الفصل الاول

#wala2iat #المتمردة_والثعلب (1) يا ريناد انتي فين ريناد : ايوة يا ماما خلاص اهو كان في قضية في ايدي وخلصت ونازلة كريمان الام : بسرعه لسه هتروحي البيت تغيري وتطلعي علي البيوتي سنتر مع نوران ريناد : امي بقولك ايه انا جايه ابارك وانقط واخلص كريمان : وليه ما ترميلهم الهديه في وشهم وتشتميهم ولا اقولك لميهم في الحجز يا بنت مهاب ريناد بضيق وتنفخ : انتي بس متضايقيش نفسك وقولي لي عاوزة ايه كريمان : عاوزة احس اني مخلفه بنت تلبسي الفستان الي انا اشتريتهولك وتنزلي البيوتي سنتر مع نوران ريناد : يا ماما كريمان : بتمثل العياط اه يا ميلة بختك في بنتك ريناد بزهق انا بقولك جاية بس ممكن تحضري لي الهيلز كريمان : جاهز والشنطة وانا جاية معاكي ريناد : هتسيبي خالتي يا كوكي كريمان : يعني اسيب رينو يعني خالتك معاها جوزها وعيالها انما انتي ملكيش غيري يا روح كوكي ريناد في نفسها وبعدين بقي في الزنقة دي دي قافشه و برضه رينو لو العساكر سمعوها هبقي مهزقة المديريه انا رائد ريناد مهاب ابقي رينو كريمان : الو الو ريناد: معاكي يا كوكي بس كنت باخد يوتيرن يلا بقي سلام وطيارة هبقي هنا كريمان : توصلي بالف سلامه ............................... يا محمود انا مليش في الخروجات دي ولا بحبها محمود: يا رامي تعالي معيا انت عارف امي مصره اروح انقي عروسه وهناخد معانا مهند وسيف ونسيبنا منها وجو الافراح دا ونقعد سوا بس ابقي سكتها رامي: انت تسكت امك وتبليني انا ثم اني عندي شغل محمود : بص انا راي تسكت امك انت كمان لانها مع امي ونخلص رامي : هو انا صغير يا حبيبي علي الي بتقوله دا وبعدين متنساش اني رئيسك المباشر محمود : رئيسي المباشر ومثلي الاعلي واشهر عازب فيكي يا مصر بس انجز بقي علشان العيال مستنياك ومجهزين سهرة انما ايه فله رامي : سهرة ايه يا صيع يا عار المخابرات محمود : لاء انت فكرك ايه بس الفجر يا قلبي في سباق كدا ناوين نشارك فيه رامي : سباق وقلبي ولا انت انحرفت ولا ايه محمود : عيب يا باشا انا اقدر دا سباق برئ بالموتسيكلات انت عارف بنطلع فيه طاقتنا رامي : والسباق دا فين يا حيلتها انت وهو ان شاء الله وواخدين اذن محمود : يا باشا دا علي البلاي ستيشن ومتراهنين العشا علي الي هيخسر رامي : انا قدري اقع في وسط عيال تافهه زيكم بلاي ستيشن سيبتم ايه لل تن ايدجر محمود : لاء دول بيعملو سباقات بحق وحقيقي دلوقتي دا احنا جنبهم غلابه رامي : اهلكم ظلموكم لما دخلوكم شرطة كانو مفروض يدخلوكم رياض اطفال انا بقي هرتب لكم سباق بحقيقي وهنشوف مين هيكسب محمود : ايوة بقي يا كبير امو ت انا في سف الاسفلت .................................................... وصلت الي المنزل ووجدت امها وابنة خالتها دخلت غرفتها الام : خلصي يا ريري بسرعه ريناد : حاضر يا كريمان حاضر هغسل وشي واغير لتدخل عليها ابنة خالها زتنظر لها وتضحك ريناد : وبعدين يا بت يا عيشه في عمتك دي عائشه : ارحميني يا مهاب وقوليلي عائش عائشه زفته بلاش عيشه دي شغل بين القصرين دا بقي بطليه ريناد : يابت المهم النيه الله المهم اعمل ايه في عمتك عائشه : يبقي سيبك من دور ابوكي الي عايشه فيه دا واتجوزي ماله الجواز دا جميل طيب انا اقولك بقي يا رينو لو حبيتي هتتغيري ريناد : ايه يعني هيطلعلي 3 عيون