بعد فترة افاقت هاجر وهي تنظر حولها ولحظات واستوعبت الكارثة التي حلت عليها
-احية احية احية عليا
انا فين واي كمية الخضرة دي؟؟؟
يحوستي ياما
زين من خلفها
-بااااس ياللي نتزغدي اي كمية الندب دي
-طب احنا فين
-احنا تقريبا ف غابة
-وانت ايش عرفك
-صاحي يختي بقالي شوية ف اتمشيت استكشف مش زي ناس نايمين زي المقاتيل
- طب واحنا جينا هنا ازاي يا عبقري
- وانا ايش عرفني يختي
-تكونشي ياض انت بتتاجر ف الاعضاء وانت اللي بتخطف الدكاترة وخاطفني زيهم عشان اعضائي وتبقي انت البلود توسيت اللي ف الاخر ؟؟ولا انت...
لم تكمل كلامها حيث سمعا صوت خروشة
والصوت يقترب
شعر كلا منها بالخوف وحاولا الركض ولكنهم محاصرون من اناس كثير او كما نقول "قبيلة "
حاول زين التواصل معهم بأي لغة او اشارة اي شيء ولكنهم لم يعطوهم فرصة من الاساس فقاموا بإمساكهم وربطهم علي عصا خشبي وامالوهم بالعرض وحملهوهم كمشهد حمل جوني ديب فى فيلم قارصنة الكاريبي
- زين هما عملوا فينا كده لي هو في اي ؟؟؟ يا زين الحقني
-الحقكك اييي يا بلوة؟؟؟ مش اما الحق نفسي الاول يختي !؟........
وبعدين شكلنا والله اعلم كده هنتروق ترويقة تمام
- تقصد اي ؟؟ لا والنبي اوعي تقول اللي ف بالي
-ههه هما بعينهم يختي
-طب ازاى!؟
-مش واخدة بالك من اللى بيتاكل هناك ده
- يحزننننني يا سوادك اللي رايح واللي جاي يا قرمط يوم ما اقع ف غابة واقول مش هشتغل ومش هعمل اطلع هتاكل من قبيلة اكلي لحوم بشر؟؟؟؟؟ اححييه ده كان يوم اسود يوم ما شوفتك
- لا وانت الصادقة يوم اسود من وشك يا شيخة
-طب هما واخدينا ع فين طيب
- اقولك ومتزعليش رايحين يفسحونا شوية ....انتِ هبلة ؟؟؟احنا رايحين نتسلق يختي عشان يعرفوا ياكلونا زي اللى سبقونا ...
- يا ميلة بختك يا هاااجر
- استني قبل ما تكملي وصلة الندب بقي خدي الكبيرةعشان تبقى ندبة واحدة.....
-يالههههوي هو لسه فى تانى!!؟ يا سواد الحلل
- ودي تيجي يرحب بينا اكلى لحوم بشر بس ....فى نمر هناك اهو يختي وشكلهم هيخلوه ياكلك وانا هيتسلوا عليا واحده واحده
-يا شيخ يخربيت ام معرفتك الهباب كانت معرفة ...
وقال الاثنان فى نفس الوقت
منيلة بستين نيلة
......
ثواني معدودة وكان كل من هاجر وزين بداخل دورق كبير جدا يتسع للاثنين والماء يغطي اكثر من ثلثيهما
-احمدك واشكرك يا رب
-هو احنا المفروض نحمده ونشكره وكل حاجة بس سؤال يا شيخ افندي اشمعنا دلوقتي ولا انت نويت تعلن اسلامك دلوقتي ولا اي حكايتك انت !؟
كاد ان يجيب ولكن قاطعته بثرثرتها كالعادة وقالت بسرعة
-متقوليش انك لقيت حب حياتك ف وسط القرية وعينك زاغت ع واحده فيهم بس ثواني انت هتعرفها من بقية القرية ازاي انا حسيتهم كلهم شخص واحد اسود بس مستنتخ علي عدد كبير ... يكونوش جايين من الفضاء او مثلا دولة من الدول العظمي تكون مسيطرة ع عقلهم عشان ياكلوا لحوم البشر ف بالتالي البشر عددهم يقل وينفذوا مخطط المليار الذهبي او...
