.حتا لواحد النهار غدي يصوني التيليفون لوفاء شافت السمية ولي هي ماما وفاء:ألو ماما الأم (فاطمة):ألو بنتي وكديرا بخير كديرة مع الصحيحة كلشي بخير كديرة زينب أش كتعاودو ،أه من نهار دفنوه مزاروه ،لمعيطت متعيطو وفاء :لابس الحمد لله وحتا زينب لابس عليها راك لقيتيها خارجة أما كون كلمتها لك وكدير بابا كلشي بخير ،راه غير مع التبرزيط ديال مدينة جديدة وراك نتي عارفة وكان وسمحي لينا المهم راك نتي كتعيطي فاطمة : ماشي موشكيل ،وراني عارفة تمارة ديال الانتقال ،إوا راني صونيت عليك راه خالتك لي في العروبية مزوجة بنتها وعارضا عليكم لعرسها وفاء :إوا مبرووووك ،فرحت ليها من قلبي ،إوا إمتاش العرس فاطمة :نهار الأحد وفاء :ومالكم ماعلمتونا بكري حتا بقات 4أيام ،ولا كلشي جا على غفلة فاطمة :إوا راه نيت كلشي جا على غفلة وفاء:بغيتك أماما تسولي لي خالتي واش نعرض على واحد المرا عزيزة عليا راه هي لي كرات لينا هي ولدها وواحد صحبتي فاطمة :أنا غادي نسولك ونرد عليك ،إوا سلمي لي على زينب وقوليها راه إلى مصوناتش لي راه غدي يبقى في الحال وغدي نسخط عليها وفاء :واخا وبلغي لي سلامي لبابا فاطمة :ياله بسلامة فاطمة قطعت التيليفون صونات لختها عائشة(الأم العروس) تسولها قبل ما تنسا عائشة:ألو فاطمة:ألو ختي كديرة مع الصحيحة كلشي بخير عائشة:لابس الحمد لله ونتي فاطمة :الحمد لله ،إوا راه صونيت ليك على ود نتشاور معاك ،راه بناتي باغيين يجيبو واحد المرا كرات ليهم وراه ولات عزيزة عليها وواحد صحبتهم ،زعما يعرضو عليهم عائشة :أويلي الهبيلة ملقيتي على متشاوري ،قولي ليهم لبغاو يجيبو الدرب كامل يجيبوه ،أقولي لا هاد شي بيناتنا فاطمة :عارفاك ،وعارفة راسي عزيزة عندك ،راه غدا ندوز عندكم نعونك عائشة:مرحبا بيك راه شحال مشتك فاطمة :إوا نخليك النوض نجمع صكاني قطعت فاطمة سيفطت لبنتها ميساج راه خالتها موافقة ونرجعو عند وفاء لي شافت الميساج هبطت تجري عند لالة فاطنة وقفت عند الباب لي لقاتو محلول ودخلت وكتعيط خالتي وخالتي فاطنة:أش طاري وفاء :ماطاري والو راه غير خالتي مزوجة بنتها وعارضا عليك نتي وبلال فاطنة :وإمتا هادشي وفاء :راه نهار الأحد ،وغدي نمشيو نهار قبل راه الطريق طويل فاطنة :متكون غير هي اللولة ،نحيد شغالاتي باش نجيبها هي هاديك وفاء :إوا خليتك غدي نمشي عند نورة فاطمة :طريق السلامة أبنتي وسلمي على نورة قوليها تجي تزورنا راه شحال مشناها إوا هبطت وفاء مع الدروج صونات على زينب وعلمتها على داك شي لي قالت ماماها وعلمتها راه خرجت مع قطعت دورت الخط لنورة وفاء :ألو نورة :ألو وفاء: وفين شدها نورة : راه غير الدار ،راه عيانة شوية دارني راسي وفاء :ميكون عندك باس إوا راني باغا نتلاقا معاك نورة :جي عندي للدار وفاء: ياكما بنت ليك كنعلم الغيب في كنعرف أنا داركم نورة :أنا راه غادي نسيفط ليك الموقع وفاء : صافي ياله تنتلاقاو سيفطت ليها الموقع وشدات طاكسي ومشات ونمشيو عند زينب لي خرجت باش تشري مقادير ديال كيكة (السيدة