ولا وشي هيبقي في قفايا ما الام : اخلصي يا اخرة صبري هنتاخر علي البيوتي سنتر وصلو ودخلت بفستانها الذي يغطي ركبتها وواسع وبسيط وسلمت علي الجميع وعلي العروسه وطلبت الام منهم اشاء لتجلس باستسلام الام تنظر لها برضي تام مشاء الله بدر ليله تمامه عائشه : بجد يا خلتي دا الله يكون الشباب في الفرح لما يشوفو الجمال دا ريناد: جمال دا يبقي ابوكي يا بنت خالي ما تفوقي يا بنت يا عيشه مش كفايه عمتك الي بتقولي ريري هتضيع هيبتي في الداخليه تمسك عائشه شنطة ريناد وهي ترميها لها اتفضلي يلا كلنا خلصنا هنتاخر ياتي العريس ليصطحب عروسه في الطريق وفي الاشارة سيده تصرخ حرامي حرامي لتنزل ريناذ وهي تقف في وسط الشارع تخلع الهيلز وترميه في السيارة وتضع بلرينا في قدمها بسرعه الصاروخ تقفز بين وعلي السيارات وسط ذهول الجميع لتمسك الحرامي وتصر ان تطلب الشرطه لتسليمه وسط ذهول امها وبكاءها من افعال ابنتها وما كان ان طلبت ابيها عاجبك كدا بنتك هتموتني مهاب : ايه يا كوكي بس مالك وفي ايه قصت له كريمان ما حدث جلس يبتسم بخبث وهو يمثل الغضب : لاء انا هتصرف معاها متضايقيش نفسك كريمان الشارع واقف بسببها وانت عارف مبعرفش اسوق مهاب : متضايقيش نفسك ابعتيلي لوكيشن وانا هتصر ف لتدلف ريناد وسط اعجاب الكثيرين من شجاعه وقوة تلك الحسناء الذي فعلت ما لم يفعله الرجال وضيق البعض من تعطيل المرور لتذهب الي الفرح وتصر ان تبقي ب البلرينا وسط ضيق امها وما ان فتحت الام حقيبة ابنتها تبحث عن مساحيق تجميل لتضبط ما افسده الجري حتي تجد مسد سها لتصرخ : مسد س يا ريناد حرام عليكي في الروج والحاجات التانيه الي انا حاهالك بايدي ريناد ببرود: اه في درج العربيه شلتهم علشان الشنطة صغيره مخدتهمش مع الطبنجة ثم ان شغل نحنحة البنات دا مش شبهيي يا كوكي ارحميني شويه احسن اقسم بالله اوصلك وارجع كريمان بضيق : انجزي هاتي ما اضبط الزفت الي في وشك دا ومتقعدليش زي الكبه ابقي اتحركي مع البنات ريناد: حاضر جبتي البدله معاكي ولا هستلف كريمان بعدم استفهام : بدلة ايه ريناد :ب بدلة الرقص علشان احيي لهم الفرح يمكن اعجب كريمان : تجز علي اسنانها انجزي وانزلي حرام عليكي لتدخل ريناد وسط ذهول واعجاب الجميع من جمالها الساحر تسلم علي العائله وتجلس لياتي شاب تسمحي اتعرف عليكي ريناد : اجري ياحبيب مامتك بدل ما ايدك تو حشك عائشه : تهمس لها حرام عليكي مقالش حاجة ريناد: اتعرفي عليه انتي يا نحنوحة يلا قومي تعالي معايا امسح خريطة العالم الي في وشي دي بدل ما اصور قتيل هنا عائشه : امك علي اخرها عدي اليوم ريناد بضيق : طيب انتيلت اهو عائشه :جسم قمر واسلوب عربجية ريناد : اتك/تمي يا عيشه عائشه: افردي بوزك امك بتبص عليكي ...................................... خرج رامي واصحابه ليقيمو سباق درجات ومعهم مجموعه من زملائهم رتبه لهم رامي في طريق ممهد داخل تل مرتفع في مكان نائي ليقضو اليوم في سعاده وجو يخلو من اي ضجه او نساء وازعاج كما يردد دائما وسط ضيق بعض اصدقاءه ...................................................... ................