\#الأوهاب\_\(قُربان\) بقلمي :\- مريم احمد لا تنسون متابعه الحسابي \+ التصويت \+ تعليق بين الفقرات ♥️ مُر بيه على كد الشوك موش اكثر 💔 \.\.\.\.\.\.\.\.\.\.\.\.\.\.\.\. ديالى/199\* سمعت صوت الأذان ابتـسمت وكمت نعسانه باوعت بصفي نايمه زهره بنت عمي بعدت الغطه عنها وصحت يم اذانها \-زهرره كوووومي انصلييي فزت مرعوبه وهمست \- يمه جفلتيني زهره شبيج ضحكت واتقربت بستها من خدها قوي \- اشاقه زهوره يلا كومي نصلي ابتسمت وهزت راسها طلعنا بره صار بوجهي ابويه وعمامي ديتوضون صبحنا عليهم بصوت واحد \- صباح الخير ردو علينه كلهم سوه ومبتسمين \- صباح النور اتقربنا يمهم كملو وراحو يصلون واني وزهره اتوضينا وصلينا ورحنا للمطبخ نسوان عمامي وامي كلهن واكفات يسون ريوك فاطمه \- صباح الخير بصوت واحد \- صباح النور متأخرات اليوم ردت زهره \- عزاا وين اكو هستوها ب4 الفجر بعده ما طالع خيط النهار ردت مرت عمي جبير هناء \- جاا شرايده تبقين للضهاري جاوبتها امي \- ولج هناء شتردين من البنات بعدهن صغار وبعد وكت حتى الصبح ما طالع زهره \- ديلا يلا كملو اكل ع سريع ترا جوعانه ابتسمت امها وهزت راسها اخذتني وطلعنا حجيت وياها بزعل \- زهره ليش ما تبتعدين عنهن ترا الله ما يجرعهن نسوان عمامي \- وطبهن مرض جا شني تردين ياكلني ويشربني \- انت الي اكلتيهن وشربتيهم تدرين ضحكت وهزت راسها غمزتلي وحجت \- نروح نكعد الولد هزيت راسي وكل وحده ركضت الغرفه دخلت الغرفة حميد ابن عمي محمد اتقربت يمه نايم وشواربه بعدهن هستوهن طكن ضحكت بصوت ناصي واتقربت يم اذانه وصرخت \- لـك حـميد دخلووووونا اركــض كمز بسرعه ودفعني وكعت بلكاع واني خربانه ضحك من شكله فاتح عيونه جنه ضفدع صرخ بيه \- لج فاطــمه اليـوم ادفنج كمت بسرعه طلعت وهو وراي شفت غيث ابن عمي واكف ركضت وره حضنته واصرخ \- دخيـله يمـك يـبن عمي حمـيد يريد يطكني خزرني حميد يصرخ \- جا غيث نايم اني واجت عاطت بنص اذاني كمـزتني سحـبني من وره غـيث رجع شعـري وره أذني وكـال \- لـيش بابا وكحه انـتِ انا مو كتلج صيري عاقله بـاوعت بعيونه وكـلبي يدك سـريع هزيت راسي ودنكت اشر الحميد يروح وسـحبني من ايدي الغـرفته وحجه \- مـريتي كبـرت بس الضاهر ما ناويه تكبر \- مـو انا ردت اشاقي وهو ميتحمل \- فطوومه اعقلي لا تسودنيني ترا وعلي بس اكول العمي اريدها هسه يكول صغيره من وره عقلج ولا جن بنت 18 سنه هـزيت راسي كرص خدي وكال \- روحي بابا جـاي وراج كملو الأكل ركضت طلعت وجهي يطلع نار رحـت يمهم ينقلون بالاكل غمزتلي زهره عضيت شفتي خازرتها ضحـكت وكعدنا ع الاكل كلنا وشمس الصبح تضرب بينه وطيور تفتر فوك روسنا بده عمي الاكبر وهو سمير ابو غيث يـاكل وراه بدينا احنا وهاي عادتنا ضروري وره ما ياكل لكمته الاوله اكبر واحد بالعائله نبدي وره بالاكل احنا اكلنا بـدون صـوت وكلنا مدنكين على الاكل رفعت راسـي صـارت عيوني ع غيث عيونه ع زهره ما اهتميت بس هو اول ما باوعلي ابتسم ودنك كملنا اكل وكعدت اني وزهره يم عمامي سمير ومحمد باوعلي ابويا يبتسم مسح عيونـي وبـاسهن \- بنيتي الـحلوه حضنته وحجيت \- وانت ابويا الحلو احـبك سمير \- احترمووو وجودي ابويا بعدني عنه وحجه ضايج \- بنتي وما شوف شي عيب \- اييي احترمو كومي فاطمه جيبيلي ماي حجت زهره \- هاي عمي يمك الماي ما تلوحه؟؟ جاوبها ابوها محمد \- لتدخلين زهـره مالج دخل ابتسمت مستهزئه وشرب عمي الماي وكلمن راح الشغله اني وزهره مالنا شغل بالبيت لا تنضيف ولا طـبخ اجتني زهره تركض العصر \- عمي سمير سمحلنا نطلع للبستان كومي وياي عليج العباس كمت بسرعه فرحانه \- كـولي والله \- اي اي والله كـومي نـروح يلا لبسنا شالاتنا الورديه وطلعنا نركض للبستان لعبنا شوي وكعدنا باوعت عليه تضحك \- تخـيلي يجي اليـوم اطلع بي منا ونتزوج اني وهيبت ونروح البغداد على نهر دجله \- جا شبيها ديالى الوصخه \- انت خليج يم غيث الخنيثه يسمع كلام امه واخواته وماعنده كلمه \- انجبي لج هو بس عيونه تاخذ العقل \- ايع اندارت عني لعبانه نفسها وهي صدك متحبه ابـد وكل ما نـكعد وحدنا تُكلب دنيا عليه زهره هي اكبر مني بسنه وثنينا سادس ابتدائي وبطلنا بسبب الوضع وزهره تحب واحد من بغداد اسمه هيبت اخو جوارينه ام سعد اربع سنوات علاقه واتقدملها 5 مرات بس عمامي ميقبلون عمي سمير عنده غيث ويمان وسندس وسليمه البنات متزوجات ويمان يدرس بغداد وعمي محمد عنده حميد واياد وعادل وزهره وابويا حسين عنده بس اني وحيدته وامـي وره ولادتي تعبت وقلعت الرحم وابويا ما قبل يتزوج مرت الايام بين عـلاقتي بغيث وعلاقه زهره وهيـبت يـوم عن يوم تزيد وطول ما هو يم اخته هي يمهم حتى عماتي بدن يشكن بيها الحد ما بيوم كاعدين كلنا باوعلي حميد غمزلي خزرته ودنكت راسي همستلي زهره زهره \- اكـلج ليش يباوعلي هيج غيث رفعت راسي هو كبل دنك \- شمدريني بس يمكن عيونه صارت عـليج \- اي يمكن سمير \- اضن كلنا موجودين اليـوم واني ضروري احجي وياكم بالموضوع المهم رفعت راسي وكلنا واكفين حجت مرت عمي سمير هناء \- سمـير من رخـصتك لو الموضوع الحاجيتني بي البارحه فا أعـذرني انا ما قابله \- ميهمني رائيج دنكت هي وتباوع الزهره تخزرها عصرت ايدي زهره قوي وهمست \- خايفه فاطمه \- قابل شكو حسين \- احجي سمير انشاء الله خير حجه عمي وياريته ما حاجي \-انـا طالب ايد زهـره الغـيث ابـني باوعت الغيث يباوع الزهره مبتسم شهكت زهره وكامت وكـفت وكالت \- عمووو شدتحجي انت \- هاهيه قررت عمو مبروك كالها وكام طلع من الديوان باوعولي عادل واياد دموعي نزلن مادري شلون وصلت يم غيث وضربته بكل قـوتي صاح ابوي \- فاااطمه شهكت وتفلت علي وهو يباوعلي ساكت \- متوقعتك عـار الهاي درجه لك انييي عرضك يالخزيي هناء \- من كسر بيدج شو دتعاي اتقربت جرتني هوسه يمي كلهم يحجون ويصيحون عليه واني عيوني بس على غيث الواكف جـامد وجكارته بحلكه سحبني ابويا من نصهم جرني للغرفه صاح بيه \- شلوووون تمدين ايدج ع ابن عمج احجيليي شنووو بيناتكم وهيج انهاريتي فاطمه كعدت بالكاع اناشغ كلبي يوجعني حجيت من بين شهكاتي \- بابا احبه والله وهو يحبني من اني وصغيره يكلي انتي الي وانا الج جا ليش هيج كسرني بابا اتقرب كومني وعيونه يتطاير منها شرار حجه بحده \- فاطمه عشك شنووو وينج وين الحب فاطمه بابا قبل يختلف عن هسه هاي من جنتو صغار هسه انتو كبار \- لا لا بابا هسه وبعد قبل كم يوم حاضني يكلي اني احبج راح احاجي عمييي الحد اليوم الصبح مشطلي شعري وباسني من راسي وكال انت الي و\.