-بااااااااس الله يخربيت معرفتك ع اليوم اللي شوفتك فيه وجعتي دماغي ده كلوا عشان حمدت ربنا ان المية مش مغلية وانهم هيسخنوا الميه واحنا فيها ف بالتالي عندنا وقت اننا نقدر نهرب ف تقومي سياتك تنسخي مليون سيناريوا ف الثانية ملهمش علاقة ببعض واللي اثبتولي ليه معدل الوفيات زايد اليومين دول وان الطب ف مصر زي الزفت
كادت انت تجيبه ب انفعل ولكن قاطعها قوله
-يااااااه ياما نفسي حد يجيبلي سكينة ولا مقص اقطع بيهم لسانك الزفر اللي طوله قدك 100 مره يا قزمة انت
-متقولش قزمة بس وانت يا فرحتي طول وعضلات ع الفاضي وفى الاخر انا عارفه انهم هيطلعوا يا نفخ يا ضاربلهم حقن
-يحزني ع الرغي مش حاسة بالكارثة اللي احنا فيها
قالها بصوت منخفض لنفسه
شعر بحركة سكان القرية من حول الدورق فهو كان يملك من الطول ما يكفي ليجعله يري ما يحدث خارج الدورق ولكن صديقتنا لا فقي كما يقولون قزمة ...
وجدهم يستعدون لاشعال النار تحت الدورق حتي يتم سلقهم احياء
وبالتأكيد تتسائلون لما لم يهربوا حتي الان ؟
فقد قامت تلك القبيلة بربط زين وهاجر ببعضهم ومن حسن حظ هاجر ان منسوب الماء كان اقل من طولها
هنا انتبه على ما تقوله هاجر او كما يسميها المعتوهة
-عمتا مش هناولهالك يا زين الكلب انا معايا مشرط وحياة امي ل هغزك بيه واخلص من شكلك بس اما نطلع من هنا
-نعم يا روح امك اه يا بنت ال*** بقي انا عمال افكر ازاي نخرج وازاي انقذ حياتك تصدقي بالله والله العظيم هما هينقذوا البشرية لما يعملوكي لحمة ولو اني اشك ان ممكن تكون لحمتك فيها عدوي الغباء
لم تستوعب ما يقول لما يشتمها هكذا او يلعن رؤيتها هي فقط ارادت اغاظته
-هو انت بتشتم لي بس عشان انا مش فاهمه لان لو اللي ف دماغي صح ها..........
-والله ما انت مكملة يا شيخة بقي هما سابونا تلت ساعة هنا لوحدنا وانا بحاول افك ام الحبل وانت بكل برود معاكي مشرط كان ممكن يفكنا ف ثواني ونهرب نلحق نفسنا ولكن ازاي ؟؟ ازاي نشغل الجاموسة اللي ف جمجمتك ازاااااي ؟ قالها بعصبية شديدة
هنا شعرت كم هي غبية ولم تفكر ولكن لا يجب ان تشعر هي يجب ان تتأكد .
فقالت بتوتر وهدوء حتي لا تستثير اعصابه فهي تقسم انه سيقتلها الان ان لم تسبقه تلك القبيلة المعتوهة
-طب حاول تمد ايدك لجيب البطلون من ورا تحت البلوزه انا دايما بشيل المشرط هنا
وسكتت للحظات
-هو انا بيتهيألي ولا الجو بقي حر والمية سخنت شوية
- اااه هو انا نسيت اقولك؟!! هما ولعوا علينا عشان نتسلق فاضل ان الميه تغلي
- يالهههههههوااااااي يا خراااابى يا حزنيييييي يااالهوووي مكنش يومك يا هاااجر هتموتي صغيرة يختي واديكي لا عيشتي ولا شوفتي دنيا ولا سافرتي ولا اتنيلتي عشان ابقي قول دراساتشي وطموحاتشي وحياااتشي كان يوم اسود مطلعلوش شمس يوم ما فكرت اخش ثانوي.. لا وعلمي ولا ازاي علمي علوم لا وشوف البجاحة ادخل كمان كلية الطب
كان هو في اثناء ندبها المتواصل قد فك وثاق الحبل بقي خطوة واحدة هي كيف يخرجون من ذلك الوعاء الذي بالمعني الحرفي سيسلقون فيه
-ممكن تخرسي عشان اشوف هنخرج ازاي لاننا بجد ف ظرف ربع ساعة بالكتير مش هيبقي لينا وجود ف يا ريت تتكتمي
- حاضر بس مش واخد بالك ان الدنيا ابتدت تليّل بسرعة
فنظر الي السماء ووجدها تكاد تظلم فعلا
-حلو ده ف صالحنا عشان نهرب من استاذ نمر والقبيلة المنيلة دي
صمت للحظات
- يلا القبيلة كلها ماشاء الله اغبية كلهم ماشيين عشان يجيبوا خشب تقريبا ودي فرصتنا الوحيدة
-بس انا مش هعرف اطلع البتاع ده
-مش وقت خااالص انك تفعلي فيه وضع البطة البلدي انا اهشبكلك وانت تنطي وبعدين انا هطلع
-وبالنسبة للنمر
-انا مسكت حتتين لحمة من اللى كانو عايمين هنا
واكمل بإبتسامة مخيفة
-تقريبا من الجثة اللي كانت مغلية قبلنا
كادت ان تجلب ما في بطنها من شعور القرف والغثيان بسبب ذلك المرعب ،عديم الاحساس،لا يقدر انها فتاة رقيقة ولننسى قليلا انها طبيبة طب شرعى وانها من المفترض معتادة على ذلك الشئ ......ولكن لا وقت لتتعمق فى تلك المشاعر المتناقضة فهي لم تشعر بنفسها سوي انها على حافة الاناء وهاهي ترمي للنمر فخذه الرجل المسلوق فى اتجاه وتقفز لكي تركض هي وذلك الضفدع من الطريق الاخر
مهلا ........الضفدع .......