مهووسة حلويات) إوا هي غير شرات المقادير صونات عليها وفاء وعلمتها فرحت ومع الفرحة مكانتش كتشوف قدامها حتا دخلت فشي واحد والسيدة حسات بحالا تساطحت مع جبل ماشي بنادم ،ومع السيدة جبهة باش تقول سمحلي وتزيد سايرة كتغوت :واش عور مكتشوف قدامك وهي تهز راسها ومتلقا غير صاحب دعوتها ،شكون من غيرو يعقوب يعقوب :وديك البتيبانة كفاش مكتشوف قدامك راك نتي لي داخلة فيا زينب (هاد الهيشة عواضا متسكت وتمشي بحالها بلاما تحس):البتيبانة هي ختك وهي تعيق أشنو خرجت من فهمها ،وهي تبدا ضرب ففمها لي ديما خارج عليها يعقوب (للعلم معندوش ختو) ولكن مرضاش وزيد ردت فعل ديالها ضحكاتو وبغا يخلعها:لنتي طغيتي ياك كنقول ليك مضوريش بساحتي ولكن نتي كتجي عندي برجليك وهو يقرب لوجهها وشدها وهز ليها راسها حتا تلاقات العين مع العين .وسادت دقيقة صمت هرسها العدو اللدود للحظات الرومنسية ،ياسر جاي عند خوه من بعد مخدا الغدا ديالهم لي هو جوج طاكوس والموندا وهنا زينب أصبحت فهدا ففي رمشت عين لقاها يعقوب كتجري بعيد عليهم ،وهنا يعقوب ضار عند خوه وقال :بغيت غير نعرف الواليدة و أنا أشمن ذنب درنا حتا عطاك لينا سيدي ربي ونمشيو عند وفاء لي وصلت لواحد الفيلة كبيرة (بالطبع هي مغديش تصدم بحالنا حيت راه دارهم كبر من هادي ) صونات وخرجت ليها نورة وحلت الباب نورة :دخلي مرحبا وفاء :ترحب بيك الجنة الحبيبة ودخلو ،مشاو ݣلسو في الصالون وعيطت نورة للخدامة باش توجد شي حاجة خفيفة ياكلوها وݣلست وفاء كطمأن عليها و كتقلب في راسها واش فيها السخانة وملي لقاتها بخير نورة وهي تشعل التلفازة حتا لقات الأخبار مقلوبة سفاهة على علاها بسباب أن رجل أعمال كبير وجد مقتول بطريقة متقونة فالشرطة لم تجد أدلة كما ظهرت جرائم قام بها رجل أعمال من إغتصابات وبيع في الأعضاء وجرائم كثيرة وهذا ما جعل الرأي العام ينقصم إلا قصمين من هم من يتفق أن القتل ليس عقابا جيدا أكثر من السجن الذي يعتبر مذلة للشخص ،والثاني الذي يرى بأن أحسن عقاب فيمكن للمجرم الهروب من العقوبة عن طريق الرشوة هنا وفاء خدات التيليكوموند وطفات التلفازة وضارت عند نورة وتفكرت علاش جات وفاء :كنتي غادي تنسيني راه خالتي عارضة عليك لعرس بنتها وراه نهار الأحد نورة :بصح إوا راه خاصنا نوجدو وفاء :شوفي أول حاجة غدا نمشيو للحمام المغربي ونمشيو للصالون ومن بعد نمشيو نشريو أحسن قفطان كين نورة :مشات ناضت جابت تليفونها وقالت :أش بالك ندربو على الشطيح لي نديرو في العرس وفاء مع الضومين ديالها هاد شي مرفضاتش إوا طلقت نورة الشعبي ،وهنا وفاء تحزمت وبدات كتشطح (هنا وفاء كتاشفت موهبتها في الشطيح) بقاو كيشطحو ومجهدين الموسيقى لدرجة وصلت الطابق الثاني لي فيه خو نورة لي سميتو مراد ( (غدي نشرح ليكم بالعربية مخلطة بالدارجة)السيد ذو كتفين عملاقين مع طول شاهق فورمة مهيبة من النوع لي كيتريني أما وجوه كيبان قاصي مع بعض الليونة وملامح عربية وشعر بني وأعينه كذلك واللحية مطراسية أما خدمتو كولونير