\. بعدني ممكمله حسيت بحراره الراشدي ضربني وطلع من الغرفه ودخلت زهره وامي يركضن \- فاطمه والله ما اقبل بي والله شتتوقعين اكسرج هاي الكسره \- كومي ماما فاطمة ابوج دخل السمير يحجي ويا لا تخافين \- كسرني ماما كسرني كلبي ديوجعني حجت زهره وصدمتنا بكلامها من كالت \- انا حتى لو انجبرت ع غيث ماكدر اني وهيبت متزوجين بالسر باوعتلها امـي مصدوومه واني فتحت عيوني هزت راسها وطلعت من الغرفه كمت بسرعه وراها ماكو احد كلهم دخلو الغرفهم ركضت وراها طلعنا وره الحوش كعدت تبجي تقربت منها وهمست \- زهره عقدتو شنو \- ايي فاطمه قبل كم يوم هيبت جاب شيخ وعقدنا بالسر بس اخته تدري \- زهره لو عرفو تدرين شيصير \- يذبحوني اعـرف سكتت كعدت يمها وهي بس تبجي للصبح اني وياها وحده كاعده بصف الثانيه وما نمنا ابد رحت للحمام اتوضى ودموعي ينزلن كملت طلعت صار بوجهي غيث وجهه ازرك عفته ورحت حسيته يمشي وراي لزمني من ايدي سحبني علي قوي \- الله ياخذكك عوفني \- اشششش سد حلكي واني جوه ايده بس اريد افلت سحبني وره البيت ساد حلكي قوي عضيت ايده ما هدني الحد ما همس يم اذاني هدئت وانصدمت من كال \- اششش سترت على بنت عمج الشريفه الرايحه نايمه وي واحد عار ومات البارحه فزينا ع صوت شهكه من ورانا تبـاوع على غيث وعيونها حمر گلـبي يدك سريع اريد اسيطر ع دكاته ما اكدر وزهره صرخت بي \- لك غيييث كتلت زلمتي اتقرب منها دفعته قوي وباوعتلي بانكسار وهمست \- كتل حب عمري غيـث فاطمه كالتها وكعت فاقده ما اتقربت منها مصدومه شالها بسرعه غيث وركض بيها جوه كعدت بلكاع كلبي يوجعني غمضت عيوني صوت هوسه جوه \- مستـحيل غيث يقـتل مستحيل ياربي تموت زهره والله تموت طلعت بدون حجاب بره ركضت ع بيت ام سعد دكيتها كومه يلا فتح الباب ابو سعد \- ها عموو شبيج كسرتي الباب \- عمو صدك هيبت اخو ام سعد مات ؟ نزل راسه بيأس وهز راسه \- اي عموو اندعم قبل كم يوم والبارحه مات بس شكو عفته ورجعت للبيت كلهم ملتمين عفتهم ورحت للغرفه زهره نايمه ويمها امي تبجي \- ماما شبيها \- لج فاطمه زهره حـامل ولج \- ماما هيبت مات شهكت امـي ودنكت تبجي امي هي الي مربيه زهره وتحبها اهواي وزهره كذالك متعلقه بأمي وكلشي تحجيلها لان امها مثل عمامي حقراء كعدت يم راسها الحد ما صحت تبجي وتحجي \- ليش كتله والله ما شبعت من شوفته ولا من حضنه \- كافي زهره كافييي غيث ما كتله هو اندعم ومات \- لالا هيبت كلي ماعوفج انت روحي شلون يعوفني \- زهره انت حبله شوفي حل المشكلتج وعوفي هيبت الحبلج وراح يم ربه باوعتلي دموعها ينزلن مشت ايدها ع بطنها تبتسم رغم دموعها ما وكفن لحضه همست بقهر \- جان يكلي انـت راح تشيلين طفلي من اول ليله غمضت عيوني استغفر وادعي تُــمر على خير وزهره مستمره تحجي \- بس هو لو بي شي جان گلبي وجعني فاطمه عطت بيها \- اسكتي كـافيييي زهره كافيييي عفتها وطلعت مرت 4 اشهر الولد اتزوجو وزهره منعزله علمود العده بطنها بدت تبين وحددو موعد عرس غيث وزهره ما حجيت اي شي علمود زهره وبيوم العرس جهزتها باوعتلي بانكسار \- مالحكت اشبع من شوفته ولا احزن والبس اسود شفتي فاطمه عريسي راح وحتزوج العاشكه كـلبج سكتت ما حجيت شي الحد ما بده العرس ما حضرته ابد ما اتحمل اشوفه وهو ينزف البنت عمي وصديقتي خلص العرس وزفوهم اني واميره مرت عادل بلشنه بالشغل الحد ما سمعنا هوسه بره وطلعنا نركض واشوف ابويا واكع من طوله وساندي