-بتضحكي ع اي يا متخلفة
-لا ولا حاجة
هي قد اطلقت عليه لقب ضفدع وتخيلت شكله لذلك ضحكت فقام هو الاخر بالقفز ولكن تأتي الرياح بما لا تشتهي السفن
- احية هما لحقوا يجيبوا خشب
- انت لسه هتسألي اجري ومن غير صويت ....بسرعة
وشرعا فى الركض السريع ويحاولون بقدر الامكان عدم اصدار اي صوت حتي يستطيعوا ترك مساافة امان بينهم لكي يتخفوا حتي الصباح ليستطيعوا الهروب من تلك الغابة ولكن ما لا يعلموه ان نحسهم قد بدأ من اللحظة التي لمسوا فيها تلك الجثة .......
فهم علي جزيرة في وسط المحيط
يركضان باقصى بسرعة حينما ابتعدا عن ذلك المكان البغيظ
-يحزني ....... نفسي اتقطع يا بني ادم
يابني لو تعرف عني اني عدّاءة قولي انا كان اخري يوم ما اتمعظم اخد المسافة من الحمام للسرير جري عشان المكان ميسقعش ولما اضلم الطرقة عشان العفريت ميمسكنيش
-هو ينفع تتكمي انا والله العظيم نفسي اقربع شريط بنادول من الكام ساعة اللي قعدتهم ف خلقتك كرهتيني ف صنف الستات كلها اكتر ما انا كارههم وبعدين هاتي ايدك عشان هبتدي اسرع عن كده عايزين نسرع عشان نشوف هنستخبي فين لغاية الصبح لان الدنيا ليلت دلوقتي واحنا ممعناش لا خشب ولا نار عشان نتدفي وهدومنا مبلولة كمان ومفيش نور ف انكتمي
وسكت لبرهه ثم صفع جبهته
"صلاه النبي احسن بقيت لتتات و رغاي زيها. فيروس ماشي ع الارض منك لله يا بعيدة "
قالها وهو يكلم نفسه
كادت تجيبه بأن امساك يدها حرام ولكن
-مفيش وقت انا والله ما ف نيتي حاجة بس ربنا قال الضرورات تبيح المحظورات وانت ع معدل جريك اللهم انك يعني كده بالصلاه ع النبي ماشاء الله عليكى
-خالتي اللتاتة.. انجززي
فصفع جبهته مره اخري
- لا لا انت مش طبيعية
- ال يعني انت اللي طبيعي اتنيل امسك ايدي وخلصنا عشان نخلص لاني تعبت وجعانة
امسك يدها وازاد من سرعة الجرى اكثر مما يستطيعون التحمل ولكن الخوف يصنع المعجزات وهي لا تستطيع مواكبته من الاساس ولكن لاحكام يده علي يدها كانت تستطيع الجري حتي وكان نفسها كما يقولون (انقطع)
بعد مده نصف ساعة كانت كالبطة البلدي مسطحة على الارض تأخذ نفسها بشدة وهو يتجول حولها ف المكان ويشعر ان تلك المسافة ستجعلهم يستريحون ولو 3 ساعات علي الاقل والغريب ف الامر ان تلك الغابة لم يكن بها اي حيوان سواء كان مفترس او اليف او بري حتي فذلك الشيء غريب علي غابة
- اي الصوت ده
انتبه لصوتها وانها تقول انها تسمع صوتا
لعنها بداخله فهو يظن انهم اكتشفوا امرهم كأول مره بسببها وبسبب تلك الحنجرة اللتي تحتاج ابادة وفي اسرع وقت
فقال فى داخله
-يالهوي حتي ف تفكيري بقيت رغاي يخربيت ام معرفتك ع اللي جابوكي يا هاجر
وذهب بإتجاهها وقبل ان يتكلم او يسبها قالت
- في صوت امواج انا سامعاه هو ده بحر ولا اي