وإخبراتي )إوا السيد بقوة الموسيقى ناض من نعاس وهو لابس سروال رياضي و قميص سماطي مزير عليه مبين صدرو وهو هابط مع الدروج ضار جيهت الصالة حتا كتبان ليه درية من غير ختو كتشطح وكتحير بشعرها الكحل الطويل بحال الليل ومع كل حركت كتقوم بيها قلبو كيزيد يضرب ،السيد مفهم والو عقلو تلف هنا ضارت وفاء حيت وخا بعيد سمعات حسو وحيدت باش كانت محزمت هي تنغز نورة لي شافت خوها وهي تلاح على التليفون طفاتو مراد عاد فاق وضار عند ختو :هاديك نقص شوية من الصوت نورة : صافي لقيتينا غادي نطلعو لبيتي وهي تعيط على الخدامة علمتها ملي تسالي تطلع الماكلة للفوق شدت وفاء من إيدها ودازت من حداك ،أما هو شم واحد الريحة بحال المسك رائحة كتريح الأعصاب أما وفاء :شكون هداك نورة:خويا الكبير راني عودت ليك عليه وفاء :وعلاش مقلتي لي راه كين في الدار نورة :راه حتا أنا نسيت وراه كان ناعس إوا دخلو للبيت وݣلوسو ،أما مراد رجع لبيتو لي ملاصق لبيت ختو أما نورة ورات لوفاء كلمات أغنية كتبته وطرحت على وفاء تغنيها وفاء وافقت ،للتذكير صوتها خيال🔥🔥 إوا بدات كتغني .وهنا الصوت وصل لمراد لي جعلو يرتاح ويهدنو كأنو طفل وهنا عرف أنه وقع في غرام هاد البنت إوا ملي كلاو وسلاو وفاء قرات تمشي ،سلمت على نورة ودارت معاها غدا يتلاقاو ومشات ،نورة مع سدات الباب لقات خوها من وراه هنا نورة قفزت بالخلعة :الله ياأخويا دير غا الحس مراد :شكون هادي لي كانت معاك نورة :أه وفاء هدي صحبتي كتقرا معايا وراه هي لي دويت ليك عليها نهار تعطلت وقلت كنت عندها مراد :وفين كتسكن نورة :ونتا سوقك ،حيد عليا خليني نمشي نوجد حوايجي وأه قبل مانسا راه بنت خالة وفاء عارضت عليا لعرسها راه غدي نمشي ليه ضار راجع غدي يݣلس باقي كيفكر فوفاء صوتها ريحتها شكلها أما وفاء مشات للدار طلعت لقات زينب هبطت عند لالة فاطنة من بعد مصيبت كيكة ملي دخلت عند لالة فاطنة لقاتهم ياله ݣلسو إوا حتا هي ݣلست وبقاو كتعاودو وعلمتهم على الحمام باش يمشيو مجموعين من بعد مسالاو ناضو غسلو الماعن وطلعو لداره وكلا وحدة دخلت لبيتها ونعسوا ☀️أصبحنا وأصبح الملك لله☀️ ناضت وفاء شوية معطلت حتا كتلقا زينب قدامها مجهزة ومصايبة كلشي ودايرة واحد الماسك لشعرها وفوقو زيف حياتي وجلابة في الباج وكتغوت:إمتاش باغا تنوضي ياله باش نلقاو الحمام خاوي وفاء :وخا تكوني غادا تحري الصحراء غمديريش هاد الحالة ناضت وفاء غسلت وفطرت وهي تفكر نورة صونات ليها ،لي لقاتها قدام الباب كتسناهم إوا هنا وفاء لبست جلابة في الغوز مع زيف حياتي وهبطو تلقاو لالة فاطنة خارجة وهبطو لطريق الحمام ،المهم مشاو كمدو عظامهم ومشاو الصالون ورجعو للدار ومعاهم حتا نورة لقرات تبات عندهم إوا فالغد هزهم بلال بالطنوبيل لي طلبها من واحد صاحبو وداهم لواحد المحال ديال القفطان دخلو ختارو ،راه القالب غالب هاد شي علاش ملقاوش موشكيل (وفاء ختارت تكشيطة كحلة مطرزة بالذهبي مع حزام سامبل من نفس اللون بلاما نعطي رأيي راها جات🔥🔥❤️)(أما زين