أسبوع -معاك حق طب يلا عشان نتمشي شوية ونلحق نعلق الزينة النهاردة ********************** - كده حلو ولا إيه نظام بس لو عايزة رأيي كده حلو أتكلمت بعد ماحطتت أيدها في وسطها: والله سيف أنت بتستعبط مش مظبوطة أعملها عدل بصلي بصة خوفتني وأتكلم وهو بينزل من على سلم: بقى أنا بستعبط ده أنتي ليلتك سودا خدي تعالي هنا جريت طلعت على سفرة وأنا بتأسف: سوري مكنش قصدي بالله -أنزلي يابت - مش نازلة والأمور السهوكة دي ما..اااااااه خلاص والله انت الكبير ياعم وهوب كان ماسكني من قفايا زي الحرامية بالظبط - عارفة لو شغل العبط ده اشتغل ولا قليتي أدبك هربيكي من الأول وجديد فاااهمة -فااهمة ياكبيرر قولتله كده وأنا بحضنه وهو بدلني الحضن وأتكلم بضحك ويأس: مغلباني ومطلعة عيني بس بحبك وللأسف مقدرش أعيش من غيرك ومن غير الهبل بتاعك ده خرجت من حضنه وأنا بتكلم بصوت شبه عالي: نعم يا اخويا أصدق إني هبلة يعني -بدأنا نكد أهو خلينا نكمل الزينة عشان أخرج أصلي التراويح -يلا بينا ياحبيبي بعد وقت - إيه الحلاوة دى ياولا لا طلعت شاطر أهو -شوفتي بقى معمولة بكل حب خلي بالك وبعدين عيونك اللي قمر عشان كده بقت حلوة أتكلمت بضحك وحب: أنت صح بعد صلاة التراويح طلع الشقة كانت هادية ونور الصالة مطفي أفتكرها لسة مع مامته بيصلوا سوا دخل بهدوء وبتدأ يغير هدومه ونام على سرير لسة هيتحرك الناحية تانية سمع صوت فرقعة من برة قام مفزوع على سرير - االبيت بيولع الحقونيييي سمع صوت ضحكتها وهي قاعدة ف الأرض مش قادرة تقوم من كتر ضحك جري عليها ماسكها من قفاها -يابنتي اقطعتيلي الخلف حرام عليكي هموت منك مرة -بعد شر ياحبيبي متققلش هحافظ عليك د أنت قرة عيني برضو بص آخر صاروخ بس - يارب صبرني -هتبقى صبارة كدة ياحبيبي -يابنت الهبلة بصي هاتي صاروخ ده أضربيه فيا وخلصيني -بس كده عيوني تعالي قرب بصلها باستغراب - متخفش قرب بس قرب منها بحذر لاقاها حضنته بحنية: أنت حبيبي وأخويا وابويا وكل ماليا وقرة عيني يولا كل سنة وأنت طيب وكل سنة وأحنا سوا والعمر كله يارب وانا عايشة على قلبك وبرضو هرخم عليك وهفرقع فيك الصواريخ ولو مش عجبك طلقني -عجبني وعجبني أوي كمان كله فداكي وأنتي طيبة ياروح قلب سيف أَنتِ قطعة السُكر التي وضعهَا القدر في كوب أَيامِي المرة 🪐♥️ ********************** -سيف سيف أنت يابني أصحى حبيبي أتقلب على سرير بكسل بصلي وشبه فاتح عيونه شكله حلو وهو لسة صاحي كده وشعره نازل على وشه ومنعكش أثر نوم متجوزة قمر ياناس -أتكلم بنوم: نعم يافرح في إيه -أنا راحة عند ماما عشان أرتب البيت وهعمل معاها شوية حاجات -أتكلم وهو بيلف ناحيتي: مامتي ولا مامتك برضو -أتكلمت بضحك: مامتك ياحبيبي بص هي عايزانا نبات معاها عشان أخواتك جايين بكرة وهعمل معاها الأكل ف أصحى وتعالي بقى واه لو رجعت لقيت الشقة متهبدلة هولع ف... سكت لما لقيته قايم - بتقولي إيه يافرح -بقول همشي عشان متأخرش وتولع فيا سلام ياسيفو حدفتله بوسه في الهوا وجريت على برة -بصوت عالي وضحك: مجنونة مفيش كلام بس بحبك خلي بالك من نفسك ********************** -نبتدي منين بقى ياماما -أتكلمت بضحك على حماسي: أنا شبه خلصت حاجات الأكل بس انتي اللي هتكملي أدام متحمسة أوي كده -أتكلمت بضحك:والله بس ماشي كله على قلبي زي العسل عشان بس بحبك وبحب أبنك -طب يلا ياحبيبتي ورينا الحب ده أنا وحماتي علاقتنا ببعض كويسة جداً بحبها زي مامتي بالظبط لأنها كويسة معايا بس