فانصت للصوت
اجل انه صوت مسطح مائي علي بعد ليس بقليل ولكن يمكن الاستماع له كيف لم ينتبه له؟ ربما كان مشغول فى سب هاجر ولعنها بأسوأ الالفاظ
-قومي يختي من ع ريش النعام وهزي طولك كده عشان نروح هناك يمكن نلاقي سفينة ولا اي مكان نبات فيه بهدومنا المبهدلة دي
ولاول مره تنصاع لاوامره دون جدال فهي تحتاج النوم بشده وهي الان (تُتَكتِك) تموت من البرد فسارت بجانبه مسافة لا بأس بيها بخطوات المد السريع
وبالفعل وصلو للشاطيء وبدأوا بتفقده حتي ابتسم لهم الحظ اخير و وجدوا مركب متوسطة الحجم مكونه من سطح السفينة و طابق اسفل السطح يمكن ان يتخفوا به ويستريحوا حتي الغد وبالفعل قاموا بالنزول لذلك الطابق ولحسن الحظ ايضا وجدوا ملابس اخري و مشاعل للتدفئة
ولكن هل سيدوم ابتسام الحظ ؟؟
نحن لا نعلم .......
في الصباح استيقظ زين بعد ان نعم بنوم عميق وملابس دافئة
فصعد زين الي سطح السفينة
وجد منظار (تليسكوب صغير) تابع لاصحاب المركب فاخذه لينظر من كل الاتجاهات ليري اي مخرج يأخذهم من ذلك الجحيم
-ده انت بتيجي ع السيرة
لحسن الحظ مرة رابعة ان السفينة نوعا ما فى الماء يحتاج فقط لرفع المرساة لكي تبحر فهو رأي تجمع من القبيلة قادم فى اتجاههم علي ما يبدو انهم غاضبون بشدة وايضا الجزيره تهتز بشكل غريب
- طبعا مهو اكيد كل الحظوظ دي مش جايه من فرااغ يا حزني ... بركاان كمااان ...
بعدما رفع المرساه كانت غيبوبتنا قد استيقظت وبدأت فى مساعدته من تدوير الدفة وهو يوجه الشراع فسارت السفينة بسرعة بفضل تيارات الهواء والماء الناتجين من البركان وابتعدت عن الشاطيء بكثير
حسنا تلك الحظوظ الكثيرة غير مطمئنة بالمرة ولكن تلك المرة حمد الاثنان ربهم
-نفدنا منيهم الحمد لله
-غريبة يعني مسألتيش بتجري بالسفينة لي ولا انا المفروض اقف ع الدفة ومعاندتيش ف اي قرار لي
- بصراحة عشان انا صحيت قبلك وشوفتهم من بعيد ف رجعت وعملت نفسي نايمة عشان استخبي لاني كسلت اصحيك ومن كتر ما كنت مندمجه نمت
(والله قورته صعبانه عليا من كتر ما ضربها بسببها)
-يا صبر ايوب يااارب
- بمناسبة صبر ايوب تعرف اى حكمة ربنا ف ان سيدنا يونس الحوت يبلعه
- اكيد اعرف يا اخره صبري
- طب تخيل كده ده حاجة من دي تحصلنا ياااه والله هتبقي معجزه تزود ايمانا
- بس زمن المعجزات خلص
- الكلام ده عليه اختلاف مبدأيا هو المعجزات فعلا انتهت بمجيء النبي محمد ولكن انت ممكن كل يوم تحصلك خارقة انت مش واخد بالك منها وهي امر خارج عن الطبيعة ف دي فيها جدال وف الاخر احب اقولك مفيش حاجة مستحيلة
-هحاول اصدقك بس اشمعنا نبي الله يونس اللي ذكرتي سيرته
لي مش نبي الله نوح كان صبور وكل الانبياء كذلك....
-ممكن عشان احنا يعتبر ف نفس المكان اللي هو البحر وع سفينة و ......