ختارت تكشيطة خضر مطزة وحزام سامبل من نفس اللون)(أما نورة خدات تكشيطة زرقة غامقة مطرزة بالعقيق وحزام سامبل من نفس اللون ) ومن بعد مشاو لمحال باش ياخدو كوستيم للبلال وخداو ليه كوستيم سامبل كحل مع قميجة بيضة ورجعو للدار في الغد مع الظهر قرو يشدو الطريق نورة لبست تجينز مع تيشورت بيض وسندالة ،أما وفاء ساية بسيطة طويلة مع حزام من البلاكيور ذهبي وبودي بيض سندالة كحلة ،أما زينب لبست سروال ثوب مفضفض بيض مع قميجة بيضة سندالة كحلة ،وبلال لبس شورط وتيشرت مع سندالة ديال الصبع ،ولالة فاطنة لبست جلابة باللون الأخضر وفولار من نفس اللون مع صابو ديال الجلد كحل وساك كبير كحل.كلشي ركب ونطالقو موقفو حتا للدوار لي فيه خالة الدريات ،بقاو غاديين حتا وصلو الفيرمة(رجل خالة الدريات هو رجل أعمال و رئيس القبيلة وعندو سلا فيرمات يعني بوكو حبة ) ودخلو للفيرمة نزلو حتا كطير زينب عند ماماها وعنقتها وتبعاها وفاء وهنا جات لالة فاطنة سلمت على لالة فاطمة فاطمة :مرحبا بيك فاطنة:ربي يكبر بيك فاطمة :وشكرا على تقابيل ديال بناتي فاطنة :الله راه عالم راهم بحال بناتي لي معطاهومش لي ربي فاطمة :راني عارفة راه عاودو لي ،وراه عزاز عندي راه هما لي عندي مكنتش باغا نبعد منهم كلا ما هاد راس الطنݣ ديال زينب كلشي كيضحك وداز بلال ونورة سلمو وهوا يخرج سي محمد وهما يمشيو الدريات سلمو عليه المهم دخلو سلمو وبدلو وݣلسو كيعونو وملي سلاو طلعو شافو العروس وفوجو عليها خفو عليها التوتر والمهم سلاو ونعسو ☀️أصبحنا وأصبح الملك لله☀️ نهار العرس ،الدريات صبحو فيقين باش يمشيو مع العروسة عند الكوافورة ،إوا مشاو معاها تقادت العروسة وحتا هما ،وهما لبسو تكاشطهم وحتا العروسة وكلا وحدة وحدة فيهم كتقول الزين عندي إوا سلاو ركبو ومشاو للفيرمة (لأصف لكم مكان العرس هو خزانات مع جو القاعات المتنقلة مع الفيرمة متيسعة ومع أجواء العروبية العروسة كتجي مع الهدية لي كتكون من ذهب والروايح واللباس والشكلاط والتمر ...،مع عبيدات الرمى والتزعريت وكلاكسون الطنوبيل حتا وصلو للقاعة هبطت العروسة وشدت فيد العريس ودخلو للقاعة يبرزو وديك الساعة ناض الستاتي لي كان غدي يحيي هاد العرس هو وشي مغنيين أخرين بأغاني ديال الشعبي وهنا الدريات والناس ناضو كيشطحو ووسط هاد شي كتبان لينا عين حاضيا نورة ولي كنعرفو أنه مروان والي هو خو العروسة الكبير والوريث لهاذ الخير كامل ونائب رئيس القبيلة ورجل أعمال ناجح وحتا هو ذو جمال فريد بقامة طويلة رياضية ولحية قليلة مطراسية وبشرة قمحية وعينين كحلين وشعر كحل قليل حيت ياله حلق ،والسيد ملي شافها حس بخنجر الحب طعن قلبو ونرجعو عند الدريات لي عاطينها لشطيح ومحزمين (للتذكير العرس مختلط)حتا شي يد كتشد زينب وكتجرهامعرفت شكون ،وديك اليد مزيرة عليها شوية وتغوت ،وهما غادين ،هنا وفاء لاحظت هاد شي ياله باغا تبعهم حتا وقف عليها واحد حتا هي جرها وملقات مدير حيت كينة فالعرس ،أما نورة من بعد مختفاو عاد لاحظت وخرجت كتقلب عليهم . ونرجعو عند زينب لوصلت برا الخزانة وبالضبط حدا الدار وهي مع شافت وجهو بغات تغوت ،وهو حط يدو على فمها ولصقها مع الحيط ،هي مفهمت والو كفاش يعقوب هنا يعقوب:وراك شيخة مع راسك سيرا تشطحي قدام الشماية وحيد إيدو من فوق فمها زينب : لا راه ...