فرسان الظلام

قبل اما نبدأ صلوا على الحبيب ♥️♥️ ________________ _مين انتم وبتعملوا ايه فى بيتى؟؟ _جايين نلعب معاك شويه ونمشى _افندم ! _اوف منك محمود ليه بتقول كده خضيت الراجل _ولا يهمك يا انس هصلح الموقف حالا _بص يا سعيد بيه احنا جايين ناخد حاجه تخصنا وهنمشى علطول _حاجه ايه دى اللى تخصكم فى بيتى؟؟ _اسأل ابنك يا سعيد بيه وياريت متعطلناش اكتر من كده كان هناك شاب وسيم ينزل على الدرج ويقول : _فى ايه يابابا ؟ _طارق انت تعرف الناس دى وايه اللى يخصهم فى بيتى جايين ياخدوه وبيقولولى اسأل ابنك ! _يا اهلا "بفرسان الظلام " _اهلا بيك يا "طروق" مش حذرناك قبل كده انك متقربش من حاجه تخصنا ولا تفتش ورانا علشان احنا زعلنا وحش اوى _شايفك يا "محمود" بتهددنى لا وفى بيتى كمان _احنا مبنهددش وانت عارف كده كويس يا "طروق" احنا بنفذ علطول _مفيش حاجه تخصكم هنا اتفضلوا يلا برا بيتى وهنا اتكلم سعيد والد طارق وقال: _فى ايه يا طارق انا مش فاهم حاجه _معلش يابابا ادخل انت ارتاح وانا هفهمك وبعد دخول سعيد خرج طارق سلاحه وقال: _ وانا كمان مبتهددش يا محمود وخد اخواتك واطلعوا بره يلا رد ادم وقال: _مش هنمشى غير أما ناخد الحاجه اللى تخصنا _قولتلكم ملكوش ح... وقبل أما طارق يكمل كلامه لقى صوت أنوثى هو عارفه كويس بيقرب وبيقول: _ "طاروقى" حبيبى فى ايه وبعدين مش هتيجى تكمل اختيار بقيت اللبس معايا _"استبرق" حبيبتى معلش تطلعى على اوضتك دلوقتي وشويه وهجيلك يلا بسرعه _"احمد" رد وقال اوباااا مين القمر _طارق بصلوا بغضب وقال بغضب وصوت عالى "استبررق" على اوضتك _محمود قال طيب نستأذن احنا بقى لاننا خدنا اللى احنا عايزينوا خلاص طارق رد وقال: _محمووود متلعبش معايا ورجع المستند _قرب محمود منه ودفعه لدرجه ان طارق سقط على الأرض من قوه الضربه وخرج فرسان الظلام ___________________________ تعالوا اعرفكم على أبطال روايتنا محمود : وده بقى قائد فرسان الظلام (الخماسى الحارق)وهو أكبرهم  وهو شاب وسيم جدا ويبلغ من العمر ٣٠ عام ادم : اخو محمود وهو ثانى عضو من الفريق الخماسى الحارق ويبلغ من العمر ٢٦ عام احمد : اخو محمود وادم وهو العضو الثالث ويبلغ من العمر ٢٤ عام انس : ابن عم محمود وادم واحمد وصاحب طفولتهم وهو العضو الرابع ويبلغ من العمر ٢٢ عام شادى:وهو أخو انس والعضو الخامس ويبلغ من العمر ٢١ عام وهما الخمسه شغالين فى منظمه تبع المافيا واللقب بتاعهم "فرسان الظلام" أو "الخماسى الحارق " ___________________________ طارق : شاب وسيم وبيشتغل فى المخابرات برتبه رائد ويبلغ من العمر ٢٧ عام سعيد : والد طارق ويبلغ من العمر ٥٠ عام استبرق : اخت طارق وهى بنت لطيفه جدا وهاديه وتبلغ من العمر ٢٠ عام وهى فى كليه حاسبات ومعلومات فى سنه تانيه ____________________________ نيجى بقى نروح مكان تانى فى قصر يتخطى مرحله الروعه والجمال اقل حاجه تتقال أنه تحفه فنيه بداخله كانت تجلس سيده فى الصالون وهى تشرب فنجان القهوه التى اعتادت عليه فى الصباح الباكر وهناك صوت يقتحم هدوئها وكان ذلك الصوت يخرج من فتاه فى ال ٢٠ من عمرها وكانت تنادى وتقول: _ يا نيرو انا صاحيت هلا هلا بالجميع لا لا تخجلونى من فضلكم بعرف انى جميله شكرا لكى ولكى انتى أيضا كانت تقول تلك الكلمات وهى تضحك _حور توقفى عن هذه الأفعال الطفوليه قولت لكى مليون مره لا تفعلى تلك الأفعال الغبيه بتاعتك قالت حور بحزن: _حسنا ماما كنت امزح فقط _خارجه كده على الصبح فين يا حور قلبى ؟ _راحه النادى يا سولى _ماشى ياقلب بابا خلى بالك من نفسك ومتتأخريش _اوامر وتنفذ يا سياده العقيد ضحك سليم والد حور على أفعال ابنته ____________________________ حور : فتاه مشاغبه وجميله وبتعشق حاجه اسمها روايات ونفسها تلاقى بطل أحلامها وعايزه يبقى زعيم مافيا لأنها عايزه تشتغل معاه وهى فى كليه هندسه قسم هندسه معمارية تبلغ من العمر ٢٠ عام نيره : والدت حور وتبلغ من العمر ٤٠ عام سليم: والد حور ويبلغ من العمر ٤٥ عام _______________________________ كان هناك اطفال بيلعبوا فى حديقه دار رعايه الاطفال _عمر انا خايفه اوى كل شويه حد يختفى من صحابنا _متخافيش يا ديريا طول مانا معاكى متخافيش ياحبيبتى اتفقنا _حاضر يا عمر بس ياسين و عبدالله ورامى وملك ورحمه كلهم اختفوا كمان فى عيال من الملجأ كل يوم بيختفوا _ديريا احنا هنفذ الخطه اللى اتفقنا عليها وهنهرب وهنروح نبلغ على اللى انا شوفته _هو انت ياعمر مش ناوى تقولى شوفت ايه سرح عمر فى اللى شافه من كام يوم Flash back : بعد أما جميع الأطفال اللى فى الملجأ ناموا بسبب المنوم اللى مديره الملجأ بتحطهولهم فى الاكل بس عمر اليوم ده مكلش عمل نفسه بياكل علشان ميتعاقبش وخبى طبق الاكل ومكلش وعمل نفسه نايم بس الغريبه أنه لقى أن الكل نايم وراح يصحيى واحد صاحبه لقاه اكنوا فى غيبوبه راح على ديريا برضه لقاها نفس الكلام سمع صوت اقدام بتقرب من الغرفه اللى بيناموا فيها فعمل نفسه نايم لقى مديره الملجأ وكام واحد معاها بياخدوا ياسين صاحبه بعد أما خدوا ياسين وطلعوا من الغرفه عمر طلع وراهم براحه وفضل وراهم لحد اما وصلوا لغرفه تحت الارض وكانت الغرفه دى شكل غرفه العمليات حطوا ياسين على السرير _ها يادكتور ده هو اللى عملنالوا التحليلات وطلع أن كل الاعضاء بتاعته سليمه _تمام يا مرام هانم هكشف عليه تانى ولو الاعضاء سليمه هبدء أخد الاعضاء بتاعته وهدفع السعر اللى اتفقنا عليه عمر من صدمه الكلام اللى سمعوا وهو بيرجع تعثر بحجره فسقط على الأرض _رمضان روح شوف مين هناك لكن قبل أما رمضان يوصل لمكان عمر كان عمر خرج من المكان واستخبى _مفيش حاجه يا مرام هانم ممكن تكون قطه فاق عمر على صوت ديريا _ ايه ياعمر روحت فين بقالى ساعه بكلمك يابنى _هنا معاكى يا بحري بس احنا اتفقنا انك متطلبيش منى انى اقولك على اللى شوفته متفتحيش الموضوع تانى علشان عمورى ميزعلش منك _عمورى هو انت ليه دايما بتقولى يابحرى ؟ _لان؛ اسم ديريا معناه بحر ايه ده بجد مكنتش اعرف _____________________________ عمر : ولد جميل ولطيف وذكى جدا وحنين اوى خصوصا على ديريا أخته ويبلغ من العمر ١٣ عام ديريا : اخت عمر وتبلغ من العمر ١١ عام مرام : مديره الملجأ وهى سيده قاسيه وبتحب المال وبتروح مع اى حاجه تجبلها فلوس ____________________________ فى بيت موجود فى حى شعبى ‏ _انتى يازفته ياللى اسمك كادى يلا اصحى بدل ماجيلك وانتى عارفانى هجيبك من شعرك وأهريكى ضرب يلا يابت قومى _يارب صبرنى بقى عليها انا زهقت _انتى يااااابت _قومت اهو يا طنط سميره _طيب يلا ياختى علشان تروقى الشقه دى وتعملى الاكل وحذارى ارجع من بره الاقيكى مخلصتيش اللى قولت عليه _حاضر يا طنط سميره خرجت سميره من الشقه وقبل أما تقفل باب الشقه شافت مودة صديقت كادى قدام باب الشقه راحت قالت _ هو انا كان ناقصنى بلوه لما تيجى التانيه _فى ايه يا طنط سميره متهدى علينا كده _متلمى نفسك