وهنا حدثت اهتزازه شديدة ادت لانقلاب السفينة و وقوع كل من هاجر وزين ف الماء وتمسك كلا منهم بقطعة خشب
-كل ثانية بتمر بتثبتلي انك بلوة ع الارض وان حسبي الله ونعم الوكيل ف اللي وقعنا الوقعة السودة دي
........ انتظر الرد ولكن لم تجب فنظر لها وجدها تنظر لما تحت الماء بذعر
-لا ..... متقوليش ....كده كتير بجد
-هو بعينه يا حضره الظابط هو
-كانت معرفه مهببة منك لله
-ياسوادك يا هاااجر يا صغيره ع المووت
-وتفتكري هنعرف نخرج
.قالها وهو يكاد يبكي
-لي هو انت مفكرنا من المعجزات ف الارض انطق الشهادتين ده بيفتح بوقه
قالتها بصراااخ
فقالا الاثنان في صوت واحد
-اشهد ان لا اله الا الله واشهد ان محمد رسول الله
ابتلعهما الحوت بالفعل
وغابت الرؤية لفترة من الزمن لا نعرف عددها
وهنا استفاق زين وهاجر فنفس اللحظة على صوت ضرب نار او انفجار قنبلة لا نعلم ولكن ما يحدث الان هو اغرب من الخيال
هما ف مكان ما ولكن يتم الهجوم عليه من قبل جيش ما والمنطقة يتم تفريغها فى اقصى سرعة
-يارب يكون اللي ف دماغي غلط يا رب
-هو اي الي ف دماغك يا زين
قالتها ببكاء علي مناظر الشعب المغدور به والمقتول بأبشع الطرق بسبب تلك الحروب عديمة الفائدة والتي غرضها سفك الدماء
- اجريييي دي حرب
شرعا فى الركض مسافة طويلة يحاولون تجنب القذائف حتي وصلا الي تجمع من الناس وسألوا عما يحدث فاجاب احدهم
- الجيش الاسرائيلي دخل سينا وبدأ ف احتلالها
-نعم ؟؟؟! دخلها تاني
- دخل اي تاني يا بنتي هو كان دخلها اولاني اصلا
-اسكتي يازفتة .. يا حج احنا ف سنة كام
- انت مش عايش ف الدنيا ولا اي احنا سنة 1967
هنا توقف الوقت عند هاجر وزين وركض الرجال الاخرون فقد كان التقدم الاسرائيلي اسرع مما ظن الجميع ولم يكد يستوعب كلا من بطلينا الموقف الا انهم وقعوا اسري حرب فى يد العدو
فى معتقل الاسرى
-بص هو يوم منيل ب 60 نيلة يارتني لا دخلت لا طب شرعي ولا طب بشري من الاساس
- انت لسه هتندبي يختي عايزين نفكر هنخرج من ام المعتقل ده ازاي
- متصبر يا عم الحج هو احنا ورانا حاجه منا لازم اندب الاول معلش اديني فرصتي ولا سياتك وراك معاد مستنيك؟؟؟!
قالتها بسخرية
كاد ان يجيب ولكن خطرت له فكره هي متهورة وقد قدمت ف العديد من الافلام ولكن بما انهم ف الماضي فتلك الخدعة ستكون حديثة(جديدة نوفي)
- انا هقولك ع اللي هتعمليه بالظبط
ومن حسن حظهم انهم فى نفس الزنزانه فهم اول اسري حرب وبالتأكيد من الشخصيات المهمة لانهما كانا على الحدود لذلك سيلعب ذلك العدو اخبث الالعاب ليوقع بأي معلومة ليكمل احتلال مصر
لقد قال لها ثلاث كلمات فقط ولم يكد يكمل حتي وجد ثلاث رجال امامهم وقاطعوهم وقاموا بفتح الزنزانة وكما توقع اخذوها اولا ليتم التحقيق معها او بالمعني الاصح تعذيبها
فبالتأكيد ضابط يعلم انه يتم وضع اجهزه تجسس خاصة مع الاسري الاوائل
وبعدما اخذوها واغلقوا الباب عليه ظهر علي وجهه شبح ابتسامة فخطته تسير علي ما يراام
عند هاجر
اخذوها لغرفة التحقيق ليحاولوا استجوابها
دخل عليها رجل ذات رتبة عالية من جيش العدو ليقوم بإستجوابها
- اي يا واد الجمدان ده متتجوزني يا حج وتستر عليا وتكسب فيا ثواب
- لمعلوماتك ذلك الاسلوب لن يعمل معانا خبيبتي