الولد صرخت وركضت علي \- شبي ابويييا يمة سمير \- حضرووو السياره يمان \- يابه حضر هسه شووون سمير \- بسررررعه ولكم راح يموت كلبناها صريخ طلع غيث بملابسه الداخليه يركض يصيح \- شكووو شكووو \- لك يمه عمك حسين طاح من طوله \- شلون شبي شصاير ما نعرف جان يحجي وي عمك سمير وطاح غمضت عيوني دايخه لزمني غيث بسرعه \- مابي شي بابا اهدي سحبت نفسي عنه ورحت اتوضيت ودخلت للغرفه اصلي وابجي كملت كعدت ع سجاده اشهك واحجي \-ربي دخيلك منين اتلكاها ضربتين ع راس توجع ماعندي غير ابويا وامي بهاي الدنيا كلشي ولا توجع كلبي بيهم غيث غدرني وكسر خاطري لتكسرني باهلي بعد طول اليل كاعده وحدي صوتهم بره الحد ما فززني صراخ بره طلعت اركض واشوف امي تلطم وتصرخ ونسوان عمامي صار عيوني على غيث منزل راسه ودموعه ينزلن ع خده حسيت دنيا افترت بيها وكعت اخر شي شفته بحضن غيث وغمضت عيوني حسيت ع صوت هوسه فتحت عيوني يمي زهره تبجي نزلت دموعي بهدوء كمت سحبت رجلي وحطيت راسي بين رجلي واشهك ماجنت اعرف شلون اصرخ او الطم ثلاث ايام الفاتحه اني منعزله عن كلشي وماحجي وي اي بشر رابع يوم دخل غيث درت وجهي عنه كعد مقابيلي وحجه \- فطومه كـومي اكلي بابا \- ما اريـد غيث اطلع عوفني \- ما اطلع فاطمه شوفي وجهج وعيونج شصاير بيهن دنكت ساكته ودموعي ينزلن دخلت زهره بيدها اكل وكالت \- هاي ما تمشي بالعين واغاتي غيث تعاي اكلي لا اموتج جاوبتها \- ماريد والله ما اشتهي نفسي لعبانه حجه غيث \- مو بكيفج بابا خزرته ودفعته \- لا تكـول بابا انت مو ابوي يلااا اطلعوووو اتقربت زهره حطت ايدها ع جتفي دفعتها حجت \- بس اجيب راح يطلكني غيث لا عبالج احنا متزوجين كلمن ينام بمكان وهو حاسبني مثل اخته \- فاطمه اني احبج الج والاخر يوم بحياتي احبج الج وراح تصيرين مرتي زهره مثل اختي عمري كله ما باوعت عليها بغير نضره ولو ما متزوجها تنذبح والله زين مني انيي ما ذبحتها بيدي وطميت عارها زهره \- ترااا حلال حلال عاقديييين غيث \- سدي حلكج عطت بيهم \- اسكتو ثنينكم وطلعوووو ماريد سم باوعلي غيث بعصبيه وكام \- وطبج عرج كومييي زهره اخذ زهره وطلعو اكلت من الاكل الجابته ونمت مر طيف ابوي كدامي يبتسم وفاتح ايده ركضت اريد احضنه بس شي قيدني صرخت اريد اوصل اله ماكدر ركضت زهره قبلي حضنت ابويا وابتسمولي ثنينهم شمرت عليه ورده بيضه واختفو ثنينهم فزيت اصرخ انفتحت الباب ودخلو الولد ركض عليه غيث حضني واني اشهك \- اشش بابا ماكو شي اشش حجيت واني اناشغ بحضنه \- ما قبل ياخذني حضن زهره وعافوني رحت اريد احضنه بس ما قبل غيث اريد بابا كلهم عافونيي \- اهديي اييي اهدي فاطمه مو هيج جيبووو ماي شربني ماي وعمي يقره ع راسي المعوذات الحد ما غفيت و بيوم رحت للحمام واسمع صوت من الديوان جاي رحت اشوف منو سمعت صَوت غيث ديحجي بالتلفون الارضي ما اهتميت انداريت ارجع وصدمني كلام غـيث \- ثق بمحمد يا هيبت لو بس طلع اضفر منك احرك اهلك وزهره وياك داكلك مرتييي صارت لا مو مرتك اني طلكتها منك معليكك اصلاً زهره حامل مني هسه بالله العظيم لو اتقربت منها احركم ثنينكم لك بابا متريدك لو تريدك ما عرضت نفسها عليه وهسه حامل مني وبولد ديلا انت زلمه خلي رجلك تطخ ديالى يتبع\.\.\. \_\_\_\_\_\_\_\_\_\_\_\_\_\_\_\_ حسابي الانستا :\- mream\_\.98
