قاعدة في البلكونة مستنياه مش عارفة أتأخر كده ليه مش عادته خالص يعملها وأنا إنسانة بخاف جداً ودماغي مش سيباني في حالي كل شوية أتخيل سيناريو مرعب لحد مالقيت أيده على كتفي أترعبت لثانية بس طمنت لما لمحته -أهدي ياحبيبي بصي أسف على.... دخلت في حضنه بسرعه وسط أستغرابه بس ضمني لي وأنا بحمد ربنا أن كويس وبخير خرجت من حضنه وأنا ببصله بكسوف وتوتر -ب بص الموضوع أن بص خلاص تصبح على خير كنت لسة هدخل وهرب منه مسك أيدي وشدني لحضنه قليل الأدب ده على أساس مش أنا اللي حضنته من شوية -أهدي مالك كده وبعدين هو أنا حد غريب أنا زي جوزك يعني بصي أنا فاهمك وفاهم خوفك وفاهم دماغك بتفكر أزاي ف حقك على قلبي والله غصب عني أتأخرت تحبي تعقابيني ياماما ريهام ضحكت على جملته الأخيرة إللي دايما بيقولهالي لما يزعلني رغم أن مش بيزعلني خالص والله إنسان سكر كده يتحب بكل مافيه ضحكته القمر ولا عيونه إللي تشبه القهوة إللي بدوب فيهم دول سرحت فيه شوية لحد مافوقت على صوته -عارف إني حلو وقمر بس عيب كده معندكيش أخوات ولاد خافي عليهم حتى الواحد مش عارف يلاقيها منين ولا منين البنت في شركة برضو قالتلي....... فجأة سكت وبصلي بتوتر لما لقاني مركزة أوي وعيني بتطلع شرار نهار أسود هو قال بنت هخلي عشته سودا وعشيتها أستنوا بس -ها كمل ياحبيبي وبعدين ؟؟ بكلمه وأنا بقرب منه مسكته من تلابيب قميصه أتكلم بخوف: محصلش حاجه أنا بهزر معاكي -وأنا مش بهزر عشان وربي إللي هتبصلك هجبها من شعرها أو قتلها أنت جوزي أنا وحبيبي أنا مش من حق حد غيري يبصلك ولا حتى يتكلم معاك فاهم ولا مش فاهم -أتكلم ببتسامة وفرحة من كلامي: فاهم بس إيه الحلاوة دي ياكتكوتة قمر متجوز قمر والله -بكاش أوي بس حبيبي يولا هدخل أجهز الأكل وأنت غير هدومك وصلي يلا يابابا سابته ودخلت المطبخ أعمله الأكل وأنا متغاظة منه وفي نفس الوقت فرحانة بوجوده في حياتي ولاد عم أتجوزنا بقرار من جده كان جواز عادي مبني على ود والاحترام و بعد فترة حبينا بعض أنا وشاي بالبن بتاعي بقيت بعشقه وبخاف عليه موت لأن بقى كل حياتي من بعد وفاة جده فوقت من سرحاني على صوته -خلصتي ياكتكوتة ولا أساعدك ؟ -خلصت ياكتكوت خرج ده معاك وأنا جاية حالاً خرجت وقعدنا سوا أكلنا وأحنا بنتفرج على كرتون بنحبه لقاني مركزة معاه قام طفيه بصتله بزعل: شغله بالله -طفلة طفلة يعني كلي الأول ياماما وبعدين نشغله -لا شغله الأول -بت اخرسي خلصي أكلك وبعدين نتفرج قولت بصلي بصة خوفتني فأكلت طبقي كله وأنا متغاظة منه بعد فترة......... كنا قاعدين سوا في البلكونة وبنشرب سحلب في الجو سقعة ده ومتغطين سوا بشال بتاعي وبنتأمل سما بس هو بصصلي أتكلمت باستغراب -بصصلي كده ليه ياخالد ؟؟ -....... -أتكلمت بخوف عليه مالك يابني فيك ايه أحكيلي أنا معاك حضني ولسة هطلعه من حضني لقيته بيعيط طبطت عليه وأنا بهديه -بس أهدى عشان خاطري ده نصبيها ياحبيبي متشيليش نفسك ذنب أنت عملت اللي عليك قدام ربنا ده نصيبها ومكتوب ليها عشان خاطري بلاش تلوم نفسك مش هقولك ماتزعلش لا أزعل لأنها تستاهل يتزعل عليها كانت حنينة علينا جداً ياخالد خالتوا حنان كانت طيبة وكل بيحبها وانت اهو منهم لما ولدها سبوها لوحدها كنت انت معاها وجمبها لحد ما تعبت وبرضو كنت معاها لحد ما ربنا افتكرها ربنا يرحمها ويغفر لها ونتقابل معاها في الجنة طلع من حضني وهو بيمسح دموعه كان صعب علينا فراقها والله خالد كان متعلق بيها اكتر مني مشيلش نفسه سبب موتها لأنه ملحقاش وقتها كان في شغل وانا كنت ف كلية رنوا عليه عرف الخبر وملحقش يتصرف لأنها توفت وقتها -أنا بحبك أوي ياريهام الوحيدة اللي واقفة جمبي دايما عمرك مازهقتي مني ولا من مشاكلي ولا من رغي شكراً لوجودك في حياتي ياكتكوتة -أبتسمت بحب عمري ماقدر أزهق منك ولا من وجودك شكراً ليك انت انك في حياتي يا أحلى وأجمل شاي باللبن في حياتي بحبك يولا والله ضحك بيأس من الإسم اللي بحب اندهله بيه: ياستي شاي باللبن شاي باللبن قدام هيخليكي تقولي كلام حلو كده -بصتله بغموض وأنا بتكلم ببتسامة:لما الدنيا تديك ضهرها تعمل إيه يا خالد -أتكلم ببتسامة: أدي ضهرك للدنيا -أتكلمت بنفس الطريقة: القاعدة التانية إيه بقى؟؟ -ببتسامة: ودع الأحزان ياذوق -أتكلمت بنفس الطريقة: القاعدة التالتة ؟؟ أتكلم ببتسامة وغمزة:لما الدنيا تكشرلك عارف تعمل إيه ؟! عوم وأتمختر عوم وأتمختر بوسته من خده بسرعة وأتكلمت ببتسامة فخر وكأنه طفل صغير: أشطر كتكوت برافو عليك ياكتكوت ياقمر أنت -هبلة هبلة يعني - برفعة حاجب: نعم ياخويا بتقول إيه - بقول بحبك ياكتكوتة أنا قدر أقول غير كده -أه بحسب بضحك وهو بيشدني لحضنه: تعالي نحسب سوا ياكتكوتة ************************** -ياخالد وافق بقى عشان خاطري هنروح ونرجع على طول -لا ياريهام قولتك أنا مشغول اليوم ده خليها يوم تاني وأجي معاكي إنما سفر لوحدك لا وألف لا بصتله بحزن ولسة هتكلم قاطعني بكلامه: متحاوليش ياكتكوتة لأن مش هوافق تروحي غير وأنا معاكي ويلا زي الشاطرة حضري الفطار عشان متأخرش فضلت بصاله شوية ودموعي هتنزل سابته ودخلت المطبخ أنا زهقت فيها لو روحت يعني معاهم هيجرا إيه بقى بسبب اللي حصل وهو مانعني أخرج من غيره -متعطيطيش ياروحي هعوضك بسفرية غيرها والله وأحسن منها كمان -مش عايزة وملكش دعوة بيا وسع كده مسك أيدي وشدني لحضنه بحنية: متزعليش حقك على قلبي أنتي عارفة مقدرش أقعد من غيرك كتير وكمان مينفعش تكوني لوحدك مش هكون مطمن عليكي و... قاطعته وأنا بخرج من حضنه: مش هكون لوحدي صحابي معايا بتوع الجامعة انت عرفهم أصلا وافق بقى بصلي شوية وأنا فضلت اترجاه بعيني يوافق لحد ما أتكلم خلاني اتشعلقت في رقبته:موافق ياستي بس مش هنروح معاهم وكمان بعديها بيوم أكون خلصت الأموري هنا ايه رايك -موافقة والله انت احسن زوج وحبيب وأخ وكل حاجة ليا بحبك يولا بضحك:الولا بيموت فيكي يلا بقى حضري الفطار هتأخر كده وهرجع في كلامي جريت بسرعة على مطبخ بعد مابوسته من خده وهو ضحك عليا ضحكته الحلوة اللي مدوباني بيعمل أي حاجة عشان ميزعلنيش وانا مقدرة ده يطلع يطلع وينزل على مافيش مابحبش قده بالله ************************** -خالد أنت يابني أقوم اصحى بقى اتقلب في سرير بتعب وهو بيحاول يفتح عيونه: نعم ياريهام فيه إيه -أنا عايزة أشرب جهينة مكيس وجعانة بصلي بيحاول يستوعب اللي بقوله مسك موبايله يشوف الساعة: وحياة أمك دلوقتي -وحياة أمك اه دلوقتي فيها حاجة دي عمو اللي تحت فاتح مبيقفلش أصلا مسح على وشه وفضل يستغفر ربنا حركة بيعملها عشان ميتعصبش: أتنيلي نامي بدل مانيمك للأبد قال جهينة مكيس قال غوري قال كلامه ونام على سرير وحط المخدة على وشه أسكت لا طبعاً فضلت أنادي عليه ماهو لازم يعرف وكمان أنا خايفة أوي -خالد خالد قوم أقعد معايا عايزة أقولك حاجة ضروري رمى المخدة على الأرض وقام قعد جمبي وهو مش طايقني -نعم يازفتة أديني قومت خير -بس أنا خايفة أوي من اللي جاي كملت بعياط وسط استغرابه شدني لحضنه وفضل يطبطب عليا ويهديني - اهدي مالك بس أنا آسف عشان زعقتلك والله وبعدين خايفة من ايه أنا معاكي ياحبيبي أتكلمت من بين دموعي: هكون ماما وأنت بابا ياخالد بس أنا خايفة اوي معرفش ليه -أهدي كل حاجة هتتح... إيه قولتي إيه ؟؟؟ -أنا حامل ياخالد خرجني من حضنه وفجأة وقف على سرير بيطنطط زي الطفل إللي كسب لعبة كان نفسه فيها -يالله الحمدلله يارب الحمدلله شوفتي مش قولتك ربنا هيعوضنا ويرزقني بحته منك ومني أنا فرحان أوي ياريهام حضني جامد بفرحة بدلته الحضن وأنا فرحانة جداً -بحبك يولا ياخالد -الولا بيحبك ياقلب خالد أميل للأشياء اللطيفه مثل السماء ، والبحر ، وعيناك♥️