-يا بركة دعاكي يا امااااااه ده قال خبيبتي يعني حبيبتي يبقي حبتني طب والله انا قولت انك الوحيد اللي فيهم يعني يرضيك يا زوجي يا قرة عيني اللي هيعملوه ف مراتك المستقبلة يرضيك يطفوا السجاير تحت باطها ولا يسلخوا حته من جلدها ولا حتي يطلعوا عليها اسد جعان ينهش ف لحمها يرضيك
قالت كلماتها الاخير بحزن شديد اجادته لدرجه انه شعر بالحزن لاجلها وقال
- لا طبعا ميرضنيش يا خبيبتي
- يالههههوي يا امماااااه ده قال خبيبتي تاااني يالهووووي لا هات مأذون دلوقتي والا والله هيقفشونا فعل فاضح ف معتقل الاسري
وبالطبع كانت تتكلم بسرعة شديدة كعادتها
- اي مين اللي بيفعل فاضح ؟؟ هو الفاضح بيتفعّل؟ ماذا تقولين يا فتااه
-بقول انك زوجي المستقبلي وقرة عيني احسن من بوز الاخص اللي ف الزنزانة ده انا عارفة شايف نفسوا ع اي ده انت احلي منو بكتششير اووي وبعدين بصراحة انا مصاريني بتنعر
-مصاريني بتنعر ماذا تعني ؟
-"يحزني ده عايز مترجم يترجم الكلام بيني انا وهو"
تمتمت بهمس ومن ثم اكملت بصوت مسموع
-..... انا جعانة
وصاحت وهي تهم بضرب الضابط باسلوبها الذي يشبه البطريق ليظن من يراه انها مريضة عقلية
-جعااااانه يناااااس يا كفره يا ولاد الكلب جعااااااااانه هاتولي اكل يا جذم يا مفاعيص ياجلدة يا بوخلاااااه اااااااااااااه هاااااتولي اكل مصااااريني خلاااااااااص بتنعر عااااااايزه اكل يلا يا عررر ويا شوية ولاااااايا والدكر فيكو زي النتايا يلا يا وساااااااااااخة هموووووت من الجووووع
انفزع ذلك الضابط المسكين (لنقول ليس هو فقط بس كل من كان حاضر اصابهم زعر من حالاتها الهستيرية بسبب الجوع) فظنوا ان الحالة خطرة فخرج ذلك الضابط بسرعة وامر بجلب طعام لها فهو قد اصيب بصداع شديد من جلوسه مع اللعينة الخبيثة بضع دقائق
بعد حوالي ساعتين دخلت هاجر الي المعتقل بجوار زين وهي يبدوا عليها الانزعاج ف ادخلها العسكري وخرج مهرولا فهو ايضا لم يسلم منها
انفجر زين علي منظر العسكري المسكين وهو في قبضتها وقال بصعوبه من وسط ضحكاته
-اكيد شرفتي مصر
فرمقته بإحتقار وجلست وقامت بإخراج اداه تشبة المبرد وجدتها كما قال لها زين بلغة الاشارة فهم يضعون تلك المبارد ف ذلك المكان منذ قرون لذلك بما ان القاعده مصرية لم تصبح اسرائيلية بعد فبالتأكيد اماكن الاشياء لن تتغير بتلك السرعة وبدأ بشحذ حديد الزنزانة ببطء حتي يوفر لهم مكان للخروج وبالتأكيد قامت هاجر بإفساد جهاز التجسس ولم يجرؤ احد على دخول الزنزانة مجددا بعدما فعلته
-انت عملتي اي خلتي مناظرهم كده يا بت
- متقولش بت بس مش انت قولتلي قبل ما يدخلو ياخدوني "خليكي علي طبيعتك" ف وريتهم طبيعتي اللي ع حق
بدأت فى سرد ما حدث
بعدما اكلت ودخل لها الضابط مجددا بعدما اخذ قرص مسكن فتلك الفتاة اتفق جميع رجال العصور حتي الان انها مزعجة لحد كبير ...
قام بإستجوابها مجددا ولكنها قامت بضربه بطريقة البطريق مرة اخري ففقد اعصابه وبدأ بإستخدام قوته وتدريباته ليسيطر عليها ولكنها انهت تلك القوة ف نفس اللحظة .....فهي قطعت نسله للابد ......
اتت الاسعاف سريعا لحمل ذلك القرة عينيها
-هموت مش قادر ..............انتي عملتي كده ف قرة عينك ..............لالا مستحيييل
قالها في وسط ضحكة المستمر
-متقاطعنيش عشان اكمل لان انا قعدت ساعة ونص احول ف ظباط رتب ع المستشفي ف نقطني بسكاتك عشان متحصلهمش
فنظر لها نظره احتقار
فأكملت بلا مبالاه لنظارته
- ودخل عليا بعدوا واحد قدك كده يجي 4 مرات .........