ينتهي اليوم علي الجميع وياتي الصباح بيوم جديد وفي اليوم التالي في مكتب في مديريه الامن يجلس اللواء رئيس القطاع ومعه رامي ومعه محمود وسيف ومهند اللواء : اهلا بالثعلب ورجاته رامي : تمام يا فندم اهلا بسيادتك يتقدم محمود : تمام ي فندم رائد محمود تهامي يليه سيف : تمام يا فندم رائد سيف الدين نصار يليه مهند : تمام يا فندم نقيب مهند مندور اللواء عبد الناصر : اهلا بالاسود نورتو القطاع رامي : اهلا بيك يا فندم شرف لينا اننا هنشتغل مع سيادتك اللواء عبد الناصر : مبروك اخر مهمة يا بطل مسمعه في الداخليه كلها فكرتني ب ابوك الله يرحمه كان قلبه ميت رامي : الله يرحمه يا فندم واشكر سيادتك اللواء عبد الناصر : تشربو ايه يبدا الاخرون بطلب ليرمقهم رامي بنظرة اخرستهم ويلتفت الي اللواء رامي : ولا حاجه يا فندم احنا نبدا شغل افضل عبد الناصر : الاول نشرب قهوة يا رامي ورن علي الجرس بجوارة لياتي له عسكري عبد الناصر : مصطفي شوف البشوات يشربو ايه وشوفلي مهاب فين مصطفي : تمام يا فندم لينظرو اليه بطلب قهوتهم ليصل الي رامي الذي يطلب رامي : عارف يا ابني كوباية العصير مصطفي : اه طبعا يا فندم رمي اعملي فيها قهوة تقيله سادة مغليه مصطفي تمام يا فندم عبد الناصر : ينظر في ساعته رامي يا فندم انا ممكن اعرف منتظرين ايه عبد الناصر : منتظرين مهاب فاضل لسه 3دقائق يا رامي تكون القهوة كمان وصلت يهمهم الثلاثه من خلفة مين مهاب دا الي بيوصل بالدقيقه واللواء بينتظره رامي : مش عاوز مناقشات جانبيه عاوزين نركز اكيد ضابط معانا من الادارة هيشتغل معانا لتدخل فتاه ايه في الجمال تجعل سيف ومحمود يفتحون افواههم ويحدقون باعينهم وكانهم لم يرو فتيات من قبل فتاه انها حوريه في زي ضابط شرطة وبكل هدوء تسحب كرسي بجواراهم بعد قدمت التحية العسكرية وتجلس دون ان تنطق بكلمة فيكون اللواء علي راس الاجتماع وعلي يمنه جلست وبجوارها رامي وعز الدين وهو نقيب من الادارة وامامهم محمود وسيف ومهند عبد الناصر : بصو يا شباب المهمة بتاعتنا سريه لينظر اليه رامي وينظر للجالسه بجوارة بدهشة ا يخبط الباب عبد الناصر : القهوة وصلت لينظر الي مصطفي مصطفي : قفل المكاتب ومش عاوز حد يدخل علينا ولا حتي محيط المكتب مصطفي : تمام يا فندم رامي: معلش يا سيادة اللواء مش حضرتك قولت هنستني مهاب علشان بس منعدش الكلام مرتين يضحك نور الدين ويحاول ان يكتم ضحكته فترمقه ريناد نظرة اخرسته وتقاطع اللواء ريناد : متشرفناش بالبشوات يا فندم اللواء عبد الناصر : دول المجموعه الي هنعمل معاهم المهمة الجاية من امن الدولة ليشير للجالس بجوارها المقدم رامي منصور محمود تهامي رائد سيف الدين نصار نقيب مهند مندور لتنظر اليهم ريناد متفحصاهم وهي تقول : رائد ريناد مهاب لينظر لها رامي ايه انتي معانا ان شاء الله في المهمة ريناد: لاء حضرتك رامي : اه انا بحسب ريناد: سيادتك وفريقك الي معايا في المهمة دي واتمني يكون الي سمعناه عنكم مضبوط مش صيط علي الفاضي علشان انا معنديش استعداد المهمة تبوظ ليعلو صوت رامي : انتي مين انتي اصلا علشان تقولي كدا واضح ان سمعك تقيل يا سيادة الرائد ومتعرفيش بتكلمي مين ريناد ترتشف ببرد رشفه من كوب القهوة الذي في يدها وتنظر له بكلم ضابط وتنظر علي كتفه برتبه مقدم عادي يعني هكون بكلم مين ليبدا وجه رامي في الاحمرار وينظر له فريقه بخوف وينظر عز الدين ل ريناد وهو يغمض عينيه ويضع يده عي راسه ويقطع الحديث اللواء عبد الناصر : اهدو يا شباب احنا مطولين مع بعض ويلتفت