يابت شوفتى مجايبك ياستاذه كادى جايبه صاحبتك تقل ادبها عليا _خرجت كادى اكيد مكنتش تقصد يا طنط سميره معلش _تعالى يا مودة ادخلى _اه هو انتى يابت كنتى شايفاه بيتك تدخلى اللى انتى عايزاه لا فوقى يابت ده بيتى انا وانتى هنا خدامه عندى وبس هو ابوكى مات وسابلى بلوه _علفكره ياست سميره البيت ده يبقى بتاع ابو كادى وانتى اللى ضحكتى عليه قبل أما يموت وركبتيله وش الملاك لحد اما كتبلك البيت باسمك لكن فوقى لو فاكره أن كادى ملهاش حد وانك هتيجى عليها علشان هى غلبانه فأحب اقولك انك غلطانه لانى انا مهما عملتى يا وليه ياحيزبونه مش هبعد عنها ولا هسيبك تيجى عليها طول مانا عايشه _شوفوا البت اللى مشافتش بربع جنيه تربيه بتكلم واحده فى سن امها ازاى اتلمى كده يابت واقفى معوج واتكلمى عدل بدل مقطعلك لسانك ده اللى اطول منك يا شبر ونص بقى انا شبر ونص انا مش هرد عليكى علشان أنا مش فضيالك يلا بقى شوفى انتى راحه فين ياست سميره _معلش يا مودة خلاص ياطنط سميره نزلت سميره على السلم وهى بتلعن فى مودة _مكنش فى داعى يا مودة تزعقى معاها هتروح تقول لباباكى _متخافيش يا كادى المهم انتى عامله ايه والوليه الحيزبونه دى بتعملك حاجه _الحمدلله يا مودة كفايه أنها معيشانى معاها بدل مقعد فى الشارع _انتى هتفضلى يابت هبله زى مانتى البيت ده بيتك _طب بصى تعالى اقفى معايا وانا بعمل الاكل علشان متجيش تخلى عيشتى سوده _______________________________ كادى : بنت طيبه جدا ومامتها ماتت وكادى عندها ١٣ عام وباباها اتجوز سميره على أساس أنها تربى بنته وتراعيها لكن سميره قدامه كانت بتركب وش الملاك وتعاملها معامله كويسه قدامه واول أما يمشى تضربها وتخليها تعمل كل شغل البيت وكادى تبلغ من عمرها ٢١ عام وهى فى كليه طب سميره : مرات ابو كادى مودة : صديقت كادى وبتحبها اوى _______________________________ فى قصر كبير اوى ولونه اسود داخل القصر دخل فرسان الظلام _والله كان نفسى اقتله _احمد اهدى كده متنساش أن بابا مأمرناش بقتله دخل عليهم رجل يبلغ من العمر ٥٣ عام وقال عملتوا ايه يا أحبائى رد "شادى"كل تمام ياكبير نفذنا طبعا ضحك الرجل وقال : _منا عارف انكم نفذتم اقصد لمستم طارق _والله كان نفسى بس تعليماتك بقى هموت واعرف ليه مش عايزنا نخلص عليه قال أحمد الكلام ده وهو بياخد تفاحة من طبق الفاكهة وياكلها بغيظ _هتعرفوا فى الوقت المناسب اهم حاجه أن ميكونش لينا ملفات تخصنا عندهم "ادم " _ايوه يابابا خد الملفات وحطها فى الخزنه اللى فى الباب السرى _أوامرك يا مصطفى باشا _عندنا اجتماع بكره يامحمود متنساش تجمعهم علشان الاجتماع مهم وكلكم لازم تكونوا موجودين _حاضر يابابا _وكل واحد اتسحب على اوضته علشان ينام قبل اجتماع الصبح _______________________________ مصطفى : والد فرسان الظلام وهو أكبر أعضاء المشاركة فى المافيا ويبلغ من العمر ٥٣ عام _____________________________ عند عمر وديريا واللى كانوا هينفذوا خطه الهروب ‏ _ديريا ركزى ياحبيبتى اول أما الحرس يبدل مع الحرس التانى هنهرب هما بيسلموا الورديات عند الباب الغربى واحنا هنهرب من الشرقى فاضل خمس دقايق ويمشوا من على البوابه _تمام ياعمر فهمت قولتلى الكلام مليون مره _خلاص ياقلبى ومتخافيش لانى معاكى دايما _ماشى ياعمورى الحراس ذهبوا للبوابه الشرقيه علشان الحراس التانيه تقف مكانهم راح عمر شد ديريا وجرى هو وهى فى الشوارع بعدوا عن الملجأ ووقفوا يرتاحوا _هنعمل ايه دلوقتي يا عمر _هندور على قسم الشرطه علشان نبلغ وننقذ الاطفال _طيب هنوصل ازاى _متخافيش يا ديريا ربنا معانا وطول ما ربنا معانا هنوصل ثقى بالله وبعدين ثقى فيا اتفقنا يا بحرى _اتفقنا يا عمورى وفى نفس الوقت كان طارق راجع من مهمه ولقى طفل وطفله واقفين لوحدهم فى الوقت ده ركن السياره ونزل منها _انتم بتعملوا ايه فى الوقت ده لوحدكم وفين اهلكم _عمو ممكن تقولنا نروح قسم الشرطه منين _وانت ليه عايز تروح قسم الشرطه ياحبيبى ؟ _علشان هنبلغ عن الملجأ اللى احنا فيه _هو انتم هربانين من الملجأ _بصراحه اه علشان بيحصل فيه حاجات _وايه هى الحاجات دى ؟ _عمر راح عند أذنه وقالوا بصوت واطى مينفعش اقول قدام اختى علشان متخافش وكمان هى قلبها ضعيف ومش هيستحمل _للدرجادى الموضوع كبير _اه ممكن بقى توصلنا لمركز الشرطه _طيب انا رائد فى المخابرات ايه رأيكم تيجوا معايا البيت والصبح هكلم العقيد علشان هو صاحب والدى وانت تحكيلى وتحكيلوا الصبح _واحنا ايه اللى يخلينا نثق فيك _قالوا شكلك ذكى ايه رأيك تشوف بطاقتى طلعلوا بطاقتوا واتأكد أنه تبع الشرطه علشان كده وافق أنهم يروحوا معاه وركب عمر و ديريا مع طارق السياره _____________________________ فى بيت متوسط الحال كان هناك فتاتين فى غرفتهم بيضربوا بعض بالمخدات دخل شاب فى العشرينات عليهم وهو يقول .. _مين يازفته منك ليها حاطت زيت عند الحمام علشان أما اجى ادخل اتزحلق واقع رد الاتنين فى صوت واحد _ مش انا ده هي وكل واحده شاورت على التانيه _والله طيب انتم الاتنين هتتعلقوا _والله العظيم يا حازم مش انا ( كيان قالت كده وهى بتنزل من على السرير ) _كيندرا انتى اللى عملتى المقلب ده _طبعا لو حلفتك ياخويا ياحبيبى انى بهزر مش هتصدقنى _لا ياروحى مين قال كده _طيب انت ليه بتقلع الحزام _هتعرفى دلوقتي ياحبيبتى _اهدى بس كده يا حزوم متتهورش _هو مش انتى عايزه تجربى شغل الروايات بتاع البطله اللى بتاخد العلقه المحترمه من البطل ايه رأيك اكون انا البطل ده وانتى البطله _لا اهدى متتهورش يامامااااا الحقينىىىى ياحجه ابنك هيعلقنى يانهاااارى الحقونى ياناااس _اخرصى يابت ده انتى موتك هيبقى على ايدى _هو انتم التلاته مش ناويين تبطلوا شغل الهبل والجنان بتاعكم ده ولا اكنكم اطفال وانت ياكبير مش مفروض تبقى عاقل وهو اللى يعيش مع بناتك يا"سوسو"يبقى فيه عقل دول محتاجين باب خالى _شايفه ياماما عايز يضربنى بالحزام ازاى _طيب سبهالى يا "حازم"دلوقتي علشان تغسلى المواعين وبعدها ابقى موتها عادششى ياحبيبى _انا اكيد مش بنتكم ده مستحيل يارب صبرنى على العيله دى واكتشف انى من عيله غنية كده وعندى خدم والعيله دى تكون خطفانى علشان تتسجن طبعا قالت الكلام ده بعد أما مامتها وأخوها طلعوا لأنها لو قالت قدام مامتها فأبو ورده هيتنشن فى وشها _يلا يا كيندرا علشان المواعين مستنياكى ياحبيبتى حاضر جايه ياسوسو ________________________ كيان:بنت جميله وهى فى سنه اولى كليه هندسه قسم هندسه معمارية تبلغ من العمر ١٩ عام كيندرا : بنت جميله وهى تؤام كيان وهى فى سنه اولى كليه العلوم وتبلغ من العمر ١٩ عام وكيان اكبر منها بخمس دقائق حازم : شاب وسيم وهو متخرج من كليه هندسه قسم هندسه طيران وفضاء ويبلغ من العمر ٢٤ عام ساره : مامت الثلاثى المرح ده وتبلغ من العمر ٤٥ عام ________________________ لا تفكر أنها النهاية إنما النهاية هى مجرد بدايه ♥️ ///////////// //////////// alyaa ♥️