-هيا يا فتاة قومي بضربي انا الاخر وليكن بعلمك انني لست مثل زميلي السابق ف انا اشد قوة وسأريكي من العذاب الوان
وهنا نظرت له هاجر نظرة طويلة انتهت ببكاء عالي كبكاء الاطفال ولكنه اشد .... كانت تصرخ
-هااااتولي ماما انا عايزه ماما
ياماماماماماماماما تعاليلي ياما ولاذ الجذم عايزين يموتوني
وظلت تنوح وتولول حتي سقط الاخر صريعا (هو لم يمت ولكنه اصيب له حالة نفسية من كثره الصراخ)
وهنا قاطعها زين للمره الثانية وقال
-عرفتي منين انو بيكره الصوت العالي
- انت ناسي ان انا دكتوره ف درست طب نفسي واكيد عارفة اااه وخد بالك ده الانذار الثاني 'الانذار التالت ومش هحكي تاني
- خلاص يا ستي كملي
-بعد حوالي 10 دقايق دخل واحد رفيع وقصير القامة ولكن شكله كده عليه الهيبة
-عملتي فيه اي يا بلوة
- وده الانذار التالت هقولك وبعد كده مفيش
- انا اصلا يعتبر خلصت قولي وانا بفنش وبعدين انت بتفكريني ب قصة سيدنا موسي والخضر عليهم السلام
- ايوه .......
بس انا بعمل معاك كده عشان انا صبري قليل وانت بتخليني اخرج عن اعصابي المهم ده انا اتجاهلتو بس لاني بصراحة كنت عايزه انام ف سيبتوا يكلم نفسوا ونمت ف مستحملش ان حد يتجاهلوا حصل اخواتوا
- خلصت
-هنخرج ازاي منهم بقي
-عيب عليكي وانا موجود انا حافظ المكان ده اكتر منهم يلا ورايا
بالفعل اتبعته وظل يدخل من اماكن ويتجنب اماكن وجود الكاميرات ويبدوا فعلا انه يعرف كل انش فى المبني وتم الخروج من المبني بسلام
- دلوقتي في مشكلة
- خير
- المكان ده ع البحر الاحمر ومفيش مفر غير منو لان البر اكيد هما استولوا عليه
-طب يلا مستني ايي
وركبا السفينة بالفعل وسارت بهم مسافة 10 كيلومترات وهنا بدأت السفينة ف الغرق
-هو احنا هيحصل فينا كل شوية غرق ف حتة شكل ولا اي ....يارب والله انا مش معترضة بس مش كلهم ف يوم واحد يا رب عايزه استريح
-امسكي نفسك كويس
ولكنهما بدأ ف الغرق مع العلم انهما ماهران ف السباحة ولكن عند القدر يعمي البصر
بعد فترة فتحوا اعينهم ووجدوا انفسهم ف وليمه كبيرة ولكن لان الاكل شهي ف بدأوا بالاكل دون سؤال اي احد وحينها اقتربا من الامتلاء سألا احد الموجودين
- من انتم ؟؟
- نحن المماليك
-مماليك ماذا بالظبط وما تلك الوليمة ؟
- نحن من المماليك حكام مصر القادمون بإذن الله يا بني وهذه وليمة قام بها محمد علي تكريما لنا
- احيه هتتبدحي وانت لسه مدخلتيش دنيا يختااااااااه
- بس ال يعني هو هيفهم اسكتي بقي مش عايزين نغير ف التاريخ
ونظر لاحد الرجال وقال
-في اي عام نحن ؟؟
-نحن في اول مارس عام 1811
- صلاة النبي احسن
-استعنا ع الشقا بالله امسك ايدي يلا واطلع اجرييي
وبالفعل امسك يدها وكالعادة ركضوا لكي يخرجوا من حدود القلعة ولكن هل القدر سيبتسم لهم ؟؟؟
مستحيل فقد كان الجنود اغلقوا البوابات لكي لا يستطيع احد الخروج ويبدأوا فى اصتطياد المماليك من خارج القلعة
-بص كده مقدمناش غير حل واحد اننا نستخبي ف هدوم محمد علي ذات نفسها
-انا ولاول مره هيعجبني تفكيرك احنا هنلبس زي الحرس ونعمل اننا بندبح ف المماليك عشان نتنجد
- انت مفكر اني عاوزه كده لا انا قصدت اللي انا قولتوا بالحرف
-انجري قدامي يا بجعة بدل وربنا هخلص عليكي انا دلوقتي
وبالفعل تم التنكر وانتهاء المذبحة علي خير (خوفت اتكلم ف احداث المذبحة اغير فى التاريخ 😂)
تم فتح البوابات وكانت القلعة بالمعني الحرفي دماء من كثرة برك الدماء التي بداخلها.... كانا علي مشارف البوابات
- ربنا يخلي رجلك يا زين باشا لمصر اتفضل وانا ورااك
كاد انت يتحدث
-والله ما يحصل يا جدع ده انا حاسه اني هشارك ف مارثون قريب من كتر الجري اللي جريتوا بس الحمد لله عدت ع خير ومكشفنااش........