ل ريناد يا ريناد دا رامي منصور الثعلب زي ما متسمي في المخابرات لياتي اتصال للواء ويستاذن للرد عليه بعيدا عنهم لتنظر اليه ريناد ببرود تشرفنا يا وتدير وجهها وتعود اليه باشا وهي تضغط علي حروف الكلمة وتنظر له بنظرة مستفذة وترجع للباقيين وانتو بقي رجالته يعني جايبكم معاه ولا ليستشيطو غضبا من تلك المتعجرفه ويرد رامي رامي : دا فريقي يا سيادة الرائد عندك مانع سيادتك ولا حاجة لترد ريناد : ولو عندي يعني دا اوامر ولازم ننفذها يا سيادة المقدم وياريت نخلص من الاجتماع بهدوء علشان عندي طالعه ليهمس رامي : الكوافير بقي ولا ايه ويسمعه الجالس بجواره من الاتجاه الاخر وهو يحدق فيهم ويضحك وهو يقول ربنا يستر لينظر اليه رامي مبتسما عندما علم انه سمع كلماته وهو الاخر سمع كلماته لتنظر له ريناد نظرة وهي تقول : ايه يا عز الظاهر ترشيحي ليك هيبقي غلطه ما تضبط نفسك ايه بيضحك في الكلام ليجلس عز وهو يقول تمام يا فندم اصل افتكرت حاجة ريناد: لاء يا فندي انت الحاجة دي تفتكرها بره الاجتماع هنا تركز وتنظر للجميع والكل يركز ليهمس اليه سيف من بعيد وسط انشغال ريناد في التقليب في هاتفها ببرود ايه يا عز هو الكلام علي ايه ليرد له عز وهو يضع يده علي فمه منبها اياه ان يصمت ليعود اللواء : معلش يا رجاله دا من مكتب الوزير بالتعليمات الجديده ليرد رامي وهو ينظر الي ريناد الجالسه بجوارة بسخريه : ولا يهمك يا سيادة اللوا بس احنا متعودين ان شغلنا كله رجالة والحريم بتكون شغل اداري او تفتيش احنا هنقوم بالمهمة ولا هنحمي الهانم ليضع عز الدين يده علي راسه وهو يقول كملت كان طيب وينظر له سيف ومحمود ومهند باستغراب من هذا المجنون الذي بالتاكيد لا يعلم مع من يتحدث وبسرعه تقف ريناد وتكور كفها وتض/ربه ض/ربة مباغته في انفه لي/نزف قليلا وهي تنظر ل اللواء ببراءه وتقول ريناد : اسفه يا سيادة اللوا اسفه يا رامي باشا التراي بس كانت قفشه فكنت بفكها لينظر ثلاثتهم اليها وهوم يقولون بهمس الله يرحمها كانت جميلة لينظر رامي لها بغضب : وهو يحاول ان يتمالك نفسه محصلش حاجة يا سيادة الرائد ويضغط علي اسنانه لما تعلق انا هفكهالك نهائي واريحك منها والتفت الي اللواء احنا ضيعنا وقت سيادتك يا فندم في التعارف ياريت نبدا يا فندم لتؤكد ريناد علي كلامه :بالضبط يا فندم اللواء : الموضوع خطير دول عصابة تهر يب هرو ين وبتهرب عن طريق خليج العقبة وبطريقه ولا حد يعرفها زرعنا راجل بتاعنا في وسطهم وبلغنا ان في شحنة كبيره هتدخل قريب بس منعرفش امتي هو بيحاول يعرف بس طبعا دي اسرار المهم واحد منهم عنده شركة سياحة ومعروف في المنطقه وله علاقات حتي مع الشرطه هناك رامي: وطالما عرفتوهم يا فندم ايه مطلوب ريناد ببرود احنا عرفنا الديل وعلشان الشغل يبقي نضيف يبقي لازم واشارت علي راسه نقط/ع الراس يا باشا عبد الناصر مؤكدا: بالضبط كدا احنا سايبنهم بل بنطمعهم ونسهلهم ونمسك الصغيرين قبل التوزيع علشان نعرف الراس ومعلوماتنا ان العمليه الجايه كبيره والراس اكيد هتكون فيها انتو بقي مهمتكم انكم هتعملو نفسكم من ضمن فوج ريناد عارضه ومصممة ازياء وانت مدير اعمالها والباقي حراستها الخاصة علشان يكون ليه مبرر وجود اسلحتكم معاكم وهناك في مسابقه Miss Arab بالفعل ريناد هتشارك فيها رامي : بس يا فندم دي متنفعش