أه ونتا سوقك وزيد نتا أش كدير هنا يعقوب بكل قواه العقلية قبلها (ولأن الرواية نظيفة نوعا ما مغديش ندخلو فالتفاصيل)وهي هنا معرت واش محستش ولا مداركتش الموقف عوضا متصليه ودير شي حركة ،كملت هضرتها (راني قلت ليكم شوية مريضة) زينب :أش جيتي دير هنا يعقوب :هاد شي علاش مركزة ،راه العريس ولد خالتي يعقوب :من اللخر نتي ديالي ولقاك مع شي واحد متلومي غير نفسك لنتي لهو زينب عاد بلغها البارد وطلعتها السخانة ملي سمعت هاد الهضرة وتفكرت القبلة (للعلم هادي أول قبلة عند زينب فراه الطيران ماشي سبب اي خلاها تخرج الطريق)وهنا زينب بݣاع القوة لي عطاها سيدي ربي هزت إيدها وصرفقاتو ومشات، وهو خلاتو كيفكر بالسلوك ديالو لي عرفو أنه ماشي هو هداك (فراه حتا يعقوب كانت أول قبلة ليه ،وكيفما قلت عندو إعاقة فالمشاعر ) ونمشيو عند نورة لي خرجت برا حتا تبعها مروان ووقف عليها ، مروان: سلام نورة :سلام مروان :نجيك الصراحة راكي عجبتيني وبغيتك للحلال نورة :سير أخويا راني مشغولة ،مشتينيش كنقلب مروان :واش كتقلبي على شي واحد راه دارنا هادي لبغتي نوريك نورة :كنقلب على واحد الدريات وفاء و زينب مروان :وفاء و زينب ...أه بنات خالتي نورة :لنتا ولد خالتهم مروان :راني قلت ليك الدار ديالنا راه العروسة ختي نورة :أه وسمحلي لتصرفت معاك بحال هكا راه غير مخلوعة عليهم مروان :لا ماشي موشكيل ،أنا مروان نورة :مشرفين أنا نورة مروان :مشرفين ،المهم نمشيو نقلبو راه باينة زينب مشات وتبعتها وفاء لدخل راسها فشي موصيبة ومشاو كيضحكو وكيعود ليها على زينب وكوارث لي كدير وكيفاش وفاء كتفكها ونمشيو عند وفاء لي وقف عليها واحد ،خرجو حتا هما ،وشكون لي غادي يكون شافها كتشطح وزاد طاح فيها وقال فنفسو يقصدها من بعد ماشاف خوه قصد زينب ونيت باش يفرقهم الخواتات على بعضياتهم ،ونرجعو ونلقاو ياسر حاط يدو على الحيط وقدامو وفاء ياسر : من اللخر راكي عجبتيني وزعما لبغيتي تعطيني النمرة وفاء معطلاتوش : خويا نتا أصلا منشوف فك حتا فسبيل الله وهنا ياسر مرضاش وقرر يخرج القوة باش يتبتها ومع هز يدو حتا لقاها من وراه حاطة سكين 🔪 على عنقو وفاء :تحرك ،متلوم غير نفسك ياسر :صدقتي مساهلاش وفاء :من اللول متلعبش معا لي متقدش عليه ،ودبا أنا مشيت ومرة أخرى متلوم غير نفسك وهي غادا،خلات ياسر مذهول بالسرعة ديالها (هو راه مشافش راه كان غدي يموت)والسيد عاد قرر أنها غادي تكون ليه وخا يوقع لي وقع ورجعو الدريات و تلاقاو بنورة ودخلو للخزانة وݣلسو فالطابلة ،حتا وفاء كيوصلها ميساج من رقم مجهول ولكن هي عارفاه مزيان من عندمن الميساج وشنو فداك الميساج كنتمنا تدعموني بتعليق ونجمة 🌟 باش نكمل وشكرا لي كقراو الرواية