لم تكمل الجملة حتي سمعوا
نداء احد الحراس عليهم وهو يصيح
- امسكوا بهم انهم خوووونة لقد سرقوا ردائي ورداء صديقي انهم من المماليييك امسكوا بهم
-تنشكي ف لسانك يا بعيدة مفيش حاجة تكمل بسلااام للاخر لازم بوزك اللي زي الزفت يخش فيه اجريييييي
قالها بصراخ وهو يركض ويمسك بها من يدها
- وقسما بالله انا لو حلفتلك ميت مره اني مقصدش وحمدت ربنا مش هتصدقني زائد اني والله مش لاقية رجلي ف الشارع انا تعبت
- مهو بصي مقدمناش غير حلين اتنين يا بوز النحس انت يا تجري يا تنطي ف النيل
- يبقي ننط وجذبته من يده
وقفزت ف النيل
ولان الملابس ثقيلة فقد جعلت اعاقت سباحتهم
و قبل ان يغوصا ف اعماق النيل
- يا رب هو انا موعود اني كل اما اروح زمن اغرق ف ميه وانا واخد ميداليات سباحة... والله يا رب انا مش معترض بس مش مع دي يا رب انا تعبت منها
ومن ثم غاصا في اعماق النيل
بعد مدة استفاقا في وسط صحراء
- استريحت يا زين باشا ادينا ف صحرا هنعرف نتنقل ازاي بقي
- مش يمكن تكون صدفة وجود المية وبعدين سؤال بقي احنا ف انهي عصر
صمتا لبعض الوقت و رأي زين بعض الجمال آتيه من بعيد وبعدها نظرت هاجر وقالت
- طب الحمد لله ممكن نكون ف عصر الرسول او الخلفاء يعني هينقذونا الحمد لله يا رب
وسجدت سجده شكر لله ولكن كانت تلك القافلة اقتربت ورأت ماذا فعلت فقال قائد القافلة
-ماذا تفعل تلك الآمة هنا ؟ ولما ترتدي تلك الملابس الغريب ؟ لماذا تسجدين يا حمقاء ؟هل الاله هنا ؟ ولكن اين انا لا اري اي صنم هنا !!
كاد ان يغشي ع هاجر من هول الصدمة
قفال زين قبل ان تهدم هاجر كل شيء
-اين نحن يا سيد القوم
فقهقة الرجل علي لقبه وقال
-لست سيد القوم يا فتي ولكني اتطلع لذلك ولانك اضحكتني سأقول لك نحن علي مشارف مكة المكرمة
- عذرا سأسألك سؤال اخر في اي عام نحن
- نحن في عام 571 بعد الميلاد والان اعذرني يجب ان اذهب
- سنة اي دي يا زين ؟؟ مالك مبلم لي
ضحك زين بشدة علي سخرية القدر وان الله استجاب لدعائة ولكن ف الزمن والوقت الخطأ
- في اي بتضحك لي ضحكني معاك اي احنا ف السعودية يعني هنعرف نرجع مصر وزمننا ولا اي
- زمننا ؟؟ احنا ف عام الفيل يختي يعنى سنة ميلاد الرسول
- طب برضوا مش فاهمه معالم السعادة ظاهره عليك لي.... اي نظرة الشر دي
- انتي مش مستوعبة صح ؟؟ احنا ف عصر الجاهلية يعني الاستعباد ووأد البنات
افرحي وزغردتي يا هاجر هعرف اخلص منك
فنظرت له بصدمة وهي تولول
- مكنش يومك يا صغيرة يا حوستي السودة يانا ياماااااا يخرااااااااااااابي
....................
اي رأيكوا فى الفصل ؟؟
اي رأيكوا ف الابطال ؟