او قصدي مش معروفه وشكلها وينظر اليها وهياتها لالالا العارضات بيكونو بنات بجد تحل من علي حبل المشنقه وكمان مسابقة زي دي عاوزة انثي جميلة ورقيقه ومثقفه وعندها مقومات جذابه انما انا ك راجل شايف ان مهاب باشا مش هينفع خالص انا ك شاب وليا نظرة بقول لسيادتك عاوزين بنوته حلوة ريناد لم تتمالك نفسها من الغضب ونظرت له بقوة ريناد : والله لو الباشا مش اد المهمة دي يعتذر وهتنجح من غيره انا مش عارفه ما الادارة مليانه ضباط تيجبو دول ليه اكيد متسابقة زيي هتنقي مدير اعمال وجهه ووسيم مش نسخة مصغره من بيومي فؤاد بس ناقصه كرش عبد الناصر : انتو عرفتو التفاصيل المبدئيه ياريت تتفضلو علي مكاتبكم وبليل هكون جهزت ليكم باقي التفاصيل تقدرو تنصرفو ريناد استني انتي ونظر الي عز الدين عز الدين وصل رامي باشا للمكتب المخصص له ووري الباقي مكتبهم ونظر الي رامي انا جهزت لك مكتب منفصل وفي بينه وبين مكاتب فريقك باب تقدرو تشتغلو بحريه وكمان احنا لسه مع بعض فترة فياريت نهدي كدا عز الدين : تمام يا فندم رامي: تمام يا فندم والباقي ابدي تحيتهم وهم يخرجون ................. في الخارج بقي دي مفيهاش مقومات الانوثه يا شيخ حرام عليك سيف: دي ايه مزة طح/ن محمود : مش شبه البت بتاعة امبارح الي كانت بتتخانق في الاشارة رامي: انتو اتهب/لتو دي راجل متنكر ونظر الي عز ولا ايه يا عز عز الدين : ربنا يستر يا باشا مهند بضحك : ايه يا ابني بتشتغل معاكم ازاي دي عز: دي مشيبه الادارة انتو معانا وهتشوفو ويدخلو مكاتببهم ...................... اللواء عبد الناصر:ك ريناد خفي حبة عليهم ريناد: ما سيادتك شايف يا فندم مستفذين ازاي وبعدين دي اشكال تقوم بمهمة ي عبد الناصر بيضحك : يا شيخة حرام عليكي دا الواد قمر دا بينقوه مخصوص علشان شبه الاجانب دا غير انه مبيسبش اثر وراه في شغله ولا بيتمسك عليه غلطه وذكي جدا ريناد : حضرتك مسمعتش اسلوبه معايا هو يفرق معاه ايه بنت ولا راجل ملفي يشهدلي يا فندم كفائتي الداخليه كلها عارفاها عبد الناصر : معلش هو ميعرفش لان شغله اغلبه بره مش هنا المهم هما معانا في الادارة وعاوز الدنيا تهدي مكنش ينفع التراي تقفش علي وشه يا ريناد لولا اني انا الي مربيكي ولو كان حد مش بكافاتك كنتي خدتي فيها جزا وخصوصا ان المهمة دي هيكون رئيسك المباشر لانه اعلي رتبه منك ريناد: يا فندم انا يقاطعها : انتي هتروحي تعتذري له ونضبط شغلنا مش كوني عمك هداري عليكي ابوكي نفسه مبيداريش علي حد اللفت نظر الوحيد في ملفي كان منه لما منفذتش الاوامر وانا معاه في سينا قبل ما يبقي مدير امن وبالرغم ان المهمة نجحت بس انا اتص/بت وهو عملي لفت نظر علشان عرضت حياتي للخ/طر بعدم الالتزام بالاوامر وانا الي سمحت انك تشتغلي هنا زيك زي الرجاله علي مسؤليتي الشخصيه صحيح انتي ادها بس انتي بنت واحلي بنت وفتح لها احضانه ريناد ترتمي بحضنه وتقبله حاضر يا احلي عمو في الدنيا ربنا يخليك ليا عبد الناصر : خلاص بقي يا سيادة الرائد علي مكتبك وقبل راسها وعمو دي في البيت مش هنا يلا انصراف ............................ مهاب : يا عبد الناصر انت عارف ان ريناد بنتي الوحيده عبد الناصر : متخافش يا باشا انا جايب معاها اكفئ رجالة المخابرات وبعدين ما سيادتك ربتنا علي ان الوطن اولا ومفيش فرق في الشغل مهاب : امها عاملة لي مناحة عبد الناصر : وكريمان عرفت منين مهاب : عرفت ايه دي لو عرفت كانت خ/ربت الدنيا دي مناحة اننا السبب واحنا الي طلعنا في دماغها تبقي ضابط واكيد كنتو عاوزين ولد وطلعتو عقدكم في بنتي البنت في الفرح امبارح لابسة سوارية وواخده مسدسها في شنطتها وهما راجعين بليل وقفت في الاشاره مسكت حرامي وض/ربته وكانت ليله عبد الناصر : تربيه اسود صحيح مهاب : خلاص انت بس تامنها وربنا يستر والي معاها دول عبد الناصر : دا الثعلب بنفسه وفريقه متقلقش مهاب : ربنا يستر من كريمان عبد الناصر : هي مش هترتاح الي لما تجوزها مهو لو كنتو جبتو كام عيل كانت اتلخمت بيهم مهاب : الي حصل بقي كانت خايفه علي شكلها انت عارف طول عمرها ليدي فازاي بسهوله تتقبل ان بنتها راجل ................................ دخلت ريناد مكتب رامي واغلقته بقوة لدرجة ان الجميع خرج عليه وعلمو من العساكر انها ريناد ليعودو ادراجهم فترك ما بيده وهو ينظر لها رامي : خير يا سيادة الرائد في حاجة اقتربت منه ريناد ريناد : دا كيس تلج حطه علي منخيرك مهو مش هتكون خلقة ربنا كدا استغفر الله العظيم ملناش دخل فيها وكمان تتشوه بخبطه ورانا شغل ورمته له وهو التقطه وهو يقول رامي: شكرا مش محتاجة متعود علي اكتر من كدا مش لعب العيال دا الي هيوجعني ريناد: طيب استني بقي لما اوريك لعب الكبار لتلف في الهواء وتحاول ص/فعه بقدمها ليتفاداها بمهاره ويجذ بها من ذرعها لتفكه منها بحرفيه ويظلو علي هذا الاشتباك ليتجمع الجميع خارج باب المكتب يستمعون الخبط والتك/سير ويفتح زملائه الباب الاوسط بين مكتبهم ومكتبه وينظرون ببلاهه لما يحدث وكل من رامي وريناد يحاول اصا بة الاخر ولكن الاخر يتفاداه وبعدما لاحظا وقوف ثلاثتهم وقفت ريناد ونظرت لهم ترمقهم بنظرتها وهو اتجه الي مكتبه الذي تبعثر كل ما فيه واقتربت منه جدا وهو وفريقه في حالة ذهول مما تفعله لتضغط علي جرس بجواره يدخل مصطفي لتقفز من فوق المكتب وتنظر بحده لذلك الذي جلس علي مكتبه ببرود يضع قدم فوق الاخري ريناد دون النظر لمن دخل : مصطفي هات 2 ونضفو مكتب الباشا لان ترتيبه مكنش عاجبني وابقي هات ليمون للبشوات مطولين معانا ومحتاجين يروقو دم/هم ونظرت ل مصطفي لمون خلاط مخصوص ها وزود لهم نعناع علشان مفيد للتركيز وفتحت المكتب لتجد الجميع بالخارج لتصرخ بهم علي شغلكم ايه التهريج دا ليجري الجميع مهرولا وهي تصرخ عز جهزت الطالعه ولسه هنضيع اليوم في المعارف والسلامات عز بتوتر : تمام يا فندم سيادة اللواء قال نص ساعه علشان هنجهز اوراق سيادتك لرامي باشا علشان شغله لترمقه بنظرة وترمق رامي وهو تقول الباشا شغال معايا لانه ضيف انا هنا الريس بتاعكم اوعي تنسو الكلام دا ونظرت ل مصطفي انت واقف ليه تعليماتي تتنفذ ليجري مهرولا وهو يقول ربنا يستر عز : طيب يا فندم اقول لسيادة اللواء ايه ريناد : علي اما اخد تصبيحتي تكون خلصت الي اطلب منك وجهزت القوة وشيكتو علي سلا حكم مش عاوزة غلطه متنساش انك شغال مع ري مهاب عز : تمام يا فنده وسط ذهول رامي وفريقه مما يحدث ل تدلف الي مكتبه الذي يقع امام مكتبه وترزع الباب بقوة تهز الدور وسط مراقبة عبد الناصر في الكاميرات لما يحدث وهو ينفخ خسارة والله القوة دي علي بنتك بس بنتك ابوكي وعمك بصحي ليخرج علي صوت تكس/ير قوي