أكيد أكيد بحب أبنها أكتر فوقت من سرحاني وبدأت أشوف الأكل إللي جهزته إيه وباقي إيه يجهز -أتكلمت بصوت عالي وأنا بفتح الحلة: أنتي مش جدعة ياست أنتي عاملة الأكل إللي ولادك بيحبوه وأنا لا دخلتلي المطبخ وهي بتضحك عليا -أه عندك مانع ياروحي -بصتلها بزعل لثواني وأتكلمت: بس أنا روح عند أمي ولا حد يقولي أعملي حاجة ولحد يقولي مش هعملك الأكل إللي بتحبيه هاكل عندها بقى سلام عليكم - أتكلمت وهي بتضرب كف بكف: يابنت الهبلة أصلا أمك جاية بكرة عزمتها هي كمان - أد إيه أنتي ست عظيمة ياحماتي ضحكنا سوا وبعدين قومت أروق البيت اللي هو متروق أصلا بس ولو لازم أروق تاني بعد وقت كنت خلصت بس همسح الأرضية الصالة وهفرشهاوأبقى خلاص خلصت النهايات السعيدة بقى وكده ههههه - بصوت عالي:ميمي خليكي مكانك عشان همسح وهغرق الدنيا ماية -ليه تتعبي نفسك المكان كان نضيف والله بس ماشي عرفاكي عنيدة -تشكري ياحماتي مفيش تعب ولا حاجة كملت اللي بعمله سمعت صوت الباب بيتفتح عرفت أن هو لأن هو الولد الوحيد فرحت لما شوفته وحشني في شوية دول كان في أيده شنط ومركز معاهم مشافنيش -بصوت عالي:ماما أنا جيت ياحبيبتي فر.... ماكملش كلامه لأن هووب أتزحلق في الأرض من الماية - زعق بألم من الواقعة:ااااااه رجلي وبعدين ايه المياة دي روحتله بحذر لتزحلق أنا كمان وأتكلمت بضحك على منظره: هموت مش قادرة شكلك وأنت بتقع مسخرة ههههه -بصلي بشر وأتكلم بعصبية نوعاً ما: قومي يازفتة ساعديني مش قادر بجد وبعدين بتنيلي إيه الشقة نضيفة ومفهاش حاجة لازم دور الخدامة ده يشتغل دلوقت اهو أتكسرت عشان ترتاحي يافرح وفوق كل ده بتضحكي عليا أرجوز قدامك أنا زعلت من كلامه قاله من غير قصد بس أنا بزعل من اقل كلمة وهو عارف كده عيوني دمعت بس مسكت أيده قومته قعدته على كرسي بدون ولا كلمة وبدأت كمل اللي كنت بعمله تاني وبعد وقت خلصت -معلشي ياميمي هروح بس غير هدومي وأكلم ماما وهجيلك -ماشي ياحبيبتي متتأخريش ومتزعليش منه يافرح أنتي عارفة أن عصبي بس حنين وبيحبك والله أبني وأنا عرفاه هزتلها دماغي معني ماشي و سابتها ومشيت قبل ماعيط قدامها وهو نده عليا بس مردتش طلعت شقتنا اللي فوقيها وفضلت أعيط وأنا بلوم نفسي لحد ماحيست بأيد على دماغي لثانية أترعبت بس عرفت أن هو من ريحته مرفعتش دماغي لي وعياطي زاد -حقك على قلبي يافروحة أنتي عارفة أن بتعصب بسرعة وكمان أنتي مستفزة أنا بتألم وأنتي بتضحكي عليا ف أسف حقك عليا متزعليش وبلاش عياط مابحبش أشوف دموعك لا وأنا السبب ندمان بجد مسحت دموعي وأنا ببصله: مين قال إن زعلانة أنا بس دماغي مصدعة شوية قعد جمبي ومسك أيدي وأتكلم بحنية: حقك عليا وعلى قلبي عارف انك زعلانة وبلاش جو عندي صداع والكلام ده أنا حفظك أكتر من نفسك يافرح وأداي رأسك أبوسها ياستي أنا والله بحبك وماليا غيرك يارب أموت لو زعلتك تاني باسني من دماغي وأنا لسة زي ما أنا بس من جوايا فرحانة بكلامه بس زعلت أن دعى على نفسه -لسة زعلانة برضو طب أهو باسني من خدي وحضني وأنا مصدقت ومسكت فيه وأنا بمسح دموعي وبضحك في نفس الوقت: تعرف أن أنا كمان بحبك وأنت متزعلش أن ضحكت عليك بس كان شكلك وأنت بتقع يموت من ضحك ههههه خرجني من حضنه وبصلي شوية وفضل يضحك معايا : تعرفي أن معاكي حق تضحكي منظري كان بيضحك فعلاً هههههه اتكلمت بضحك وأنا بدخل في حضنه تاني:عشان تعرف أن مش بضحك من فراغ -همس لها بحب: إني أراكِ بعين قلبي جنة يامن بقربك مر الحياة يطيب❤️
